कुलुस्सियां 2:8 - ओङ राजपूत

⁸ चौकस रिहा कि कुई तम्हानु ओह भौतिक ज्ञान ते बेकार धोक्‍के लारे शिकार ना करती गिहो, जको बन्दा ची परम्परा ची मत्त ते संसारा ची बुरी आत्मा ची शिक्षा चे अनुसार छै, पर मसीह चे अनुसार कोनी।

कुलुस्सियां 2:8 ပူးပေါင်းရင်းမြစ်များ

मत्ती 10:17

पर लौका कनु चौकस रिहा, कांकि वे तम्हानु कई प्राथनाघरा मां सोंपे, ते पंचेता मां तम्हानु कोड़े मारे।

मत्ती 16:6

ईशु ने वानु केहले, “ङेखा, फरीसिया ते सदूकिया चे खमीर कनु चौकस रेहजा।”

मत्ती 7:15

“कूड़े भविष्यवक्‍ता कनु चौकस रिहा, जिसे भेङा चे रूपा मां तम्चे गोढु आवी पर बादा मां वे, फाड़ने आले भेड़िये जिसड़े छी।

प्रेरितां चे काम 17:18

बल्ति कोच्छ इपिकूरी ते स्तोईकी दार्शनकारीया महु कोच्छ ओचे लारे तर्क करु लाग़ले, ते आपस मां किहुं लाग़ले कि, “हा बकवादी का केहणे चाहवे?” पर ङुजा ने केहले कि, “हा कुई नेरे देवता चा प्रचारक छै।” कांकि पौलुस तां प्रभु ईशु मसीह चा ते पुनरुत्थान चा सुसमाचार सुणाता।

प्रेरितां चे काम 17:32

मरला आला महु जीते हुवणे ची बात सुणती कर कोच्छ लौक तां ओचे उपर मजाक करु लाग़ती गेले, पर नेरे कईयां ने केहले कि, “यां बाता चे बारे मां अम्ही बल्ति कङी दुधे कनु होर ज्यादा सुणु।”

रोमियां 16:17

हमा हे माये भऊ, मैं तम्चे कनु बिनती करे पला, कि जको लौक वे शिक्षा चे विपरीत, जको तम्ही गेहली, फूट नाखणे, ते ठोकर ङिवाणे ची वजह बणी, ते वानु भांपती गेहले करा ते वाकनु दूर रेहले करा।

1 कुरिन्थियां 10:12

ऐवास्ते ऊं जको ईं समझे कि, “मैं विश्‍वास मां मजबूत छै,” चौकस रिहो कि किठी विश्‍वास कनु भटकती ना जाओ।

1 कुरिन्थियां 8:9

पर चौकस रिहा। इसड़े ना हो कि तम्ची हा आजादी किठी कमजोरा वास्ते ठोकर ची वजह ना बणती जाओ।

2 कुरिन्थियां 10:5

ऐवास्ते अम्ही विचारा नु, ते हर हेक ऊंची बाते नु, जको नरीकारा ची पिछाण चे विरोध मां उठे, ढाती नाखु, ते हर हेक भावना नु कैद करती कर मसीह चा आज्ञाकारी बणाती ङिऊं।

गलातियां 1:14

आपणे घणे जाति आला नु जको माये उम्री चे हुते, यहूदी पन्था मां ज्यादा बधाता ते आपणे ङाङा-ब़ा ची रिति-रिवाजा वास्ते मैं घणा ही होंसला बढाता।

गलातियां 4:3

अम्ची वी उसड़ी दशा हुती अम्ही वी जिसे बेले ब़ाला चे समान हुते तां दुनिया ची व्यवस्था गुलामी मां हुते।

गलातियां 4:9

पर हमा जको तम्ही नरीकारा नु पिछाणती गेले बल्कि नरीकारा ने तम्हानु पिछाणले, तां वा कमजोर ते संसारा ची बेकार जिसड़ी शिक्षा चीया बाता ची ओर कां मुड़ा? का वांचे तम्ही दोबारा गुलाम हुवणे चाहवा?

गलातियां 5:15

पर अगर तम्ही आपस मां हेके ङुजे नु बाढा ते फाड़ती कर खावा, ते ङेखा! तम्ही आपस मां हेके ङुजे चा नाश करती नाखा।

इफिसियां 2:2

जाये मां तम्ही पेहले ऐ संसारा ची रीति उपर, ते आसमाना चे अधिकार चे हाकिम यानि वे आत्मा चे अनुसार चलते, जको हमा वी आज्ञा ना मनणे आला मां काम करे।

इफिसियां 4:20

पर तम्हानु मसीह ची इसड़ी शिक्षा कोनी मिड़ली।

इफिसियां 5:6

कुई तम्हानु फालतु बाता मां धोक्‍का ना ङियो, कांकि जा कामा ची वजह कनु नरीकारा चा गुस्सा आज्ञा ना मनणे आले बन्दा उपर रिहे,

फिलिप्पियां 3:2

कुत्ता चे समान बन्दा कनु चौकस रेहजा, वां बुरे काम करने आला कनु चौकस रिहा, वां कटती करने आला कनु चौकस रिहा।

कुलुस्सियां 2:18

कुई बन्दे दीनता चा ङिखावा करती स्वर्ग़दूता ची पुज़ा करती तम्हानु बेवकूफ ना बणाओ, तम्ची द्रोड़ने चे प्रतिफल कनु दूर ना करो। इसड़े बन्दे ङेखली आलीया बाता मां लाग़ले रिहे ते आपणे शरीरिक समझ उपर बेकार मां फुंडे।

कुलुस्सियां 2:20

जबकि तम्ही मसीह चे लारे संसारा ची शिक्षा ची तरफा कनु मरती गेले, तां बल्ति वांचे समान जको संसारा मां जीन्दगी बितावी ते बन्दा ची आज्ञा ते शिक्षा चे अनुसार।

कुलुस्सियां 2:22

ये सारीया चीजा कामा मां गेहती-गेहती नाश हुती जाये कांकि ये बन्दा चे बणाले आले नियम छी।

कुलुस्सियां 2:23

ये सारीया बाता तां आपणी मर्जी चे अनुसार घड़ली आली भग़ती ची रीति, ते आपणे शरीरा नु ङोख ङेणा ते कूड़ी दीनता कनु शरीरा चा फायदा तां छै, पर शरीरा ची लालसा नु रोकणे मां याकनु कोच्छ वी फायदा कोनी हुला।

1 तीमुथियुस 6:20

हे तीमुथियुस, ऐ जिम्मेवारी ची रखवाली कर, ते जिसे ज्ञान नु ज्ञान केहणे ही भूल छै, ओचे गन्दे बकवास ते बहस-बाजी चा बाता कनु दूर रेह।

2 तीमुथियुस 3:13

पर दुष्ट, ते बहकाणे आले धोक्‍का ङिते हुले, बिगड़ते हुले चाह्‍ले जाये।

इब्रानियां 13:9

बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।

इब्रानियां 3:12

हे माये भऊ, चौकस रिहा, कि तम्चे मां इसड़े बुरे ते अविश्‍वासी मन ना हो जको जीते नरीकारा कनु दूर हुती जाये।

1 पतरस 1:18

कांकि तम्ही जाणा, कि तम्चा निक्‍कमा चाल-चलन जको ङाङा-ब़ा कनु चड़ला आवे ओचे कनु तम्चा छुटकारा चान्दी सोने यानिकि नाशवान चीजा चे जरिये कोनी हुला,

2 पतरस 3:17

ऐवास्ते हे प्यारे, तम्ही लौक पेहले ही कनु यां बाता नु जाणती कर चौकस रिहा, कि अधर्मीया चे भ्रम मां फसती कर आपणी मजबूती नु हाथा लारे किठी गुंती ना ब़ेसा।

2 यूहन्‍ना 1:8

आपणे बारे मां चौकस रिहा, कि जको मेहनत अम्ही करली विनु तम्ही गंवाती ना ङिजा, बल्कि ओचा पूरा-पूरा प्रतिफल पावा।