प्रेरितां चे काम 6:1 - ओङ राजपूत

¹ वां ङिहां मां जिसे बेले चैला ची संख्या बधु लाग़ली, बल्ति यूनानी भाषा ब़ोलणे आले इब्रानी बन्दा उपर कुड़कुड़ाऊ लाग़ले कि, “हर ङिओ ची सेवकाई मां अम्चीया बांढीया ची सुधि ना गेहली जई।”

प्रेरितां चे काम 6:1 ပူးပေါင်းရင်းမြစ်များ

मत्ती 23:13

“हे कप्पटी शास्त्री ते फरीसी, तम्चे उपर हाय! तम्ही इन्साना वास्ते स्वर्ग़ चे राज़ चे दरवाजे बन्द करती नाखा, ना तां आप ही ओचे मां जावा, ते ना ओचे मां जाणे आला नु जऊं ङिया।

प्रेरितां चे काम 11:20

पर वांचे महु कोच्छ साइप्रस ते कुरेनी वासी हुते, जको अन्ताकिया मां आती कर यूनानिया नु वी प्रभु ईशु चा सुसमाचार चीया बाता सुणाऊं लाग़ले।

प्रेरितां चे काम 11:26

ते जिसे बेले वानु मिड़ला तां ओनु अन्ताकिया मां आणले ते इसड़े हुले कि वे हेक साला तक कलीसिया चे लारे मिलते ते ब़ोहत सारे लौका नु उपदेश ङिते रेहले। ते चैले सारा कनु पेहले अन्ताकिया मां ही “मसीह” किहवाले।

प्रेरितां चे काम 11:29

बल्ति चैला ने फैंसला करला कि हर हेक आपणी-आपणी पूंजी चे अनुसार यहूदिया प्रदेस मां रेहणे आले विश्‍वासी भावां ची मदत वास्ते कोच्छ भेज़ु।

प्रेरितां चे काम 2:41

ऐवास्ते जेह्णे पतरस चे वचना नु स्वीकार करले ते बपतिस्मा गेहला, ते ओही ङिओ लगभग तीन हजार बन्दी वांचे मां शामिल हुती गेली।

प्रेरितां चे काम 2:45

वे आपणी-आपणी सम्पत्ति ते समान बेचती-बेचती कर जिसड़ी जाई जरुरत हुती बांटती ङिते।

प्रेरितां चे काम 2:47

ते नरीकारा ची स्तुति करते, ते सारे लौक वांचे लारे खौश हुते, ते जको नवें लौक उद्धार पाते, वानु प्रभु रोजाना विश्‍वासीया मां मिलाती ङिता।

प्रेरितां चे काम 4:35

ते जिसड़ी जाई जरुरत हुती, ओचे अनुसार हर-हेक नु बांटती ङिते।

प्रेरितां चे काम 4:4

पर वचन सुणने आला महु घणा ने विश्‍वास करला, ते वांची गिणती पाँच हजार मर्दा चे करीब हुती गेली।

प्रेरितां चे काम 5:14

ते विश्‍वास करने आले ब़ोहत सारे मर्द ते असतरीया प्रभु ची कलीसिया मां होर वी ज्यादा आती कर मिलते रेहले।

प्रेरितां चे काम 5:28

“का अम्ही तम्हानु चिताती कर आज्ञा कोनी ङिली हुती, कि तम्ही ऐ नांवा लारे उपदेश ना करजा? फेर वी ङेखा, तम्ही सारे यरुशलेम नु आपणे उपदेशा लारे भरती नाखले ते ओ शक्स चे लुहीं अम्ची गिच्‍ची उपर आणने चाहवा।”

प्रेरितां चे काम 6:2

बल्ति वां ब़ारहा प्रेरितां ने कलीसिया चे लौका नु आपणे गोढु हकारती कर केहले कि, “ईं अम्चे वास्ते ठीक कोनी कि अम्ही नरीकारा ची शिक्षा ङेणी छोड़ती कर अम्ही खुलावणे पिलावणे ची सेवा मां लाग़ले रिहुं।

प्रेरितां चे काम 6:7

ते नरीकारा चा वचन फैलता गेला ते यरुशलेम मां चैला ची गिणती ब़ोहत बधती गेली ते याजका चा हेक बङा समाज ऐ मत्त नु मनणे आला हुती गेला।

प्रेरितां चे काम 9:29

ते यूनानी ब़ोली ब़ोलणे आले यहूदिया लारे बातचीत ते वाद-विवाद करता रेहता पर वे ओनु मारती नाखणे चा जत्तन करु लाग़ले।

प्रेरितां चे काम 9:39

बल्ति पतरस ऊठती कर वांचे लारे हुती पला, ते जिसे बेले पुज़ती गेला, तां वे ओनु चौब़ारे उपर गेहती गेले। ते सारीया बांढीया रोतीया हुलीया ओचे लारे आती भिलीया रेहलीया ते जको चोले ते ओढ़णी दोरकास ने वांचे लारे रेहते हुले बणाले हुते, ङिखाणु लाग़लीया।

प्रेरितां चे काम 9:41

ओणे हाथ ङिती कर विनु उठाणले ते प्रभु चे लौका नु ते बांढीया नु हकारती कर विनु जीती जाग़ती ङिखाणती ङिले।

रोमियां 12:7

अगर कानु सेवा करने चा वरदान मिड़ला आला हो, तां सेवा मां लाग़ला रिहो, अगर कुई सिखावणे आला हो, तां सिखावणे मां लाग़ला रिही,

1 कुरिन्थियां 10:10

ते ना तम्ही शिकायत करते रिहा जिंवे वांचे महु कईयां ने करली ते नाश करने आले दूता चे जरिये मारले गेले।

2 कुरिन्थियां 11:22

का वे ही इब्रानी छी? मैं वी छै। का वे इस्राएली छी? मैं वी छै। का वे ही अब्राहम चे वंश छी? मैं वी छै।

फिलिप्पियां 3:5

आठवें ङिओ माया खतना हुला, इस्राएल चे वंश, ते बिन्यामीन चे गोत्र चा छै, मैं इब्रानी आई-ब़ा कनु पैदा हुला आला हेक इब्रानी छै। मूसा ची व्यवस्था चे बारे मां अगर किहा तां फरीसी छै।

1 तीमुथियुस 5:3

वा बांढीया चा कद्दर कर जको सच्‍चमां बगैर कुणम्बे चा छी।

1 तीमुथियुस 5:9

वे बांढी चे नां सहायता सूची मां लिखले जाओ, जको साठ साल ची उम्री ची ना हो, ते हेके ही मुणसा ची घराआली रेहली हो।

इब्रानियां 13:1

विश्‍वासी भावां आलीकर हेके ङुजे लारे प्रेम राखा।

याकूब 1:27

अम्चे नरीकार ते ब़ा चे गोढु शोद्ध ते सुथरी भग़ती हा छै कि छिन्‍नेछोरा ते बांढीया चे क्लेशा मां वांची सुधि गिहो, ते आपणे आप नु संसारा कनु बेदाग राखो।

याकूब 4:5

का तम्ही हा समझा कि पवित्रशास्त्र बेकार चा बाता बावड़े। जिसे नरीकारा ने पवित्र आत्मा नु अम्चे भीतर नाखले, नरीकार घणी इच्छा राखे, कि अम्ही विश्‍वास चे लायक बणले रिहुं?

याकूब 5:9

हे माये भऊ, हेके ङुजे उपर दोष ना लावा ताकि तम्चे उपर वी दोष नी लाग़ी। ङेखा, न्यां करने आला हाकिम दरवाजे उपर भिला ला।