प्रेरितां चे काम 9:20 - ओङ राजपूत

²⁰ ते ओ तुरन्त यहूदी प्राथनाघरा मां ईशु चा प्रचार करु लाग़ला कि, “ईशु मसीह नरीकारा चा पूत छै।”

प्रेरितां चे काम 9:20 ပူးပေါင်းရင်းမြစ်များ

मत्ती 27:43

ओणे नरीकारा उपर भरोसा राखला, अगर ओ ऐनू चाहवे, तां हमा ऐनू छुड़ाती गिहो, कांकि ऐणे केहले हुते, ‘मैं नरीकारा चा पूत छै।’ ”

मत्ती 27:54

तब सूबेदार ते जको ओचे लारे ईशु चा पाहरा ङी पलते, भूकम्प ते जको कोच्छ हुले ओनु ङेखती कर घणे ङरती गेले ते केहले, “सच्‍चमां हा नरीकारा चा पूत हुता!”

मत्ती 4:3

बल्ति परखणे आले शैतान ने गोढु आती कर केहले, “अगर तु नरीकारा चा पूत छी, तां केहती ङे, कि ये पत्थर रोटीया बणती जाओ।”

यूहन्‍ना 1:49

नतनएल ने ओनु उत्तर ङिला, “हे रब्बी, तु नरीकारा चा पूत छी, तु इस्राएल चा महाराजा छी।”

यूहन्‍ना 19:7

यहूदी लौका ने ओनु केहले, “कि अम्ची वी व्यवस्था छै ते वे व्यवस्था चे अनुसार हा मारती नाखणे चे लायक छै, कांकि ऐणे नरीकारा चा पूत हुवणे चा दावा करला।”

यूहन्‍ना 20:28

उत्तर ङिते हुले थोमा ब़ोला, “हे माया प्रभु, हे माया नरीकार।”

यूहन्‍ना 20:31

पर ईं ऐवास्ते लिखले गेले कि तम्ही विश्‍वास करा कि ईशु ही नरीकारा चा पूत मसीह छै, ते विश्‍वास करती ओचे नांवा लारे जीवन गिहा।

प्रेरितां चे काम 13:14

ते पिरगा कनु हुते हुले पिसिदिया इलाके चे अन्ताकिया शहरा मां पुज़ले। ते सब्त चे ङिओ यहूदी प्राथनाघरा मां जती कर ब़ेसती रेहले,

प्रेरितां चे काम 13:33

कि नरीकारा ने ईशु नु जीते करती कर, ओही वायदा अम्ची ऊलाद्धी वास्ते पूरा करला, जिसड़े भज़न संहिता मां वी लिखले पले, “ ‘तु माया पूत छी, आज़ मैं ही तनु पैदा करले।’

प्रेरितां चे काम 13:46

बल्ति पौलुस ते बरनबास ने बेखौफ हुती कर केहले, “जरुरी हुते, कि नरीकारा चा वचन पेहले तम्हानु सुणाला जईया, पर जबकि तम्ही ओनु मना ही ना, ते आपणे आप नु अनन्त जीवन चे लायक ना ठहरावा, तां हमा, अम्ही नेरीया जातिया सनु फिरु पले।

प्रेरितां चे काम 13:5

ते सलमीस शहरा मां पुज़ती कर, नरीकारा चा वचन यहूदिया चे प्राथनाघरा मां सुणाला ते यूहन्‍ना वांचा सेवक हुता।

प्रेरितां चे काम 14:1

इकुनियुम मां इसड़े हुले कि पौलुस ते बरनबास यहूदिया ची प्राथनाघरा मां लारे-लारे गेले, ते इसड़ीया बाता केहलीया कि, यहूदी ते यूनानी ङुंहु महु घणा सारा बन्दा ने विश्‍वास करला।

प्रेरितां चे काम 16:13

सब्त चे ङिओ अम्ही शहर चे फाटक चे ब़ाहरु नदी चे किनारे ईं समझती कर गेले कि, ओठे प्राथना करने ची जग़हा हुवी, ऐवास्ते ओठे ब़ेसती कर, वां असतरीया लारे जको ओठे भेलिया हुतीया बाता करु लाग़ले।

प्रेरितां चे काम 17:10

विश्‍वासी भावां ने तुरन्त रातो-रात पौलुस ते सीलास नु बिरीया शहरा मां भेज़ती ङिले, ते वे ओठे पुज़ती कर यहूदिया चे प्राथनाघरा मां गेले।

प्रेरितां चे काम 17:17

ऐवास्ते ओ यहूदी प्राथनाघरा मां यहूदिया ते यूनानी भग़ता लारे ते शहर चे चौका मां जको लौक मिलते, वांचे लारे ओ हर ङिओ बहस-बाजी करता रेहता।

प्रेरितां चे काम 17:2

ते पौलुस आपणी रीति चे अनुसार वांचे गोढु गेला, ते तीन सब्त चे ङिहां मां, पवित्रशास्त्र चे मुताबिक वांचे लारे बहस-बाजी करता रेहला।

प्रेरितां चे काम 18:19

ते इफिसुस शहरा मां पुज़ती कर वानु उठी छोड़ती ङिले, ते आप खौद्द जती कर प्राथनाघरा मां यहूदिया लारे बहस-बाजी करु लाग़ती गेला।

प्रेरितां चे काम 18:4

पौलुस हर सब्त चे ङिओ यहूदी प्राथनाघरा मां जती कर बहस-बाजी करती कर यहूदिया नु ते यूनानिया नु समझाता।

प्रेरितां चे काम 19:8

पौलुस यहूदी प्राथनाघरा मां गेला। ओठे ओ तीन मेहना तक बेधड़क हुती कर ब़ोलता रेहला। नरीकारा चे राज़ चे बारे मां बहस-बाजी करता ते वानु आच्छी रीति लारे समझाता रेहला।

प्रेरितां चे काम 8:36

मार्ग़ा मां चलते-चलते वे कुई पाणीया ची जग़हा मां पुज़ले बल्ति मंत्री ने केहले, “ङेख, इठे पाणी वी छै। हमा मनु बपतिस्मा गेहणे मां का रुकावट छै?”

प्रेरितां चे काम 8:37

फिलिप्पुस ने केहले, “अगर तु सारे मन लारे विश्‍वास करी तां बपतिस्मा गे सग़ी।” ओणे उत्तर ङिला, “मैं विश्‍वास करे कि ईशु मसीह नरीकारा चा पूत छै।”

प्रेरितां चे काम 9:22

पर शाऊल होर वी ताकतवार हुता गेला, ते ये बाते सबूत ङिती-ङिती कर कि ईशु ही मसीह छै, दमिश्क चे रेहणे आले यहूदिया चे मुँह बन्द करता रेहला।

रोमियां 1:4

ते पवित्रता ची आत्मा चे तौरा पे मरला आला महु जीते हुवणे ची वजह सामर्थ चे लारे नरीकारा चा पूत ठहरला।

गलातियां 1:16

कि, ओ आपणे पूता चा ज्ञान माये उपर उजागर करे, जको मैं नेरीया जातिया मां वी ईशु मसीह चा सुसमाचार सुणा सग़े। ऐ बारे मैं ओ बेले कुई बन्दे चे लारे सलाह कोनी करली।

गलातियां 2:20

मैं मसीह चे लारे क्रूसा उपर चढ़ाला गेला, हमा मैं जीता ना रेहला, पर मसीह माये मां जीता छै, मैं शरीरा मां जको हमा जीता छै, तां सेर्फ ओ विश्‍वास लारे जीता छै जको नरीकारा चे पूता उपर छै जेह्णे मनु प्रेम करला, ते आपणे आप नु माये वास्ते ङिती ङिले।

प्रकाशितवाक्य 2:18

“थुआतीरा ची कलीसिया चे दूता नु ईं लेख, “नरीकारा चा पूत जाया आँख जाखते चे ज्वाला आलीकर छी, ते जाये पग़्ग़ उत्तम पित्तला आलीकर छी, ओ ईं किहे कि,