प्रेरितां चे काम 9:29 - ओङ राजपूत

²⁹ ते यूनानी ब़ोली ब़ोलणे आले यहूदिया लारे बातचीत ते वाद-विवाद करता रेहता पर वे ओनु मारती नाखणे चा जत्तन करु लाग़ले।

प्रेरितां चे काम 9:29 ပူးပေါင်းရင်းမြစ်များ

प्रेरितां चे काम 11:20

पर वांचे महु कोच्छ साइप्रस ते कुरेनी वासी हुते, जको अन्ताकिया मां आती कर यूनानिया नु वी प्रभु ईशु चा सुसमाचार चीया बाता सुणाऊं लाग़ले।

प्रेरितां चे काम 17:17

ऐवास्ते ओ यहूदी प्राथनाघरा मां यहूदिया ते यूनानी भग़ता लारे ते शहर चे चौका मां जको लौक मिलते, वांचे लारे ओ हर ङिओ बहस-बाजी करता रेहता।

प्रेरितां चे काम 18:19

ते इफिसुस शहरा मां पुज़ती कर वानु उठी छोड़ती ङिले, ते आप खौद्द जती कर प्राथनाघरा मां यहूदिया लारे बहस-बाजी करु लाग़ती गेला।

प्रेरितां चे काम 19:8

पौलुस यहूदी प्राथनाघरा मां गेला। ओठे ओ तीन मेहना तक बेधड़क हुती कर ब़ोलता रेहला। नरीकारा चे राज़ चे बारे मां बहस-बाजी करता ते वानु आच्छी रीति लारे समझाता रेहला।

प्रेरितां चे काम 22:18

मैं प्रभु नु खौद्द मनु ईं केहते सुणले कि, ‘जल्दी कर यरुशलेम नु छोड़ती कर तुरन्त निकलती जा, कांकि वे माये बारे मां दुधी ग़वाही नी मने।’

प्रेरितां चे काम 6:1

वां ङिहां मां जिसे बेले चैला ची संख्या बधु लाग़ली, बल्ति यूनानी भाषा ब़ोलणे आले इब्रानी बन्दा उपर कुड़कुड़ाऊ लाग़ले कि, “हर ङिओ ची सेवकाई मां अम्चीया बांढीया ची सुधि ना गेहली जई।”

प्रेरितां चे काम 9:27

पर बरनबास ने ओनु आपणे लारे प्रेरितां चे गोढु गेहती गेला वानु केहले, कि ऐणे केस रीति लारे मार्ग़ा मां प्रभु नु ङेखले, ते ओणे ऐचे लारे बाता करलीया बल्ति दमिश्क मां ऐणे किवें हिम्मती लारे ईशु चे नांवा चा प्रचार करला।

प्रेरितां चे काम 9:28

शाऊल वांचे लारे यरुशलेम मां आता जता रेहला, ते बेधड़क हुती कर प्रभु ईशु चे नांवा लारे प्रचार करता।

2 कुरिन्थियां 11:26

मैं बार-बार सफरा मां, नदीया चे जोखिमा मां, ङाकुवा चे जोखिमा मां, आपणी जाति ची वजह कनु जोखिमा मां, नेरीया जातिया ची वजह कनु जोखिमा मां, शहरा मां रेहणे आला ची वजह कनु, खतरनाक ब्याबान मां, भयानक समुन्दरा चे जोखिमा मां, कूड़े भावां चे बीच मां खतरनाक स्थिति मां रेहला।

यहूदा 1:3

हे प्यारे, जब मैं तम्हानु ओ उद्धार चे बारे मां लिखणे मां घणी सारी मेहनत ते कोशिस करे पलता, जाये मां अम्ही सब भईवाल छिऊं, तां मैं तम्हानु ईं समझाणे जरुरी समझले कि ओ विश्‍वास चे वास्ते पूरा यतन करा जको नरीकारा चे पवित्र लौका नु हेक ही वारी सोंपला गेला हुता।

यहूदा 1:9

पर प्रधान स्वर्ग़दूत मीकाईल तक ने जब मूसा ची लाश चे बारे मां शैताना लारे वाद-विवाद करे पलता, तां ओनु बुरे-भले वी ना केहती कर दोष लावणे ची वी हिम्मत कोनी करली, सेर्फ इतने केहले, “प्रभु तनु फटकार ङियो।”