प्रेरितां चे काम 9:15 - ओङ राजपूत

¹⁵ पर प्रभु ने ओनु केहले, “तु चाह्‍ला जा, कांकि हा तां नेरीया जातिया ते वांचे राजे ते इस्राएलीया चे सामणे माये नां उजागर करने वास्ते माये चुणले आले जन छै।

प्रेरितां चे काम 9:15 ပူးပေါင်းရင်းမြစ်များ

मत्ती 10:18

तम्ही माई वजह हाकिमा ते राजा चे सामणे, वांचे उपर, ते नेरीया जातिया चे उपर ग़वाह हुवणे वास्ते पुचाले जावा।

यूहन्‍ना 15:16

“तम्ही मनु कोनी चुणले, पर मैं तम्हानु चुणले ते तम्हानु नियुक्‍त करले कि तम्ही जती कर फल आणा ते तम्चा फल बणला रिहो, कि तम्ही माये नांवा लारे जको कोच्छ ब़ा नरीकारा कनु मांगा, ते ओ तम्हानु ङिही।

प्रेरितां चे काम 13:2

जिसे बेले वे उपवास मां प्राथना करी पलते ले, ते पवित्र आत्मा ने वानु केहले, “माये वास्ते बरनबास ते शाऊल नु वे सेवा वास्ते अलग़ करा जाये वास्ते मैं वानु हकारले।”

प्रेरितां चे काम 21:19

स्वागत चे बाद पौलुस ने हेक-हेक करती कर वे सारीया बाता बावड़नीया शुरु करती ङिलीया, जको काम नरीकारा ने ओची सेवकाई चे जरिये नेरीया जातिया मां करले हुते।

प्रेरितां चे काम 22:14

“तब ओणे मनु केहले, ‘अम्चे ङाङा-ब़ा चे नरीकारा ने तनु ऐवास्ते ठहराले कि तु ओची इच्छा नु जाण, ते ओ धर्मी नु ङेखे, ओचे मुँहा कनु बाता सुणे।

प्रेरितां चे काम 22:21

“ते प्रभु ने मनु केहले कि, ‘चाह्‍ला जा, कांकि मैं तनु नेरीया जातिया मां दूर-दूर तक भेज़ी।’ ”

प्रेरितां चे काम 25:22

बल्ति अग्रिप्पा राजे ने फेस्तुस नु केहले कि, “मैं वी खौद्द ऐ बन्दे ची बाता सुणने चाहवे।” फेस्तुस ने ओनु केहले कि, “ठीक छै, तु काल सुणती गिहो।”

प्रेरितां चे काम 26:1

अग्रिप्पा ने पौलुस नु केहले कि, “तनु आपणे बारे मां केहणे ची अनुमति छै।” तब पौलुस ने हाथ ऊंचा करती कर आपणे बचाव चे बारे मां किहुं लाग़ला,

प्रेरितां चे काम 26:32

बल्ति राजा अग्रिप्पा ने राज्यपाल फेस्तुस नु केहले कि, “अगर ईं बन्दे कैसर ची अपील ना करीया, तां ऐनू छोड़ती ङिले जईया।”

प्रेरितां चे काम 27:24

‘हे पौलुस, ना ङर। तनु कैसर चे सामणे खड़े हुवणे जरुरी छै। ते ङेख, नरीकारा ने सारा नु जको दुधे लारे सफर करी पले याहनु जीवन ङिला छै।’

प्रेरितां चे काम 28:17

तीन ङिहां चे बाद पौलुस ने यहूदी प्रधाना ची हेक सभा हकरवाली, जिसे बेले वे भेले हुले तां वानु केहले कि, “हे माये भऊ, मैं आपणे लौका चे विरोध मां, जा पुरखा कनु चढ़ली आवे रीति रिवाज चे विरोध मां कोच्छ वी कोनी करले, फेर वी मैं कैदी बणाती कर यरुशलेम कनु रोमियां चे हाथा मां सोंपला गेला।

प्रेरितां चे काम 28:28

“ऐवास्ते ईं सही छै कि तम्हानु पता लाग़ती जाओ कि नरीकारा चा हा उद्धार हमा नेरीया जातिया चे वास्ते वी मौजुद छै, वे वी ऐनू मने।”

रोमियां 1:1

हा चिठ्ठी रोमियां ची कलीसिया वास्ते लिखली गेली पौलुस चे तरफु जको ईशु मसीह चा दास छै ते प्रेरित हुवणे चे वास्ते हकारला गेला ते नरीकारा चे ओ सुसमाचार वास्ते अलग़ करला गेला छै।

रोमियां 1:5

ओचे जरिये अम्हानु अनुग्रह ते प्रेरिताई मिड़ली कि ओचे नांवा ची वजह सब नेरीया जातिया चे लौक विश्‍वास करती कर ओची मनो।

रोमियां 11:13

मैं हमा तम्हानु ये बाता किहे पला, जको नेरीया जातिया छिवा। हमा, जबकि मैं नेरीया जातिया वास्ते प्रेरित छै, तां मैं आपणी सेवकाई मां पुरी कोशिस करे,

1 कुरिन्थियां 15:10

पर मैं जको कोच्छ वी छै, नरीकारा चे अनुग्रह लारे छै। ते ओचा अनुग्रह जको माये उपर हुला, ओ बेकार कोनी हुला। पर मैं वां सबकनु बधती कर मेहनत वी करली तां वी ईं माये तरफु कोनी हुले पर नरीकारा चे अनुग्रह लारे जको माये उपर हुता।

1 कुरिन्थियां 9:16

जिसे बेले मैं सुसमाचार सुणावे, तां माया कुई घमण्ड कोनी। कांकि ईं तां माये वास्ते जरुरी छै। ते अगर मैं सुसमाचार ना सुणावे तां माये उपर हाय!

गलातियां 1:1

पौलुस नु प्रेरित चा अधिकार, ना इन्साना ची ओर कनु ते ना ही इन्साना चे तरफु, बल्कि ईशु मसीह ते नरीकार ब़ा चे जरिये, जेह्णे ईशु मसीह नु मरले आला महु जिवाले, मिड़ला।

इफिसियां 3:1

ऐ वजह कनु मैं पौलुस नेरीया जातिया वास्ते ईशु मसीह चा प्रचार करने आला गुलाम बणला आला छै

1 तीमुथियुस 2:7

मैं सच्‍च किहे पला, कूड़ कोनी मारे पला, कि मैं ऐह मकसद लारे प्रचारक ते प्रेरित ते नेरीया जातिया चे वास्ते विश्‍वास ते सच्‍चाई चा उपदेशक ठहराला गेला।

2 तीमुथियुस 1:11

जाये वास्ते मैं प्रचारक, ते प्रेरित, ते उपदेशक वी ठहरला।

2 तीमुथियुस 2:4

जिसे बेले कुई योद्धा लड़ाई उपर जाये वे, ते ऐवास्ते कि आपणी भरती करने आला नु खौश करो, आपणे आप नु संसारा चे कामा मां ना फसाओ।

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”