कुलुस्सियां 3:12 - ओङ राजपूत

¹² ऐवास्ते नरीकारा ने चुणले आला ची तरह जको पवित्र ते प्यारे छी, बङी दया, ते भलाई, ते दीनता, ते नरमाई, ते सहनशीलता धारण करा,

कुलुस्सियां 3:12 ပူးပေါင်းရင်းမြစ်များ

मत्ती 24:22

अगर वां ङिहां नु घटाले ना जईया, तां कुई प्राणी ना बचीया, पर चुणले आला ची वजह वां ङिहां नु घटाले जई।

मत्ती 24:24

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

मत्ती 24:31

ओ तुरही ची बङी अवाजी लारे आपणे स्वर्ग़दूता नु भेज़ी, ते वे आसमाना चे ऐ कूणे कनु ओ कूणे तक चारो दिशा कनु नरीकारा चे चुणले आले लौका नु भेले करी।

मरकुस 13:20

अगर नरीकार वां ङिहां नु ना घटाता, तां कुई प्राणी ना बचीया, पर चुणले आला ची वजह जानु ओणे चुणले, वां ङिहां नु घटाले।

मरकुस 13:22

कांकि कूड़े मसीह ते कूड़े भविष्यवक्‍ता उठती खड़े हुवे, ते चैन्ह ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

मरकुस 13:27

ओस समय ओ आपणे स्वर्ग़दूता नु भेज़ती कर धरती चे ऐ कूणे कनु आसमाना चे ओ कूणे तक चारो दिशा कनु नरीकारा चे चुणले आले लौका नु भेले करी।

लूका 1:78

हा अम्चे नरीकारा ची बङी किरपा कनु हुवी ते ओची वजह कनु अम्चे उपर स्वर्ग़ा कनु सोज़ले हुवी।

लूका 18:7

ऐवास्ते का नरीकार आपणे चुणले आला चा सच्‍चा न्यां नी चुकावी, जको रात-ङिओ ओची दुहाई ङिते रिहे? का ओ वांचे बारे मां देर करी?

रोमियां 1:7

वां सारा चे नांवे जको रोम मां नरीकारा चे प्यारे ते पवित्र हुवणे वास्ते हकारले गेले। अम्चा ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

रोमियां 13:14

बल्कि ईशु मसीह चे सुभाव नु धारण करती गिहा, ते शरीरा चीया इच्छा नु पुरीया करने मां ही ना लाग़ले रिहा।

रोमियां 9:11

ते हमा तक ना तां ब़ाले जमली हुती, ते ना ही वाणे कोच्छ भले जा बुरे करले हुते, ऐवास्ते कि नरीकार ची मनसा जको ओचे चुणती गेहणे चे अनुसार छै, कामा ची वजह कोनी, पर हकारने आला उपर बणली रिहो,

1 कुरिन्थियां 13:4

प्रेम सब्रा आला छै, प्रेम कृपा करने आला छै, प्रेम जलन ना राखी, प्रेम आपणी बढ़ाई ना करी, ते घमण्ड ना करी।

2 कुरिन्थियां 6:6

पवित्रता लारे, ज्ञान लारे, तसल्‍ली लारे, आपणी दया लारे, पवित्र आत्मा लारे, सच्‍चे प्रेम लारे,

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

इफिसियां 1:4

जिंवे नरीकारा ने अम्हानु संसारा ची उत्पत्ति कनु पेहले ओचे महु चुणती गेहले कि अम्ही ओचे गोढु, प्रेम मां पवित्र ते निर्दोष हुं,

इफिसियां 4:2

यानिकि सारी दीनता ते नरमाई समेत, ते सब्र करती कर प्रेम मां हेके ङुजे ची सेहती गिहा।

इफिसियां 4:24

ते नवें सुभाव नु घालती गिहा, जको नरीकारा चे प्रति सच्‍च ची धार्मिकता ते पवित्रता मां सृजला गेला।

इफिसियां 4:32

हेके-ङुजे उपर दया ते कृपा करा ते जिंवे नरीकारा ने मसीह मां तम्चे सारे पाप माफ करले, यूंही तम्ही हेके-ङुजे चे पाप माफ करा।

फिलिप्पियां 1:8

“नरीकार माया ग़वाह छै” मैं तम्हानु सच्‍च किहे पला कि मसीह ईशु जिसड़ा प्रेम करती तम्हा सारा वास्ते ललचावें।

कुलुस्सियां 3:10

ते नवें सुभाव नु घाले जती, जको आपणे सृजनहार चे सुभाव चे अनुसार ज्ञान प्राप्त करने वास्ते नवें बणते जाये।

1 थिस्सलुनीकियां 5:15

चौकस! कुई काये लारे बुराई चे बदले बुराई ना करो, पर सदा भलाई करने चे वास्ते तियार रिहा, ते अापस मां ते सारा लारे वी भलाई ही ची कोशिस करा।

2 तीमुथियुस 1:9

जेह्णे अम्चा उद्धार करला, ते पवित्र बुलाहट लारे हकारले, ते हा अम्चे कामा चे अनुसार कोनी, पर आपणी मनसा ते ओ अनुग्रह चे अनुसार छै, जको ईशु मसीह मां शुरुआत कनु अम्चे उपर हुला।

2 तीमुथियुस 2:10

ऐह वजह कनु मैं चुणला आला बन्दा चे वास्ते सारे कोच्छ सहन करे पला, कि वे ओ उद्धार नु जको ईशु मसीह मां छै, हमेशा ची महिमा नु पाओ।

तीतुस 1:1

हा चिठ्ठी पौलुस चे तरफु जको नरीकारा चा दास ते मसीह ईशु चा प्रेरित छै, नरीकारा चे चुणले आले लौक चा विश्‍वास ते वे सच्‍चाई ची पिछाण चे अनुसार जको भग़ती चे अनुसार छै,

1 पतरस 1:2

ते नरीकार ब़ा चे भविष्य ज्ञान चे अनुसार, पवित्र आत्मा चे पवित्र करने चे जरिये आज्ञा मनणे ते ईशु मसीह चे लुहींया चे छिड़कले जाणे चे वास्ते चुणले गेले। तम्हानु अनुग्रह ते शान्ति ब़ोहत मिलती रिहो।

2 पतरस 1:10

ऐ वजह कनु हे माये भऊ, ईशु चे हकारले आले, ते चुणले आले ते पक्‍के करले आले तां तम्ही कोशिस करते रिहा, कांकि इसड़े करने लारे तम्ही कङी वी ठोकर नी खावा।

1 यूहन्‍ना 4:19

अम्ही ऐवास्ते प्रेम करु, कि पेहले नरीकारा ने अम्चे लारे प्रेम करला।

2 यूहन्‍ना 1:13

दुधी ब़ेहणी ची ब़ाले जानु नरीकारा ने चुणले तनु नमस्कार किही।

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”