प्रेरितां चे काम 8:37 - ओङ राजपूत

³⁷ फिलिप्पुस ने केहले, “अगर तु सारे मन लारे विश्‍वास करी तां बपतिस्मा गे सग़ी।” ओणे उत्तर ङिला, “मैं विश्‍वास करे कि ईशु मसीह नरीकारा चा पूत छै।”

प्रेरितां चे काम 8:37 ပူးပေါင်းရင်းမြစ်များ

मत्ती 16:16

शमौन पतरस ने उत्तर ङिला, “तु जीते नरीकारा चा पूत मसीह छी।”

मत्ती 28:19

ऐवास्ते तम्ही जावा, ते सब जातिया चे लौका नु चैले बणावा, ते वानु, ब़ा, ते पूत, ते पवित्र आत्मा चे नांवा लारे बपतिस्मा ङिया।

मरकुस 16:16

जको कुई विश्‍वास करे ते बपतिस्मा गिहे ते ओही बचाला जई, जको विश्‍वास ना करी, ऊं दोषी ठहराले जई।

यूहन्‍ना 11:27

मारथा ने ईशु नु केहले, “हव्वे, प्रभु, मनु विश्‍वास छै कि तु नरीकारा चा पूत मसीह छी, जको संसारा मां आणे आला हुता।”

यूहन्‍ना 20:31

पर ईं ऐवास्ते लिखले गेले कि तम्ही विश्‍वास करा कि ईशु ही नरीकारा चा पूत मसीह छै, ते विश्‍वास करती ओचे नांवा लारे जीवन गिहा।

यूहन्‍ना 6:68

शमौन पतरस ने उत्तर ङिला, “हे प्रभु, अम्ही काये गोढु जऊं? वे वचन तां दुधे कनु छी जको अनन्त जीवन ङिही।

यूहन्‍ना 9:35

ईशु ने सुणले कि वाणे ओनु ब़ाहर काढ़ती छोड़ले, ते जिसे बेले ओनु मिड़ला, ते केहले, “का तु मैं इन्साना चे पूता उपर विश्‍वास करी?”

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 8:12

पर जिसे बेले फिलिप्पुस चे वचना उपर विश्‍वास करला जको नरीकारा चे राज़ ते ईशु मसीह चे नांवा चा सुसमाचार सुणाता तां लौक, का मर्द, का असतरी बपतिस्मा गिहुं लाग़ले।

प्रेरितां चे काम 8:21

ये बाते मां ना दुधा हेंस्सा छै, ना भईवाली, कांकि दुधे मन नरीकारा चे आग़ु सिधे कोनी।

प्रेरितां चे काम 8:36

मार्ग़ा मां चलते-चलते वे कुई पाणीया ची जग़हा मां पुज़ले बल्ति मंत्री ने केहले, “ङेख, इठे पाणी वी छै। हमा मनु बपतिस्मा गेहणे मां का रुकावट छै?”

प्रेरितां चे काम 8:38

बल्ति ओणे रथ रोकणे ची आज्ञा ङिली, ते फिलिप्पुस ते मंत्री ङोनी पाणीया मां उतरती गेले, ते फिलिप्पुस ने ओनु बपतिस्मा ङिला।

प्रेरितां चे काम 9:20

ते ओ तुरन्त यहूदी प्राथनाघरा मां ईशु चा प्रचार करु लाग़ला कि, “ईशु मसीह नरीकारा चा पूत छै।”

रोमियां 10:10

कांकि धार्मिकता वास्ते मना लारे विश्‍वास करला जाये, ते उद्धार वास्ते मुँहा लारे अंगीकार करला जाये।

1 कुरिन्थियां 12:3

ऐवास्ते मैं तम्हानु चिताती ङिये कि जको कुई नरीकारा ची आत्मा ची अगुवाई लारे ब़ोले ऊं ना किही कि, “ईशु श्रापित छै,” ते ना कुई पवित्र आत्मा चे बिना केह सग़े कि, “ईशु प्रभु छै।”

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।

1 यूहन्‍ना 4:15

जको कुई हा मनती गिहे, “कि ईशु नरीकारा चा पूत छै,” ते नरीकार ओचे मां बणला रिहे, ते ऊं नरीकारा मां।

1 यूहन्‍ना 5:1

जाया हा विश्‍वास छै कि ईशु ही मसीह छै, ओ नरीकारा कनु पैदा हुला, ते जको पैदा करने आले लारे प्रेम राखे, ओ वांचे लारे वी प्रेम राखे, जको ओकनु पैदा हुले।

1 यूहन्‍ना 5:10

जको नरीकारा चे पूता उपर विश्‍वास करे, ऊं आपणे ही मां ग़वाही राखे। जेह्णे नरीकारा उपर विश्‍वास कोनी करला, ओणे ओनु कूड़े ठहराले। कांकि ओणे वे ग़वाही उपर विश्‍वास कोनी करला, जको नरीकारा ने आपणे पूता चे बारे मां ङिली।

1 यूहन्‍ना 5:5

संसारा उपर जय पाणे आले कूण छै? सेर्फ ऊं जाया विश्‍वास छै, कि ईशु, नरीकारा चा पूत छै।