कुलुस्सियां 1:15 - ओङ राजपूत

¹⁵ मसीह अणङेखले नरीकारा चा ङेखला आला रुप छै ते सारे संसारा मां पलेठी चा छै।

कुलुस्सियां 1:15 ပူးပေါင်းရင်းမြစ်များ

यूहन्‍ना 1:1

आदि मां वचन हुता, ते वचन नरीकारा चे लारे हुता, ते वचन नरीकार हुता।

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 1:18

नरीकारा नु कङी वी किह्णी कोनी ङेखले, पर हिकड़ाते पूत जको ब़ा ची गोङी मां छै, ते खौद्द नरीकार छै, ओणे नरीकारा नु प्रकट करले।

यूहन्‍ना 14:9

ईशु ने ओनु केहले, “हे फिलिप्पुस, मैं इतने ङिहां तक तम्चे लारे छै, का तु मनु ना जाणी? जेह्णे मनु ङेखले ओणे ब़ा नु ङेखले। बल्ति तु कां किही, ‘ब़ा नु अम्हानु ङिखाण’?

यूहन्‍ना 15:24

अगर मैं वांचे मां ऊं काम ना करियो जको मैं करले तां वे पापा चे भाग़ी ना हुवीया। पर हमा वाणे ङेखती गेले जको मैं करले। तां वी वे माये लारे ते माये ब़ा लारे बैर करी।

यूहन्‍ना 3:16

कांकि नरीकारा ने संसारा लारे इसड़ा प्रेम राखला कि ओणे आपणा हिकड़ाता चा पूत ङिती ङिला, कि जको कुई ओचे उपर विश्‍वास करे ऊं नाश ना हो पर अनन्त जीवन गिहो।

रोमियां 8:29

कांकि जानु ओणे पेहले कनु ही चुणती गेले वानु पेहले कनु ठहराले वी छै कि ओचे पूता चे स्वरूप मां हो ताकि ओ घणे भावां मां पलेठी चा ठहरो।

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

फिलिप्पियां 2:6

जेह्णे नरीकार चे स्वरूप मां हुती कर वी नरीकारा ची बराबरी हुवणे वास्ते आपणे वशा मां राखणे ची चीज कोनी समझली

कुलुस्सियां 1:13

नरीकारा ने ही अम्हानु अन्धारे चे वशा महु छुड़ाती कर आपणे प्यारे पूता चे राज़ मां दाखिल करवाले।

1 तीमुथियुस 1:17

हमा सनातन राजा यानिकि अविनाशी, अणङेखले, हेको नरीकारा चा आदर ते महिमा युगानयुग हुती रिहो। आमीन।

1 तीमुथियुस 6:16

ते अमरता हेको नरीकारा ची ही छै, जको घणे चमकदार सोज़ले मां रिही, ओचे सोज़ले गोढु कुई ना जा सग़ी, ते ना ओनु कुई बन्दे ने ङेखले, ते ना कङी ङेख सग़े, ओचा मान-समान ते राज़ युगानयुग हुता रिहो। आमीन।

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

इब्रानियां 1:6

ते जब, नरीकार आपणे पलेठी चे पूता नु संसारा चे सामणे आणे, तां ओ किहे, “नरीकारा चे सारे स्वर्ग़दूत ओचे पूता ची वन्दना करो।”

इब्रानियां 11:27

विश्‍वासा लारे ही ओ राजे चे क्रोधा कनु नी ङरला ते ओणे मिस्र देशा नु छोड़ती ङिले, कांकि ओ अणङेखले नरीकारा नु, मनती गेहले ङेखता हुला मजबूत रेहला।

प्रकाशितवाक्य 3:14

“लौदीकिया ची कलीसिया चे दूता नु ईं लेख, “जको इसड़े ही हो ते विश्‍वास चे लायक ते सच्‍चा ग़वाह छै, ते नरीकारा ची सृष्टि ची मूल वजह छै, ओ ईं किहे पला कि,