प्रेरितां चे काम 9:13 - ओङ राजपूत

¹³ पर हनन्याह ने उत्तर ङिला, “हे प्रभु, मैं ऐ इन्साना चे बारे मां घणा कनु सुणले कि ऐणे यरुशलेम मां दुधे पवित्र लौका लारे बङीया-बङीया बुराईया करलीया,

प्रेरितां चे काम 9:13 ပူးပေါင်းရင်းမြစ်များ

मत्ती 10:16

“ङेखा, मैं तम्हानु भेङा आलीकर भेड़िया चे बीच मां भेज़े पला, ऐवास्ते नाग़ा आलीकर ब़ुध्दिमान ते कबूतरा आलीकर भोले बणा।

प्रेरितां चे काम 22:4

मैं मर्द ते असतरीया ङुंहु नु ब़ांथी ब़ांथी कर ते कैदखाने मां नाखती नाखती कर, ऐ पंथ नु इठे तक सताले कि वानु मरवाती वी नाखले।

प्रेरितां चे काम 8:3

पर शाऊल कलीसिया नु उज़ाड़े पलता, ते घरे-घरे घिरती कर मर्दा ते असतरीया नु घींसती-घींसती कर कैदखाने मां नाखती ङिता।

प्रेरितां चे काम 9:1

शाऊल जको हमा तक प्रभु चे चैला नु धमकावणे ते मारती नाखणे ची धुन्‍नी मां हुता, ओ महायाजक चे गोढु गेला।

प्रेरितां चे काम 9:21

ते सारे सुणने आले हैरान हुती कर किहुं लाग़ले, “का हा ओही शक्स कोनी जको यरुशलेम मां वानु जको ईं नां गेहते नाश करता, ते इठे वी ऐवास्ते आला हुता, कि वानु ब़ांहती कर प्रधान याजका गोढु गेहती जाओ?”

प्रेरितां चे काम 9:32

बल्ति यूं हुले कि पतरस हर जग़हा फिरता हुला, प्रभु चे वां पवित्र लौका चे गोढु वी पुज़ला, जको लुद्दा मां रेहते।

प्रेरितां चे काम 9:41

ओणे हाथ ङिती कर विनु उठाणले ते प्रभु चे लौका नु ते बांढीया नु हकारती कर विनु जीती जाग़ती ङिखाणती ङिले।

रोमियां 1:7

वां सारा चे नांवे जको रोम मां नरीकारा चे प्यारे ते पवित्र हुवणे वास्ते हकारले गेले। अम्चा ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

रोमियां 15:31

प्राथना करा कि मैं यहूदिया प्रदेस चे अविश्‍वासी लौका कनु बचला रिहे, ते माई वा सेवा जको यरुशलेम वास्ते छै, उठले नरीकारा चे लौका नु भाओ,

रोमियां 16:15

फिलुलुगुस ते यूलिया ते नेर्युस ते ओची ब़ेहण, ते उलुम्पास ते वांचे लारे चे सारे नरीकार चे लौका नु नमस्कार।

रोमियां 16:2

तम्हानु जिसड़े कि नरीकारा चे लौका नु करने चाही छै, यूंही विनु प्रभु मां ग्रहण करा, ते जिसी कुई बाते मां विनु तम्चे कनु सहायता ची जरुरत हो, विची सहायता करा, कांकि खौद्द विणे कईयां ची सेवा करली ते माई वी सहायक हुली।

1 कुरिन्थियां 1:2

नरीकारा ची वे कलीसिया चे नांवे लिखली गेली, जको कुरिन्थुस शहरा मां छै, यानि वांचे नांवे जको मसीह ईशु मां पवित्र करले गेले, ते पवित्र हुवणे वास्ते हकारले गेले, ते वां सारा चे नांवे वी जको हर जग़हा अम्चे ते आपणे प्रभु ईशु चे नांवा लारे प्राथना करी।

1 कुरिन्थियां 14:33

कांकि नरीकार गड़बड़ी चा नरीकार कोनी, पर शान्ति चा दाता छै। जिंवे नरीकारा चे लौका ची सारी कलीसिया मां छै।

1 कुरिन्थियां 16:1

हमा नरीकारा चे लौक जको यहूदिया प्रदेस मां छी वांची सहायता वास्ते दान चे बारे मां जको आज्ञा मैं गलातिया प्रदेस ची कलीसिया नु ङिली हुती, वे आज्ञा चा पालन तम्ही वी करा।

1 कुरिन्थियां 6:5

मैं तम्हानु कायल करने वास्ते ईं किहे पला। का सच्‍चमां तम्चे महु हेक वी दिमाकदार कोनी जको आपणे भावां चा न्यां कर सग़ो?

इफिसियां 1:1

पौलुस चे तरफु जको नरीकारा ची इच्छा लारे ईशु मसीह चा प्रेरित छै, वां पवित्र ते मसीह ईशु मां विश्‍वासी लौका चे नांवे जको इफिसुस शहरा मां छी।

फिलिप्पियां 1:1

मसीह ईशु चा दास पौलुस ते तीमुथियुस ची तरफु, सब पवित्र लौका चे नांवे जको मसीह ईशु मां हुती कर फिलिप्पी मां रिही, मुखिया ते सेवका समेत।

फिलिप्पियां 4:22

नरीकारा चे सब पवित्र लौक, खास करती कर जको कैसर राजे चे घराणे चे छी, तम्हानु नमस्कार किही पले।

कुलुस्सियां 1:2

मसीह मां वां पवित्र ते विश्‍वासी भावां चे नांवे जको कुलुस्से मां रिही, अम्चे ब़ा नरीकार ची ओर कनु तम्हानु अनुग्रह ते शान्ति मिलती रिहो।

इब्रानियां 13:24

तम्चे सारे अग़ुवा ते सारे नरीकारा चे लौका नु माया नमस्कार केहजा, इटली वासीया चा तम्हानु नमस्कार।

यहूदा 1:3

हे प्यारे, जब मैं तम्हानु ओ उद्धार चे बारे मां लिखणे मां घणी सारी मेहनत ते कोशिस करे पलता, जाये मां अम्ही सब भईवाल छिऊं, तां मैं तम्हानु ईं समझाणे जरुरी समझले कि ओ विश्‍वास चे वास्ते पूरा यतन करा जको नरीकारा चे पवित्र लौका नु हेक ही वारी सोंपला गेला हुता।