कुलुस्सियां 1:16 - ओङ राजपूत

¹⁶ कांकि ओचे मां सारीया चीजा नु बणाले गेले, स्वर्ग़ ची हो जा धरती ची, ङेखली हो जा अणङेखली, का सिंहासन, का प्रभुतांए, का प्रधानताए, का अधिकार, सारीया चीजा ओणे रचलीया, ते ओचे वास्ते बणालीया गेलीया।

कुलुस्सियां 1:16 ပူးပေါင်းရင်းမြစ်များ

यूहन्‍ना 1:10

सच्‍ची ज्योति संसारा मां हुती, ते संसार ओचे जरिये पैदा हुला, ते संसारा ने ओनु कोनी पिछाणले।

यूहन्‍ना 1:3

सब कोच्छ ओचे ही जरिये पैदा हुले, ते जको कोच्छ पैदा हुले, ओचे मां कुई वी चीज ओचे बिना पैदा कोनी हुली।

रोमियां 11:36

कांकि ओची ओर कनु, ते ओचे ही जरिये, ते ओचे ही वास्ते सब कोच्छ छै। ओची महिमा युगानयुग हुती रिहो। आमीन।

रोमियां 8:38

कांकि मैं पक्‍के ही जाणे कि, ना तां मौत, ना जीवन, ना स्वर्ग़दूत, ना प्रधानताए, ना वर्तमान, ना भविष्य, ना सामर्थ,

रोमियां 9:5

पुरखे वी वांचे ही छी, ते मसीह वी शरीरा चे भाव लारे वांचे महु ही हुला, जको सब चे उपर परम नरीकार युगानयुग धन्‍न छै। आमीन।

1 कुरिन्थियां 8:6

पर अम्चे गोढु तां हेक ही नरीकार छै यानि ब़ा जेह्णे सब कोच्छ रचले ते अम्ही ओचे वास्ते छिऊं। ते हेक ही प्रभु छै, यानि ईशु मसीह जाये जरिये सारीया चीजा हुलीया ते ओचे जरिये अम्ही जिऊं।

इफिसियां 1:10

कि समया चे पुरे हुवणे चा इसड़ा प्रबन्ध हो कि जको कोच्छ स्वर्ग़ा मां छै ते जको कोच्छ धरती उपर छै, सब कोच्छ नरीकार मसीह मां भेले करो।

इफिसियां 6:12

कांकि हा अम्चा मल्‍लयोद्ध, लुहीं ते मांस चे लारे कोनी, पर प्रधाना ते अधिकारीया चे लारे, ते ऐ संसार चे अन्धकारा चे हाकिमा लारे ते ओ दुष्टता ची आत्मिक सैना लारे छै जको आसमाना मां छै।

फिलिप्पियां 2:10

कि जको स्वर्ग़ा मां ते धरती उपर ते पताला मां छी वे सारी ईशु चे नांवा उपर गोङे टेको,

कुलुस्सियां 1:15

मसीह अणङेखले नरीकारा चा ङेखला आला रुप छै ते सारे संसारा मां पलेठी चा छै।

कुलुस्सियां 1:20

ते ओचे क्रूसा उपर बेहले आले लुहींया चे जरिये मेल-मिलाप करती कर, सारीया चीजा चा ओचे जरिये लारे आपणे लारे मेल करती गिहो, चाहे वे धरती उपर ची हो चाहे स्वर्ग़ा मां हो।

कुलुस्सियां 2:10

ते तम्ही ओचे मां भरपूर हुती गेले छिवा जको सारी प्रधानता ते अधिकारा चा शिरोमणी छै।

कुलुस्सियां 2:15

ते ओणे आत्मिक प्रधानता ते बुराई चा आत्मिक शक्‍तिया नु आपणे उपरु उतारती कर वांचा खुल्‍लम-खुल्‍ला तमाशा बणाला ते क्रूसा ची वजह वांचे उपर जय-जयकार ची अवाज सुणाली।

इब्रानियां 1:2

पर यां ङिहां चे अन्त मां अम्चे लारे आपणे पूता चे जरिये बाता करलीया, जानु ओणे सारीया चीजा चा वारिस ठहराले ते ओचे जरिये ओणे सारी सृष्टि वी रचली छै।

इब्रानियां 2:10

कांकि जाये वास्ते सब कोच्छ छै, ते जाये जरिये सब कोच्छ छै, नरीकारा नु ईं आच्छे लाग़ले कि जिसे बेले ओ ब़ोहत सारे पूता नु महिमा मां पुचाओ, तां वांचे उद्धारकर्ता ईशु नु ङोख चवणे चे जरिये सेद्ध करो।

1 पतरस 3:22

ओ स्वर्ग़ा मां जती कर नरीकारा चे सज़्ज़े पासु जती कर ब़ेसती रेहला, ते स्वर्ग़दूत ते अधिकारी ते सामर्थी ओचे अधीन मां करती ङिले गेले।