प्रेरितां चे काम 6:4 - ओङ राजपूत

⁴ पर अम्ही तां प्राथना मां ते नरीकारा चे वचना ची शिक्षा मां लाग़ले रिहुं।”

प्रेरितां चे काम 6:4 ပူးပေါင်းရင်းမြစ်များ

लूका 1:23

जिसे बेले ओची याजकीये सेवा ची ङिहें पुरी हुली, ते ओ आपणे घरे चाह्‍ला गेला।

प्रेरितां चे काम 1:14

ये सारे कई असतरीया ते ईशु ची आई मरियम ते ओचे भावां लारे मन लाती प्राथना मां लाग़ले रेहले।

प्रेरितां चे काम 2:42

ते वे प्रेरितां कनु शिक्षा गेहणे, ते संगति राखणे मां, ते बच्‍चड़ रोटी खाणे मां, ते प्राथना करने मां लवलीन रेहले।

रोमियां 1:9

नरीकार, जाई सेवा मैं आपणी आत्मा लारे ओचे पूता चे सुसमाचार चे बारे मां करे, ओही माया ग़वाह छै कि, मैं किवें आपणी प्राथना मां लगातार तम्हानु याद करता रिहे।

1 कुरिन्थियां 9:16

जिसे बेले मैं सुसमाचार सुणावे, तां माया कुई घमण्ड कोनी। कांकि ईं तां माये वास्ते जरुरी छै। ते अगर मैं सुसमाचार ना सुणावे तां माये उपर हाय!

फिलिप्पियां 1:4

ते जिसे बेले कङी तम्चे सब वास्ते विनती करे, तां सदा खुशी लारे विनती करता रिहे।

कुलुस्सियां 2:1

मैं चाहवे कि तम्ही जाणती गिहा, कि तम्चे ते वा जको लौदीकिया मां छै, ते वा सारा वास्ते, जेह्णे माये शरीरिक मुँह वी कोनी ङेखले कि मैं किसड़ी मेहनत करे।

कुलुस्सियां 4:12

इपफ्रास जको तम्चे महु हेक छै ते मसीह ईशु चा दास छै, तम्हानु नमस्कार किहे पला ते सदा तम्चे वास्ते प्राथना मां यतन करे, ताकि तम्ही सेद्ध हुती पुरे विश्‍वास चे लारे नरीकारा ची मर्जी उपर बणले रिहा।

कुलुस्सियां 4:17

ते अर्खिप्पुस नु केहजा कि जको सेवा प्रभु मां तनु सोंपली गेली, विनु ध्यानारीत पुरी करियो।

2 तीमुथियुस 4:2

कि तु वचन चा प्रचार कर, समय बे समय काम करने चे वास्ते तियार रेह, हर-तरीके चा सब्र, ते शिक्षा चे लारे उलाहणा ङे, ते दड़का ते बढ़ावा ङिती कर तसल्‍ली लारे समझा।