प्रेरितां चे काम 7:38 - ओङ राजपूत

³⁸ हा ओही छै, जको बरब्यान मां अम्चे इस्राएली पुरखा लारे हुता। नरीकारा ने स्वर्ग़दूता नु भेज़ले ओणे मूसा लारे सीनै पहाड़ा उपर बाता करती जीते वचन ङिले, कि अम्चे तक पुचाओ।

प्रेरितां चे काम 7:38 ပူးပေါင်းရင်းမြစ်များ

यूहन्‍ना 1:17

ऐवास्ते व्यवस्था तां मूसा चे जरिये ङिली गेली, पर अनुग्रह ते सच्‍चाई ईशु मसीह चे जरिये पुज़ली।

यूहन्‍ना 6:63

नरीकारा ची आत्मा छै जको जीवन ङिये, शरीरा चे कामा लारे कुई फायदा कोनी। वचन जको मैं तम्हानु केहले, वे आत्मिक जीवन ङी।

प्रेरितां चे काम 7:30

“जिसे बेले पुरे चालीस साल बीतती गेले, तां हेक स्वर्ग़दूता ने सीनै पहाड़ा चे बरब्यान मां ओनु ब़लती हुली झाड़ी ची ज्वाला मां दर्शन ङिला।

प्रेरितां चे काम 7:35

“जिसे मूसा नु वाणे ईं केहती कर नकारले हुते, ‘तनु केहणे अम्चे उपर अधिपति ते न्यायधीश ठहराले?’ ओनु ही नरीकारा ने अधिपति ते छुड़ावणे आला ठहराती कर, ओ स्वर्ग़दूता चे जरिये जेह्णे ओनु झाड़ी मां दर्शन ङिला हुता, भेज़ले।

प्रेरितां चे काम 7:53

तम्ही स्वर्ग़दूता चे जरिये ठहराली गेली व्यवस्था तां गेहली, पर विचा पालन कोनी करला।”

रोमियां 3:2

हर-हेक नजरीये लारे ब़ोहत कोच्छ। सबकनु पेहले तां नरीकारा चा वचन यहूदिया नु सोंपला गेला हुता।

रोमियां 9:4

जको सब इस्राएली छी, वानु नरीकारा ची ऊलाद्ध हुवणे चा अधिकार हुता, महिमा, ते वाचा, ते व्यवस्था चा उपहार, ते नरीकारा ची उपासना, ते वायदा वांचीया ही छी।

गलातियां 3:19

तां व्यवस्था कां ङिली गेली? वा तां पापा ची वजह बादा मां ङिली कि ओचे वंशा चे आणे तक रिहो, वायदा हेक बिचोलीये चे रुप मां मूसा ची सहायता लारे स्वर्ग़दूता चे जरिये ङिली।

इब्रानियां 2:2

कांकि जको वचन स्वर्ग़दूता चे जरिये केहला गेला हुता, जिसे बेले ओ स्थिर रेहला ते हर हेक अपराध ते आज्ञा ना मनणे आला नु ठीक-ठीक बदला मिड़ला,

इब्रानियां 4:12

कांकि नरीकारा चा वचन जीता, प्रबल, ते ङुंहु धारी तलवारी कनु वी तेज छै, जको अम्चे भीतर जती कर अम्ची आत्मा, प्राण नु जोड़ा नु ते गूदे-गूदे नु अलग़ करती कर, आर-पार छैदती ङिये ते मना चे भावना ते विचारा नु जांचे।

इब्रानियां 5:12

समय चे अनुसार तां तम्हानु गुरु हुती जाणे चाही हुते, तां वी ईं जरुरी छै कि कुई तम्हानु दुबारा नरीकारा चे वचना ची शुरु ची शिक्षा बल्ति कनु सिखाओ। तम्ही तां इसड़े हुती गेले कि तम्हानु अन्‍न चे बदले हमा तक ङूध ही चाही छै।

1 पतरस 4:11

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।