प्रेरितां चे काम 9:21 - ओङ राजपूत

²¹ ते सारे सुणने आले हैरान हुती कर किहुं लाग़ले, “का हा ओही शक्स कोनी जको यरुशलेम मां वानु जको ईं नां गेहते नाश करता, ते इठे वी ऐवास्ते आला हुता, कि वानु ब़ांहती कर प्रधान याजका गोढु गेहती जाओ?”

प्रेरितां चे काम 9:21 ပူးပေါင်းရင်းမြစ်များ

प्रेरितां चे काम 2:12

ते वे सारे चकराती गेले, घब़राती कर हेके ङुजे नु किहुं लाग़ले कि, “ईं का हुवे पले?”

प्रेरितां चे काम 2:6

जिसे बेले हा अवाज हुली तां भीड़ लाग़ती गेली ते बन्दी हैरान हुती गेली, कांकि हर हेक नु सुणीजे पलते, कि ये माई ही भाषा मां ब़ोली पले।

प्रेरितां चे काम 3:10

ओनु पिछाणती गेले हा ओही छै, जको मन्दरा चे सुन्दर फाटका उपर ब़ेसती कर भीख मांगता, वे घटना लारे जको ओचे लारे हुली हुती वे बन्दी ब़ोहत हैरान ते चकराती गेली।

प्रेरितां चे काम 4:13

जिसे बेले वाणे पतरस ते यूहन्‍ना चा होंसला ङेखला, ते ईं जाणले कि ये अनपढ़ ते सादा बन्दी छी, तां हैरान हुले, कि ये ईशु चे लारे रेहले हुते।

प्रेरितां चे काम 7:59

वे स्तिफनुस चे उपर पत्थराव करते रेहले, ते ओ ईं केहती कर प्राथना करता रेहला, “हे प्रभु ईशु, माई आत्मा नु स्वीकार कर।”

प्रेरितां चे काम 8:3

पर शाऊल कलीसिया नु उज़ाड़े पलता, ते घरे-घरे घिरती कर मर्दा ते असतरीया नु घींसती-घींसती कर कैदखाने मां नाखती ङिता।

प्रेरितां चे काम 9:22

पर शाऊल होर वी ताकतवार हुता गेला, ते ये बाते सबूत ङिती-ङिती कर कि ईशु ही मसीह छै, दमिश्क चे रेहणे आले यहूदिया चे मुँह बन्द करता रेहला।

2 थिस्सलुनीकियां 1:10

हा ओ ङिओ हुवी, जिसे बेले ओ आपणे पवित्र लौका मां महिमा पाणे, ते सारे विश्‍वास करने आला मां आश्‍चर्य ची वजह हुवणे चे वास्ते आवी, तम्ही वी वां लौका मां शामिल हुवा, कांकि तम्ही मसीह चे सुसमाचार उपर विश्‍वास करला।

1 यूहन्‍ना 3:1

विचार करती कर ङेखा, ब़ा ने अम्चे लारे किसड़ा प्रेम करला कि नरीकारा ची ऊलाद्ध किवाहुं, ते सच्‍चमां अम्ही छिऊं वी। संसार अम्हानु ना जाणी, कांकि संसारा ने ईशु मसीह नु कोनी जाणले।