कुलुस्सियां 2:4 - ओङ राजपूत

⁴ ईं मैं ऐवास्ते किहे, कि कुई बन्दे तम्हानु लुभावणे आलीया बाता कनु धोक्‍का ना ङियो।

कुलुस्सियां 2:4 ပူးပေါင်းရင်းမြစ်များ

मत्ती 24:24

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

मत्ती 24:4

ईशु ने वानु उत्तर ङिला, “चौकस रिहा, कुई तम्हानु भरमा ना सग़ो।

मरकुस 13:22

कांकि कूड़े मसीह ते कूड़े भविष्यवक्‍ता उठती खड़े हुवे, ते चैन्ह ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

प्रेरितां चे काम 20:30

तम्चे बीच महु इसड़ी शक्स खड़े हुवे, जको चैला नु आपणे भांसु आवणे वास्ते टेढीया-मेढीया बाता सिखावे।

1 कुरिन्थियां 2:4

ते माये वचन, ते माये प्रचार मां ज्ञान ची लुभावणे आलीया बाता कोनी, पर पवित्र आत्मा ते सामर्थ चा सबूत हुता।

2 कुरिन्थियां 11:3

पर मैं ङरे कि जिंवे नाग़ा ने आपणी चलाकी लारे हवा नु भरमाती ङिले, कङी इसड़े ना हो कि तम्चे मन मसीह चे प्रति पवित्रता ते भग़ती कनु भटकती ना जाओ।

गलातियां 2:4

ईं वां कूड़े भावां ची वजह कनु हुले कि जको चोरी लारे घिरती आलते, मसीह ईशु मां आजादी जको अम्हानु मिड़ली विचा भेद गेहती अम्हानु गुलाम बणाओ।

इफिसियां 4:14

अम्ही इसड़ी ब़ाले बणली ना रिहुं कि हवाई लारे उछलती ना जऊं बन्दी जको ठग़्ग़ विधिया नु बधावी, भ्रम चे लारे भरले आले व्यवहार कनु, ते इसड़े ढोंगीपणे कनु इंगे-ऊंगे भटकाती ङी

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

इफिसियां 5:6

कुई तम्हानु फालतु बाता मां धोक्‍का ना ङियो, कांकि जा कामा ची वजह कनु नरीकारा चा गुस्सा आज्ञा ना मनणे आले बन्दा उपर रिहे,

कुलुस्सियां 2:18

कुई बन्दे दीनता चा ङिखावा करती स्वर्ग़दूता ची पुज़ा करती तम्हानु बेवकूफ ना बणाओ, तम्ची द्रोड़ने चे प्रतिफल कनु दूर ना करो। इसड़े बन्दे ङेखली आलीया बाता मां लाग़ले रिहे ते आपणे शरीरिक समझ उपर बेकार मां फुंडे।

कुलुस्सियां 2:8

चौकस रिहा कि कुई तम्हानु ओह भौतिक ज्ञान ते बेकार धोक्‍के लारे शिकार ना करती गिहो, जको बन्दा ची परम्परा ची मत्त ते संसारा ची बुरी आत्मा ची शिक्षा चे अनुसार छै, पर मसीह चे अनुसार कोनी।

2 तीमुथियुस 2:16

पर संसारा चे गन्दे बकवास कनु बचला रेह, कांकि ये बाता बन्दा नु नरीकारा कनु दूर करी।

2 तीमुथियुस 3:13

पर दुष्ट, ते बहकाणे आले धोक्‍का ङिते हुले, बिगड़ते हुले चाह्‍ले जाये।

1 यूहन्‍ना 2:18

हे जवानु, हा आखरी समय छै, ते जिसड़े तम्ही सुणले कि मसीह चा विरोधी आणे आला छै, ओचे अनुसार हमा वी ब़ोहत सारे मसीह-विरोधी उठती खड़े हुले छी, ऐचे कनु अम्ही जाणु कि हा आखरी समय छै।

1 यूहन्‍ना 2:26

मैं ये बाता तम्हानु वांचे बारे मां लिखलीया, जको तम्हानु भरमावी।

1 यूहन्‍ना 4:1

हे प्यारे, हर हेक आत्मा चा विश्‍वास ना करा, बल्कि आत्मा नु परखा कि वे नरीकारा ची ओर कनु छी जा कोनी। कांकि ब़ोहत सारे कूड़े भविष्यवक्‍ता संसारा महु निकलती खड़े हुले।

2 यूहन्‍ना 1:7

कांकि ब़ोहत सारे इसड़े भरमाणे आले संसारा महु निकलती आले, जको ईं ना मनी कि ईशु मसीह शरीरा मां हुती कर आला। भरमाणे आला ते मसीह-विरोधी हाओ छै।

प्रकाशितवाक्य 12:9

ते ओ बङा अजगर यानिकि ओही पुराणा नाग़, जको इबलीस शैतान किहवावे, ते सारे संसारा नु भरमावे, धरती उपर ढाती ङिला गेला, ते ओचे दूत ओचे लारे तले भुकाती ङिले गेले।

प्रकाशितवाक्य 13:8

धरती चे सब रेहणे आले, जाई नांवे ओ मैमणे ची जीवन ची किताबे मां लिखली कोनी गेली, जको संसारा ची शुरुआत चे समय कनु ही बलिदान हुला, ओ ढौरा ची पूजा करे।

प्रकाशितवाक्य 20:3

ते ओनु पताला मां नाखती कर ते ओचे उपर मौहर लाती ङिली, कि जब-तक हजार साल पुरे ना हुती जाओ ओ जाति-जाति चे लौका नु बल्ति कनु भरमा ना सग़ो, हजार साल पुरे हुवणे चे बाद थोड़ी जा देरी वास्ते ओनु बल्ति छोड़ले जई।

प्रकाशितवाक्य 20:8

ते ओ सारीया जातिया नु जको धरती चे चारो-तरफ रिही, जको गोग ते मागोग किहवावे, जाई गिणती समुन्दरा चे रेता आलीकर हुवी, याहनु भरमाती कर लड़ाई करने चे वास्ते भेले करी।