कुलुस्सियां 3:8 - ओङ राजपूत

⁸ पर हमा तम्ही वी यां सब नु, यानि क्रोध, ते रोष, बैरभाव, ते निन्दा, ते मुँहा कनु गालीया बकणीया ये सारीया बाता छोड़ती ङिया।

कुलुस्सियां 3:8 ပူးပေါင်းရင်းမြစ်များ

मत्ती 5:22

पर मैं तम्हानु किहे कि जको कुई आपणे भावां उपर गुस्सा करे, ऊं कचेहरी मां ङण्ड चे लायक हुवी, ते जको कुई आपणे भावां नु निक्‍कमा किही, ऊं महासभा मां ङण्ड चे लायक हुवी। ते जको कुई आपणे भावां नु किहे अरे मूर्ख, नरीकार ओनु नर्क चे जाखते मां नाखती ङिही।

मरकुस 7:22

लोभ, दुष्टता, छल, लोचपण, बुरी नजर, निन्दा, अभिमान, ते मूर्खता निकले।

रोमियां 13:13

जिंवे ङिहां मां अम्ही रिहुं वी, यूंही अम्हानु सिधी चाल चलणी चाही छै, ना कि लीलाक्रीड़ा, ते पियक्‍कड़पन, ना व्यभिचार, ते लोचपण मां, ते ना ही झग़ड़े ते ईर्ष्या मां लाग़ले रिहा।

1 कुरिन्थियां 3:3

कांकि तम्ही हमा तक संसारिक छिवा। ऐवास्ते कि जब तम्चे मां जलन ते झग़ड़े छी तां का तम्ही संसारिक कोनी? तां का संसारिक इन्साना ची रीति उपर ना चला?

2 कुरिन्थियां 12:20

कांकि मनु ङर छै कि, कङी इसड़े ना हो कि, मैं आती कर जिसड़े चाहवे, उसड़े तम्ही ना लाभा, ते मनु वी जिसड़े तम्ही ना चाहवा उसड़े ही ङेखा कि, तम्चे मां झग़ड़ा, डाह, गुस्सा, विरोध, ईर्ष्या, चुग़ली, अंहकार ते व्यवस्था ठीक ना हो।

गलातियां 5:15

पर अगर तम्ही आपस मां हेके ङुजे नु बाढा ते फाड़ती कर खावा, ते ङेखा! तम्ही आपस मां हेके ङुजे चा नाश करती नाखा।

गलातियां 5:20

मूर्तिपूजा, जादू टोणा, बैर, झग़ड़ा, ईर्ष्या, गुस्सा, विरोध, फूट,

गलातियां 5:26

ना ही अम्ही घमण्डी, ना तां हेके ङुजे नु चिड़ावा, ना हेके ङुजे लारे गैरत करा।

इफिसियां 4:22

कि तम्ही पेहले चाल-चलन चे पुराणे सुभाव नु जको भरमाणे आली लालसा चे अनुसार भ्रष्ट हुता जाये, उतारती नाखा।

इफिसियां 4:25

ऐवास्ते कूड़ मारणे छोड़ती ङिया ते पड़ोसीया लारे सच्‍च ब़ोला कांकि अम्ही हेके शरीरा चे अंग छिऊं।

इफिसियां 4:26

गुस्सा तां करा लेकिन पाप ना करा, ङिओ थोवणे कनु पेहले तम्चा गुस्सा ठाडा हुती जाओ।

इफिसियां 4:29

कोच्छ गन्दी बात ना ब़ोला जको ब़ोला आच्छे ब़ोला ते जको नेरा वास्ते आशीष ची वजह हो।

इफिसियां 5:4

ते ना बेइज्जती, ना ही मूर्खा ची चर्चा करली हो, ना ही मजाक ची कांकि ये बाता शोभा ना ङिही, सेर्फ नरीकारा नु धन्यवाद ही ङिला जाओ।

कुलुस्सियां 3:5

ऐवास्ते आपणे-आपणे अंगा नु मारती नाखा, जको धरती उपर छी, यानि गन्दे काम अपवित्र, बुरी इच्छा, गन्दी आदत, लोभ जको मूर्ति चे बराबर छै।

कुलुस्सियां 3:9

हेके ङुजे नु कूड़ ना मारा, कांकि तम्ही पुराणे सुभाव नु ओचे कर्मा समेत उतारती नाखले।

1 तीमुथियुस 1:13

मैं तां पेहले निन्दा करने आला, ते सतावणे आला, ते अन्धेर करने आला हुता, तां वी माये उपर दया हुली, कांकि मैं अविश्‍वास ची दशा मां बिना सोचले समझले, ये कामे करली हुती।

1 तीमुथियुस 1:20

वांचे महु हुमिनयुस ते सिकन्दर छी, मैं वानु शैताना नु सोंपती ङिले। कि वे नरीकारा ची निन्दा करने ना सिखो।

इब्रानियां 12:1

ये वजह कनु जबकि ग़वाहा ची इसड़ी बङी भीड़ अम्हानु घेरले आले छै, तां आवा, हर हेक रोकणे आली चीज ते उलझाणे आले पापा नु दूर करती कर, वा द्रोड़ जिसे मां अम्हानु द्रोड़ने छै, धीरज लारे उग़ते बधते जऊं,

याकूब 2:7

का वे मसीह ईशु चे उत्तम नांवा ची निन्दा ना करी, जाये मां तम्ही हकारले गेले?

1 पतरस 2:1

ऐवास्ते हर-तरहा चा बैरभाव ते छल ते कप्पट ते डाह ते बदनामी नु दूर करती कर,

2 पतरस 2:18

वे बेकार घमण्ड चा बाता करती करती लोचपण चे कामा लारे, वां लौका नु शरीरिक इच्छा लारे फसाती गिही, जको भटकले आला महु हमा निकली ही पले।

2 पतरस 2:7

पर ओणे धर्मी लूत नु जको अधर्मीया चे अशुद्ध चाल-चलन कनु ब़ोहत ङुखी हुता छुटकारा ङिला।

यहूदा 1:13

ये समुन्दर ची भयानक लहरा आलीकर छी, जको आपणी लाज़ चा झग़ उछाली, ये मार्ग़ कनु भटकले आले तारे छी, जाये वास्ते हमेशा तक घौर अन्धकार राखला गेला।

यहूदा 1:8

ठीक यूंही कोच्छ लौक तम्चे मां घिरती आले ते वे गन्दे खाब पुरे करने वास्ते आपणे शरीरा नु अशुद्ध करी, ते प्रभु ची सामर्थ नु तोच्छ जाणी, ते ऊंचे ओहदे आला नु बुरे-भले किही।

प्रकाशितवाक्य 16:9

ते बन्दी खतरनाक गर्मी लारे ब़लु लाग़ली, ते नरीकारा चे नांवा ची जेह्णे जा आफता उपर अधिकार छै, निन्दा करली ते ओची महिमा करने चे वास्ते मन कोनी फिराले।