प्रेरितां चे काम 9:24 - ओङ राजपूत

²⁴ पर वांची जुग़त शाऊल नु पता लाग़ती गेला। वे तां ओनु मारती नाखणे वास्ते रात-ङिओ फाटका उपर घात मां लाग़ले रेहते।

प्रेरितां चे काम 9:24 ပူးပေါင်းရင်းမြစ်များ

प्रेरितां चे काम 20:19

यानिकि बङी नरमाई लारे, ते हींजवे बाहती-बाहती, ते वा परीक्षा महु जको यहूदिया ने षड़यंत्र रचने ची वजह माये उपर आली, मैं प्रभु ची सेवा करता रेहला।

प्रेरितां चे काम 20:3

जिसे बेले तीन मेहने रेहती कर ओ उठु जहाजा उपर सीरिया प्रदेस सनु जाणे आला हुता, ओनु सूचना मिड़ली यहूदी ओचे विरोध षड़यंत्र रचली भिले तां ओणे हा फैंसला करला कि मकिदुनिया हुती कर पुठा चाह्‍ला जाये।

प्रेरितां चे काम 23:30

जिसे बेले मनु ये बाते चा सनेसा मिड़ला कि यहूदी ऐका करती कर ऐनू मारणे आले छी, तां मैं ऐनू तुरन्त दुधे कनु भेज़ती ङिले। मैं आरोपीया नु वी हा आदेश ङिती ङिला कि ऐचे विरोध जको अरोप लाग़ले वे दुधे सामणे साबित करो।”

प्रेरितां चे काम 25:11

अगर मैं दोषी छै, ते इसड़े कुई काम करले जाई सजा मौत छै, तां मैं मरणे चे वास्ते तियार छै। पर जिसा बाता चा ये यहूदी माये उपर दोष लावी पले, अगर यां बाता महु कुई वी बात सच्‍च ना साबित हो, ते मनु कुई वी यांचे हाथा मां ना सोंप सग़ी। माई सुणवाई ची अपील कैसर राजे चे न्यालय मां भेज़ली जाओ।”

प्रेरितां चे काम 25:3

वांची योजना हा हुती कि अम्चा पक्ष गेहती कर पौलुस नु यरुशलेम सनु भेज़ती ङे, कांकि वे मार्ग़ मां ही पौलुस नु मारणे ची घात मां हुते।

प्रेरितां चे काम 9:25

पर राती नु ओचे चैला ने ओनु टोकरे मां ब़िसाणले, ते शहरपनाह चे उपर कनु लटकाती कर उतारती ङिले।

2 कुरिन्थियां 11:32

जिसे बेले मैं दमिश्क मां हुता, ते राजा अरितास चे राज्यपाल ने मनु गिरफ्तार करने चे वास्ते शहरा उपर पाहरा लाती ङिला।