प्रेरितां चे काम 6:8 - ओङ राजपूत

⁸ स्तिफनुस नरीकारा चे अनुग्रह ते सामर्थ मां भरीती कर लौका मां अदभोत काम ते चैन्ह ङिखाणता रेहता।

प्रेरितां चे काम 6:8 ပူးပေါင်းရင်းမြစ်များ

यूहन्‍ना 4:48

ईशु ने ओनु केहले, “जब तक तम्ही चैन्ह ते अदभोत काम नी ङेखा तब तक कङी वी विश्‍वास नी करा।”

प्रेरितां चे काम 6:10

पर ओ ज्ञान ते वे पवित्र आत्मा चा जाये लारे ओ बाता करता, वे बन्दी ओचा सामना ना कर सग़ती।

प्रेरितां चे काम 6:15

बल्ति सारा बन्दा ने जको महासभा मां ब़ेहले हुते, ओनु तकले ओचे मुँह स्वर्ग़दूता आलीकर ङेखले।

प्रेरितां चे काम 6:3

ऐवास्ते हे माये भऊ, आपणे सात नामी मर्दा नु जको पवित्र आत्मा ते ब़ुध्दि लारे भरीले आले हो चुणती गिहा, कि अम्ही वानु ऐ कामा उपर ठहराती ङिऊं।

प्रेरितां चे काम 6:5

हा बात सारी कलीसिया नु आच्छी लाग़ली, ते वाणे स्तिफनुस नांवा चे हेक मर्दा नु जको विश्‍वास ते पवित्र आत्मा मां भरीला आला हुता। ते फिलिप्पुस, प्रुखुरुस, नीकानोर, तीमोन, परमिनास, ते अन्ताकिया चा रेहणे आला निकुलाउस नु जको-जको यहूदी मत्त मां आती गेलता ला, चुणती गेले।

प्रेरितां चे काम 7:55

पर स्तिफनुस पवित्र आत्मा लारे भरीती कर स्वर्ग़ा सनु ङेखले ते नरीकारा ची महिमा नु ते ईशु नु नरीकारा चे सज़्ज़े पासु भिले ङेखती कर केहले,

प्रेरितां चे काम 8:6

जको बाता फिलिप्पुस ने केहलीया वानु लौका ने सुणती कर ते जको ओ चैन्ह ङिखाणता वानु ङेखती ङेखती कर, हेक चेत्त हुती कर मन लाले।

इफिसियां 4:11

ओणे कईयां नु प्रेरित, ते कईयां नु भविष्यवक्‍ता, ते कईयां नु सुसमाचार प्रचारक, ते कईयां नु रखवाले, ते कईयां नु विश्‍वास करने आला चे उपदेशक हुवणे चा वरदान ङिला।

1 तीमुथियुस 3:13

कांकि जको कलीसिया चे सेवक चे कामा नु आच्छे तरीके लारे कर सग़ो, वे आपणे वास्ते आच्छे पद्द, ते जको ईशु मसीह मां विश्‍वास छै, वे बङी हिम्मती लारे ब़ोल सग़े।