प्रेरितां चे काम 8:12 - ओङ राजपूत

¹² पर जिसे बेले फिलिप्पुस चे वचना उपर विश्‍वास करला जको नरीकारा चे राज़ ते ईशु मसीह चे नांवा चा सुसमाचार सुणाता तां लौक, का मर्द, का असतरी बपतिस्मा गिहुं लाग़ले।

प्रेरितां चे काम 8:12 ပူးပေါင်းရင်းမြစ်များ

मत्ती 28:19

ऐवास्ते तम्ही जावा, ते सब जातिया चे लौका नु चैले बणावा, ते वानु, ब़ा, ते पूत, ते पवित्र आत्मा चे नांवा लारे बपतिस्मा ङिया।

लूका 9:2

ते वानु नरीकारा चे राज़ चा प्रचार करने ते बिमारा नु ठीक करने चे वास्ते भेज़ले।

लूका 9:60

ईशु ने ओनु केहले, “मरले आला नु आपणी मुड़दी दफनाऊ ङे, पर तु जती कर नरीकारा चे राज़ चा हर जग़ह प्रचार कर।”

प्रेरितां चे काम 1:3

ते ओणे ङोख चवणे चे बाद घणे सारे पक्‍के सबूता लारे आपणे आप वानु जीते ङिखाणले ते चालीस ङिहां तक ओ वानु ङिसता रेहला, ते नरीकारा चे राज़ चा बाता करता रेहला।

प्रेरितां चे काम 11:20

पर वांचे महु कोच्छ साइप्रस ते कुरेनी वासी हुते, जको अन्ताकिया मां आती कर यूनानिया नु वी प्रभु ईशु चा सुसमाचार चीया बाता सुणाऊं लाग़ले।

प्रेरितां चे काम 18:8

बल्ति यहूदी प्राथनाघरा चा सरदार क्रिस्पुस ने आपणे पुरे कुणम्बे समेत प्रभु उपर विश्‍वास करला। ते ब़ोहत सारे कुरिन्थुस वासीया ने वचन सुणती कर विश्‍वास करला ते बपतिस्मा गेहला।

प्रेरितां चे काम 19:5

ईं सुणती कर वाणे प्रभु ईशु मसीह चे नांवा लारे बपतिस्मा गेहला।

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 2:41

ऐवास्ते जेह्णे पतरस चे वचना नु स्वीकार करले ते बपतिस्मा गेहला, ते ओही ङिओ लगभग तीन हजार बन्दी वांचे मां शामिल हुती गेली।

प्रेरितां चे काम 20:21

बल्ति मैं यहूदिया नु ते यूनानिया नु चिताता रेहला कि नरीकारा सनु मन फिरावा, ते अम्चे प्रभु ईशु मसीह उपर विश्‍वास करा।

प्रेरितां चे काम 20:25

“हमा ङेखा, मैं जाणे कि तम्ही सब जाये मां मैं नरीकारा चे राज़ चा प्रचार करता फिरला, माये मुँह बल्ति नी ङेखा।

प्रेरितां चे काम 28:31

ते बिना रोक-टोक बङी हिम्मती लारे नरीकारा चे राज़ चा प्रचार करता रेहला ते प्रभु ईशु मसीह चीया बाता सिखाता रेहला।

प्रेरितां चे काम 5:14

ते विश्‍वास करने आले ब़ोहत सारे मर्द ते असतरीया प्रभु ची कलीसिया मां होर वी ज्यादा आती कर मिलते रेहले।

प्रेरितां चे काम 8:4

पर जको लौक खिंडती-पुंडती गेलते, वे सुसमाचार सुणाते फिरले।

रोमियां 10:10

कांकि धार्मिकता वास्ते मना लारे विश्‍वास करला जाये, ते उद्धार वास्ते मुँहा लारे अंगीकार करला जाये।

1 कुरिन्थियां 11:11

तां वी प्रभु मां ना तां असतरी मर्दा कनु ते ना मर्द असतरी कनु दूर हो सग़े।

गलातियां 3:28

हमा ना कुई यहूदी रेहला ना कुई यूनानी, ना कुई गुलाम रेहला ना कुई आजाद, ना मर्द रेहला ना कुई असतरी कांकि तम्ही सारे ईशु मसीह मां हेक छिवा,

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।