प्रेरितां चे काम 6:5 - ओङ राजपूत

⁵ हा बात सारी कलीसिया नु आच्छी लाग़ली, ते वाणे स्तिफनुस नांवा चे हेक मर्दा नु जको विश्‍वास ते पवित्र आत्मा मां भरीला आला हुता। ते फिलिप्पुस, प्रुखुरुस, नीकानोर, तीमोन, परमिनास, ते अन्ताकिया चा रेहणे आला निकुलाउस नु जको-जको यहूदी मत्त मां आती गेलता ला, चुणती गेले।

प्रेरितां चे काम 6:5 ပူးပေါင်းရင်းမြစ်များ

मत्ती 23:15

“हे कप्पटी शास्त्री ते फरीसी तम्चे उपर हाय! तम्ही हेक जणे नु आपणे मत्त मां आणने वास्ते, सारे जल ते थल मां फिरते रिहा, ते जिसे बेले ओ मत्त मां आती जाये तां ओनु आपणे कनु दुगना नर्का आले बणाती ङिया।

प्रेरितां चे काम 11:19

जको विश्‍वासी लौक ओ क्लेशा चे मारले जको स्तिफनुस ची वजह कनु हुला हुता, वे खिंडती-पुंडती गेलते, वे फिरते-फिरते फीनीके ते साइप्रस ते अन्ताकिया मां पुज़ले, पर वे सेर्फ यहूदिया नु ही वचन ना सुणाते।

प्रेरितां चे काम 11:20

पर वांचे महु कोच्छ साइप्रस ते कुरेनी वासी हुते, जको अन्ताकिया मां आती कर यूनानिया नु वी प्रभु ईशु चा सुसमाचार चीया बाता सुणाऊं लाग़ले।

प्रेरितां चे काम 11:22

बल्ति वांची चर्चा यरुशलेम ची कलीसिया ने सुणली ते वाणे बरनबास नु अन्ताकिया भेज़ले।

प्रेरितां चे काम 11:24

कांकि ओ हेक भले इन्सान हुता, ते पवित्र आत्मा ते विश्‍वासा मां भरपूर हुता, ते ब़ोहत सारे लौका ने प्रभु चे उपर विश्‍वास करला।

प्रेरितां चे काम 11:26

ते जिसे बेले वानु मिड़ला तां ओनु अन्ताकिया मां आणले ते इसड़े हुले कि वे हेक साला तक कलीसिया चे लारे मिलते ते ब़ोहत सारे लौका नु उपदेश ङिते रेहले। ते चैले सारा कनु पेहले अन्ताकिया मां ही “मसीह” किहवाले।

प्रेरितां चे काम 11:27

वां ङिहां मां कई भविष्यवक्‍ता यरुशलेम कनु अन्ताकिया मां आले।

प्रेरितां चे काम 13:1

अन्ताकिया शहरा ची कलीसिया मां कई भविष्यवक्‍ता ते उपदेशक हुते, बरनबास, ते शमौन जाये ङुजे नां नीगर हुते, ते लूकियुस कुरेनी, ते मनाहेम जको चौथाई देश चे राजा हेरोदेस चा मित्र हुता, ते शाऊल।

प्रेरितां चे काम 15:22

ऐवास्ते सारी कलीसिया समेत प्रेरितां नु ते अग़ुवा नु ईं ठीक लाग़ले कि आपणे ही महु कोच्छ बन्दा नु चुणती कर पौलुस ते बरनबास चे लारे अन्ताकिया शहर भेज़ती ङिले जाओ, वाणे ऐचे वास्ते यहूदा जानु बरसब्बा चे नांवा लारे वी जाणते ते सीलास नु चुणती गेले ये विश्‍वासी भावां मां प्रधान हुते।

प्रेरितां चे काम 2:4

वे सारे पवित्र आत्मा लारे भरीती गेले, जिंवे आत्मा ने वानु ब़ोलणे ची सामर्थ ङिली, वे अलग़-अलग़ भाषा ब़ोलु लाग़ले।

प्रेरितां चे काम 21:8

ङुजे ङिओ अम्ही उठु सफर करती कर कैसरिया मां आले, ते फिलिप्पुस सुसमाचार चा प्रचारक चे घरा मां जको यरुशलेम ची कलीसिया मां साता लारे चुणला आला हेक सेवक हुता, जती कर ओचे इठे रेहले।

प्रेरितां चे काम 22:20

जब दुधे ग़वाह स्तिफनुस चे लुहीं बाहले जाये पलते तब मैं वी ओठे भिला हुता, ते ये बाते मां सहमत हुता, ते ओचे मारणे आला चे खेस चादरा ची रखवाली करे भीलता।’

प्रेरितां चे काम 6:10

पर ओ ज्ञान ते वे पवित्र आत्मा चा जाये लारे ओ बाता करता, वे बन्दी ओचा सामना ना कर सग़ती।

प्रेरितां चे काम 6:3

ऐवास्ते हे माये भऊ, आपणे सात नामी मर्दा नु जको पवित्र आत्मा ते ब़ुध्दि लारे भरीले आले हो चुणती गिहा, कि अम्ही वानु ऐ कामा उपर ठहराती ङिऊं।

प्रेरितां चे काम 6:8

स्तिफनुस नरीकारा चे अनुग्रह ते सामर्थ मां भरीती कर लौका मां अदभोत काम ते चैन्ह ङिखाणता रेहता।

प्रेरितां चे काम 7:1

बल्ति महायाजक ने स्तिफनुस नु केहले, “का ये बाता सच्‍च छी?”

प्रकाशितवाक्य 2:15

यूंही दुधे इठे कोच्छ तां इसड़े छी, जको निकुलइयां ची शिक्षा नु मनी।

प्रकाशितवाक्य 2:6

पर हां दुधे मां हा बात तां छै, कि तु निकुलइयां चे कामा कनु खार करी, जाकनु मैं वी खार करे।