कुलुस्सियां 3:15 - ओङ राजपूत

¹⁵ ते मसीह ची शान्ति जिसे वास्ते तम्ही हेक शरीर मां हकारले गेले तम्चे दिला मां राज़ करो, ते तम्ही शुक्रगुजारी बणले रिहा।

कुलुस्सियां 3:15 ပူးပေါင်းရင်းမြစ်များ

यूहन्‍ना 14:27

“मैं तम्हानु शान्ति ङिये पला, आपणी शान्ति तम्हानु ङिये पला। जिंवे संसार ङिये यूं मैं तम्हानु ना ङिही। तम्चे देल उदास ना हो, ते ना ङरो।

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

रोमियां 1:21

ऐ वजह कनु कि नरीकारा नु जाणने उपर वी वाणे नरीकारा चे लायक बढ़ाई ते धन्यवाद कोनी करला, पर गलत सोच-विचार करु लाग़ले, इठे तक कि वांचे मूर्ख मन मां अन्धारे हुती गेले।

रोमियां 14:17

कांकि नरीकारा चा राज़ खाणे-पीणे कोनी छै, पर धार्मिकता ते शान्ति ते वा खुशी छै जको पवित्र आत्मा लारे हुवे।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

रोमियां 5:1

कांकि अम्ही विश्‍वासा लारे धर्मी ठहरले, तां आपणे प्रभु ईशु मसीह चे जरिये नरीकारा लारे मेल-मिलाप राखु,

1 कुरिन्थियां 10:17

ऐवास्ते, कि हेक ही रोटी छै तां अम्ही वी जको घणे छिऊं, हेक शरीर छिऊं, कांकि अम्ही सारे वे हेक रोटी मां भईवाल छिऊं।

1 कुरिन्थियां 7:15

पर जको मर्द विश्‍वास ना करी, अगर ओ अलग़ हो तां अलग़ हुं ङिया। इसड़ी दशा मां कुई भऊ जा ब़ेहण ब़झले आले कोनी पर नरीकारा ने तां अम्हानु मेल-मिलाप वास्ते हकारले छै।

2 कुरिन्थियां 4:15

सब कोच्छ तम्ची भलाई वास्ते हुवे पले कि अनुग्रह ब़ोहत लौका कनु पुज़ो, ते यांचे जरिये नरीकारा ची महिमा वास्ते धन्यवाद ची प्राथना बधती जाये।

2 कुरिन्थियां 9:11

तम्ही हर बाते मां हर-तरहा ची उदारता चे वास्ते जको अम्चे जरिये नरीकारा चा धन्यवाद करवावे, धनवान करले जावा।

इफिसियां 4:16

जाये मां सारी देह, हर-हेक जोड़ा ची सहायता लारे हेक लारे मिलती कर ते हेक लारे ग़ठती कर ओ प्रभाव चे अनुसार जको हर-हेक अंग चे ठीक-ठीक काम करने चे जरिये ओचे मां हुवे, आपणे आप नु बधावे कि वा प्रेम मां बढ़ोतरी करती जाओ।

इफिसियां 4:4

हेक ही शरीर छै, हेक ही आत्मा छै ते हेक ही आस छै जिसे वास्ते तम्हानु हकारले,

इफिसियां 5:1

ऐवास्ते प्यारे ब़ाला आलीकर नरीकारा चे भांसु चला।

इफिसियां 5:20

ते सदा सारीया बाता चे वास्ते अम्चे प्रभु ईशु मसीह चे नांवा लारे नरीकार ब़ा चा धन्यवाद करते रिहा।

कुलुस्सियां 1:12

ते ब़ा चा धन्यवाद करते रिहा, जेह्णे अम्हानु ऐस लायक बणाले कि ज्योति मां पवित्र लौका चे लारे वसीयत मां भईवाल हुले।

कुलुस्सियां 2:7

ते ओचे मां ज़हड़ पकड़ती कर बढ़ते जावा जिंवे तम्ही सिखाले गेले यूंही विश्‍वास मां मजबूत हुते जावा, ते घणा धन्यवाद करते रिहा।

कुलुस्सियां 3:17

वचना मां जा कामा मां जको कोच्छ वी करा सब प्रभु ईशु चे नांवा लारे करा, ते ओचे जरिये नरीकार ब़ा चा धन्यवाद करा।

1 थिस्सलुनीकियां 5:18

हर हेक बाते मां धन्यवाद करा, कांकि तम्चे वास्ते मसीह ईशु मां नरीकारा ची हाओ मर्जी छै।

1 तीमुथियुस 2:1

हमा मैं सारा कनु पेहले हा उपदेश ङिये पला कि बिनती, ते प्राथना, ते निवेदन, ते धन्यवाद सारा बन्दा चे वास्ते करला जाओ।

1 तीमुथियुस 6:12

विश्‍वास चे सुसमाचार चे वास्ते आच्छी कुश्ती लड़, ते ओ अनन्त जीवन नु घालती गे, जाये वास्ते तु हकरवाला गेला, ते घणे ग़वाह चे सामणे मनले हुते।

इब्रानियां 13:15

ऐवास्ते अम्ही ईशु चे जरिये नरीकारा नु लगातार अराधना चे बलिदान भेंट करु यानि वां होठा ची स्तुति, जको ओचे नांवा चे प्रति धन्यवाद प्रकट करी।

प्रकाशितवाक्य 7:12

“इसड़े ही हो! अम्चे नरीकारा ची स्तुति ते महिमा ते ज्ञान ते धन्यवाद ते आदर ते सामर्थ ते ताकत युगानयुग बणली रिहो। आमीन!”