कुलुस्सियां 3:1 - ओङ राजपूत

¹ तां जिसे बेले तम्ही मसीह चे लारे जिवाले गेले, तां स्वर्ग़ीय चीजा ची खोज मां रिहा, जिठे मसीह मोजुद छै, ते नरीकारा चे सज़्ज़े पासु ब़ेहला।

कुलुस्सियां 3:1 ပူးပေါင်းရင်းမြစ်များ

मत्ती 22:44

“ ‘प्रभु ने माये प्रभु नु केहले, “माये सज़्ज़े पासु ब़ेस, जब तक कि मैं दुधे बैरीया नु दुधे पग़्ग़ा तले ना करती ङिये।” ’

मत्ती 26:64

ईशु ने ओनु केहले, “तु आप ही केहती ङिले, बल्कि मैं तम्हानु ईं वी किहे पला कि हमा कनु तम्ही मैं इन्साना चे पूता नु, सर्वशक्‍तिमान चे सज़्ज़े पासु ब़ेहले, ते आसमाना चे बदला उपर आते ङेखा।”

मत्ती 6:20

पर आपणे वास्ते स्वर्ग़ा मां आत्मिक धन भेला करा, जिठे ना ते कीड़ा ते ना ही काई बिगाड़े, ते जिठे ना चोर कंधे मां सुराख करी ते ना चोरी करी।

मत्ती 6:33

ऐवास्ते पेहले तम्ही नरीकारा चे राज़ ते ओचे धर्मा ची खोज करा तां ये सारीया चीजा वी तम्हानु मिलती जाये।

मरकुस 12:36

दाऊद ने खौद्द पवित्र आत्मा मां भरीती कर केहले हुते, “प्रभु ने माये प्रभु नु केहले, माये सज़्ज़े पासु ब़ेस, जब तक कि मैं दुधे बैरीया नु दुधे पग़्ग़ा तले ना नाखती ङिये।”

मरकुस 14:62

ईशु ने केहले, “मैं छै, ते तम्ही मैं इन्साना चे पूता नु सर्वशक्‍तिमान चे सज़्ज़े पासु ब़ेहले ते आसमाना चे बदला लारे आते ङेखा।”

मरकुस 16:19

प्रभु ईशु वांचे लारे बाता करने चे बाद स्वर्ग़ा उपर चती गेहला गेला, ते नरीकारा चे सज़्ज़े पासु ब़ेसती रेहला।

लूका 12:33

आपणी जायजात बेचती दान करती ङिया, ते आपणे वास्ते इसड़े ब़टुवे बणावा जको पुराणे ना हुवी, यानि स्वर्ग़ा मां इसड़ी दौलत भेली करा जको घटी ना, ते जाये गोढु चोर ना जई, ते कीड़ा ना बिगाड़ी।

लूका 20:42

दाऊद आप भज़न संहिता ची किताबे मां किहे, “ ‘प्रभु ने माये प्रभु नु केहले, “माये सज़्ज़े पासु ब़ेस,

लूका 22:69

पर हमा कनु मैं इन्साना चा पूत सर्वशक्‍तिमान नरीकारा चे सज़्ज़े पासु ब़ेहला रिही।”

प्रेरितां चे काम 2:34

कांकि दाऊद तां स्वर्ग़ा उपर कोनी चढ़ला, पर ओ आप खौद्द ही किहे, “ ‘प्रभु ने माये प्रभु नु केहले, “माये सज़्ज़े पासु ब़ेस,

प्रेरितां चे काम 7:55

पर स्तिफनुस पवित्र आत्मा लारे भरीती कर स्वर्ग़ा सनु ङेखले ते नरीकारा ची महिमा नु ते ईशु नु नरीकारा चे सज़्ज़े पासु भिले ङेखती कर केहले,

रोमियां 8:34

बल्ति कूण छै जको ङण्ड ची आज्ञा ङिही? मसीह ईशु ही छै जको मरती गेला बल्कि मरला आला महु जीता वी हुती गेला, ते नरीकारा चे सज़्ज़े पासु ब़ेहला, ते अम्चे वास्ते बिनती वी करे।

रोमियां 8:6

शरीरा उपर मन लावणे तां मौत छै, पर आत्मा उपर मन लावणे जीवन ते शान्ति छै।

2 कुरिन्थियां 4:18

ते अम्ही तां ङेखलीया आलीया चीजा नु कोनी पर अणङेखलीया चीजा नु ङेखते रिहुं कांकि ङेखलीया आलीया चीजा थोड़े ङिहां चा छी, पर अणङेखलीया आलीया चीजा सदा बणलीया रिही।

इफिसियां 4:10

ते जको उतरला हा ओही छै जको आसमाना कनु उपर चढ़ती वी गेला कि सारे काम पुरे करती ङियो।

इफिसियां 5:22

हे घराआलीया, आपणे-आपणे मुणसा चे यूं अधीन रिहा, जिंवे प्रभु चे।

कुलुस्सियां 2:20

जबकि तम्ही मसीह चे लारे संसारा ची शिक्षा ची तरफा कनु मरती गेले, तां बल्ति वांचे समान जको संसारा मां जीन्दगी बितावी ते बन्दा ची आज्ञा ते शिक्षा चे अनुसार।

कुलुस्सियां 3:2

धरती चीया चीजा उपर ना पर स्वर्ग़ीय चीजा उपर ध्यान लावा।

इब्रानियां 1:13

कांकि स्वर्ग़दूता महु नरीकारा ने कङी कानु इसड़े कोनी केहले, “माये सज़्ज़े पासु ब़ेसती रेह, जब तक कि मैं दुधे बैरीया नु दुधे पग़्ग़ा चे तले ची चौकी ना करती ङिये।”

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

इब्रानियां 10:12

पर मसीह तां पापा चे बदले हेक ही बलिदान सदा वास्ते चढ़ाती कर नरीकारा चे सज़्ज़े पासु जती ब़ेहला।

इब्रानियां 12:2

ते विश्‍वास चे कर्ता ते सेद्ध करने आले ईशु ची तरफ तकते रिहुं, जेह्णे ओ आनन्द वास्ते जको ओचे वास्ते पला हुता, लाज़ ची कुई चिन्ता ना करते हुले क्रूस चे ङोख सेहले, ते नरीकारा चे सिंहासन चे सज़्ज़े पासु जती ब़ेहला।

इब्रानियां 8:1

हमा जको बाता अम्ही किहुं पले, वांचे महु सबकनु बङी बात हा छै, कि अम्चा इसड़ा महायाजक छै, जको स्वर्ग़ा चे उपर महिमामय नरीकारा चे सिंहासना चे सज़्ज़े पासु जती ब़ेहला।

1 पतरस 3:22

ओ स्वर्ग़ा मां जती कर नरीकारा चे सज़्ज़े पासु जती कर ब़ेसती रेहला, ते स्वर्ग़दूत ते अधिकारी ते सामर्थी ओचे अधीन मां करती ङिले गेले।