प्रेरितां चे काम 8:10 - ओङ राजपूत

¹⁰ ते सारे छोटे कनु लाती बङे तक इज्जत करती कर केहते, “वास्तव मां नरीकारा ची ताकत ऐ इन्साना मां छै।”

प्रेरितां चे काम 8:10 ပူးပေါင်းရင်းမြစ်များ

प्रेरितां चे काम 14:11

लौका ने पौलुस चे ईं काम ङेखती कर लुकाउनिया ब़ोली मां ऊंची अवाजी मां केहले कि, “देवते इन्साना चे रुप गेहती कर अम्चे इठे आती गेले।”

प्रेरितां चे काम 28:6

वे सारे जणे हा इंतजार करु लाग़ले कि हा सूज़ती जई, जा ओ थोड़ी ब़ोहत देरी मां तले ढेती पड़ी। जिसे बेले वे घणी देरी तक पौलुस नु ङेखते रेहले, कि ओचे कहीं वी कोनी बिगड़ले, ऐवास्ते लौका चा नजरीया ही बदलती गेला ते वे किहुं लाग़ले कि “हा खौद्द कुई देवता छै।”

1 कुरिन्थियां 1:24

पर जानु नरीकारा ने हकारले, का यहूदी, का यूनानी, वांचे वास्ते मसीह नरीकारा ची सामर्थ ते नरीकारा चा ज्ञान छै।

2 कुरिन्थियां 11:19

बल्ति तम्ही तां समझदार छिवा कि खुशी लारे मूर्खा ची सहन करती गिहा।

इफिसियां 4:14

अम्ही इसड़ी ब़ाले बणली ना रिहुं कि हवाई लारे उछलती ना जऊं बन्दी जको ठग़्ग़ विधिया नु बधावी, भ्रम चे लारे भरले आले व्यवहार कनु, ते इसड़े ढोंगीपणे कनु इंगे-ऊंगे भटकाती ङी

2 पतरस 2:2

ब़ोहत सारे वांचे आलीकर लोचपण करे जाई वजह कनु सच्‍चाई चे मार्ग़ ची निन्दा करली जई।

प्रकाशितवाक्य 13:3

ते मैं ओचीया ठोङीया महु हेक उपर इसड़ा खतरनाक जखम ङेखला, पर ओ जखम कोनी हुता। बल्ति ओ खतरनाक जखम भरीती चुकला हुता, ते सारी धरती ची बन्दी ओ ङरावणे ढौरा चे भांसु-भांसु अचम्भा करते हुले टुरले।