प्रेरितां चे काम 5:19 - ओङ राजपूत

¹⁹ पर राती नु हेक स्वर्ग़दूता ने कैदखाने चे दरवाजा नु खोलती कर वानु ब़ाहरु आणती कर केहले,

प्रेरितां चे काम 5:19 ပူးပေါင်းရင်းမြစ်များ

मत्ती 1:20

जिसे बेले ओ यां बाता ची सोच मां हुता तां प्रभु चा स्वर्ग़दूत ओनु खाबा मां ङिसला ते केहले, “हे यूसुफ! दाऊद ची ऊलाद्ध, तु आपणी घरा आली मरियम नु आपणे इठे आणने कनु ना ङर, कांकि जको विचे ढिड्डा मां छै, ऊं पवित्र आत्मा ची ओर कनु छै।

मत्ती 1:24

बल्ति यूसुफ नीङे कनु सुज़ाक हुती कर प्रभु चे दूता ची आज्ञा चे अनुसार आपणी घराआली नु, बीहा करती कर आपणे इठे गेहती आला।

मत्ती 2:13

ज्योतिषिया चे चाह्‍ले जाणे चे बाद, यूसुफ नु खाबा मां प्रभु चा हेक स्वर्ग़दूत ङिसला ते ओणे केहले, “उठती कर ब़ाला नु ते ओची आई नु गेहती कर चोप-चाप करती मिस्र नु चाह्‍ला जा, ते जब तक मैं ना किहे, तब तक उठी रिहो, कांकि हेरोदेस ऐ ब़ाला नु सोता फिरे कि ओनु मरवाती नाखे।”

मत्ती 2:19

बल्ति हेरोदेस ची मौत चे बाद मिस्र मां यूसुफ चे खाबा मां प्रभु चा स्वर्ग़दूत प्रकट हुला,

मत्ती 28:2

ते ङेखा, हेक बङा भूकम्प हुला, कांकि प्रभु चा हेक स्वर्ग़दूत स्वर्ग़ा कनु उतरला ते गोढु आती कर ओणे पत्थरा नु रेहड़ती ङिले, ते ओचे उपर ब़ेसती रेहला।

लूका 1:11

ओही बेले प्रभु चा हेक स्वर्ग़दूत धूप ची वेदी चे सज़्ज़े पासु ओनु भिला ङिसला।

लूका 2:9

ते प्रभु चा हेक दूत वांचे गोढु आला ते प्रभु चा तेज वांचे चारो-तरफ चमकला वे घणे ङरती गेले।

प्रेरितां चे काम 10:3

ओणे ङिहां चे तीजे पाहरा चे गोढु दर्शन मां साफ ङेखले कि नरीकारा चा हेक स्वर्ग़दूत ओचे गोढु भीतर आती कर किहे पला, “हे कुरनेलियुस।”

प्रेरितां चे काम 12:23

ओही बेले प्रभु चे हेक स्वर्ग़दूता ने तुरन्त ओचे उपर वार करला, कांकि ओणे नरीकारा ची महिमा कोनी करली हुती ओचे शरीरा मां कीड़े पड़ती गेले ते ओ मरती गेला।

प्रेरितां चे काम 16:26

इतने मां अचानक हेक बङा भूकम्प आला, इठे तक कि कैदखाने चा कन्धा हलु लाग़ती गेलीया, ते तुरन्त सारी दरवाजी खुलती गेली, ते सारा कैदीया चा ब़ेड़ीया खुलती गेलीया।

प्रेरितां चे काम 27:23

कांकि नरीकार जाया मैं छै, ते ओची सेवा करे, ओचे स्वर्ग़दूता ने आज़ राती नु माये गोढु आती कर केहले कि,

प्रेरितां चे काम 8:26

बल्ति प्रभु चे हेक स्वर्ग़दूता ने फिलिप्पुस नु केहले, “ऊठती कर दक्षिण सनु ओ मार्ग़ा उपर जा जको यरुशलेम कनु गाज़ा नु जाये।” हा रेगस्तानी मार्ग़ छै।