प्रेरितां चे काम 8:14 - ओङ राजपूत

¹⁴ जिसे बेले प्रेरितां ने जको यरुशलेम मां हुते सुणले कि सामरी इलाके चे लौका ने नरीकारा चा वचन मनती गेला तां पतरस ते यूहन्‍ना नु वांचे गोढु भेज़ले।

प्रेरितां चे काम 8:14 ပူးပေါင်းရင်းမြစ်များ

मत्ती 13:23

जको आच्छी भोंये मां राहले गेले, ये वे छी, जको वचना नु सुणती कर समझे, ते फल आणे, कुई साओ गुणा, कुई साठ गुणा, ते कुई त्रीस गुणा।”

लूका 22:8

ईशु ने पतरस ते यूहन्‍ना नु ईं केहती कर भेज़ले, “जती कर अम्चे खाणे चे वास्ते फसह तियार करा।”

यूहन्‍ना 12:48

जको मनु तोच्छ जाणे ते माया बाता नु ना मनी, ओनु दोषी बणावणे आला हेक छै, यानि जको वचन मैं केहले वे ही आखरी ङिओ मां ओनु दोषी ठहरावी।

प्रेरितां चे काम 11:1

प्रेरित ते विश्‍वासी लौका ने जको यहूदिया मां हुते सुणले, कि नेरीया जातिया ने वी नरीकारा चा वचन मनती गेला।

प्रेरितां चे काम 15:4

जिसे बेले वे यरुशलेम पुज़ले, ते विश्‍वासी ते प्रेरित ते कलीसिया चे अग़ुवे वानु बङी खुशी लारे मिड़ले, ते वाणे बावड़ले कि नरीकारा ने वांचे लारे हुती कर किसड़ी बङी-बङी कामे करली।

प्रेरितां चे काम 17:11

बिरीया शहरा चे लौक थिस्सलुनिके चे यहूदी लौका कनु घणे भले हुते, ते वाणे बङी लालसा लारे वचना नु ग्रहण करले, जको पौलुस वानु सिखाता वां बाता ची सच्‍चाई चे बारे मां हर ङिओ पवित्रशास्त्र नु बङी गहराई लारे पढ़ते रेहले।

प्रेरितां चे काम 2:41

ऐवास्ते जेह्णे पतरस चे वचना नु स्वीकार करले ते बपतिस्मा गेहला, ते ओही ङिओ लगभग तीन हजार बन्दी वांचे मां शामिल हुती गेली।

प्रेरितां चे काम 8:1

ओही ङिओ यरुशलेम ची कलीसिया उपर बङा सताव हुं लाग़ती गेला, ते प्रेरितां नु छोड़ती कर सारे चे सारे जणे यहूदिया ते सामरिया देशा मां खिंडती-पुंडती गेले।

गलातियां 2:9

जिसे बेले वाणे ओ अनुग्रह नु जको मनु मिड़ला हुता समझती गेले, तां याकूब, ते यूहन्‍ना, ते पतरस जको कलीसिया चे खम्बे समझले जते, मनु ते बरनबास नु आपणी संगति चा सज़्ज़ा हाथ ङिला, कि अम्ही नेरीया जातिया मां जऊं ते वे खतना करले आले यहूदी लौका मां,

1 थिस्सलुनीकियां 2:13

ऐवास्ते अम्ही वी नरीकारा चा धन्यवाद लगातार करते रिहुं, कि जब अम्चे जरिये नरीकारा चे सुसमाचार चा वचन तम्चे गोढु पुज़ला, तां तम्ही ओ बन्दे चा ना, पर नरीकारा चा वचन समझती कर ग्रहण करला, ते ओ तम्चे मां जको विश्‍वास राखा, असरदार छै।

1 थिस्सलुनीकियां 3:2

ते अम्ही तीमुथियुस नु जको मसीह चे सुसमाचार मां अम्चा भऊ, ते नरीकारा चा सेवक छै, ऐवास्ते भेज़ले, कि ओ तम्हानु मजबूत करो, ते तम्चे विश्‍वास चे बारे मां तम्हानु समझाओ।

2 थिस्सलुनीकियां 2:10

ते नाश हुवणे आला चे वास्ते अधर्म चे सारे तरीके चे धोक्‍के लारे हुवी, ते वे नाश हुवी पले कांकि वाने सच्‍चाई चे प्यारा नु कोनी मनले, जाये कनु वांचा उद्धार हुवणा तां।