प्रेरितां चे काम 8:21 - ओङ राजपूत

²¹ ये बाते मां ना दुधा हेंस्सा छै, ना भईवाली, कांकि दुधे मन नरीकारा चे आग़ु सिधे कोनी।

प्रेरितां चे काम 8:21 ပူးပေါင်းရင်းမြစ်များ

लूका 1:6

ते वे ङोनी नरीकारा चे सामणे धर्मी हुती, ते प्रभु चीया सारीया आज्ञा ते विधिया उपर निर्दोष चलणे आली हुती।

यूहन्‍ना 21:17

ओणे तीजी वारी ओनु केहले, “हे शमौन यूहन्‍ना चा पूत, का तु माये लारे प्रीत राखी?” पतरस उदास हुला कि ओणे तीजी वारी इसड़े केहले कि, “का तु माये लारे प्रीत राखी?” तां पतरस ने केहले, “हे प्रभु, तु तां सब कोच्छ जाणी, तु ईं जाणी कि मैं दुधे लारे प्रीत राखे।” ईशु ने ओनु केहले, “माया भेङा नु चर्रा।

प्रेरितां चे काम 8:37

फिलिप्पुस ने केहले, “अगर तु सारे मन लारे विश्‍वास करी तां बपतिस्मा गे सग़ी।” ओणे उत्तर ङिला, “मैं विश्‍वास करे कि ईशु मसीह नरीकारा चा पूत छै।”

इफिसियां 5:5

कांकि तम्ही हा जाणा कि इसड़ा कुई वी बन्दे जको व्यभिचारी छै ते अशुद्ध, जा लालच, लालची बन्दे जको मूर्ति पुज़ा करने आले चे बराबर छै, मसीह ते नरीकारा चे राज़ मां ना जा सग़ी,

इब्रानियां 4:13

ते सृष्टि ची कुई चीज नरीकारा कनु लुकली आली कोनी, जानु अम्ही लेखा ङेणा। सारीया चीजा ओचे सामणे साफ ते खुड़लीया आलीया छी।

प्रकाशितवाक्य 2:23

मैं विचे ब़ाला नु मारती नाखी। बल्ति सारीया कलीसिया जाणती गिहे कि देल ते मना नु परखणे आला मैं ही छै। ते मैं तम्चे महु हर-हेक नु ओचे कामा चे अनुसार बदला ङी।

प्रकाशितवाक्य 20:6

वे धन्‍न ते पवित्र छी, जको पेहले पुनरुत्थान मां शामिल हुवे, इसड़ा लौका उपर ङुजी मौत उपर कुई अधिकार कोनी, पर वे नरीकार ते मसीह चे याजक हुवे, ते ओचे लारे हजार साला तक राज़ करे।

प्रकाशितवाक्य 22:19

ते अगर कुई ऐ भविष्यवाणी ची किताबे चा बाता महु कहीं काढ़ती नाखे, ते नरीकार ओ जीवन चे पेड़ ते पवित्र शहर महु जाई चर्चा ऐ किताबे मां छै, ओचा हेंस्सा काढ़ती नाखी।