प्रेरितां चे काम 5:16 - ओङ राजपूत

¹⁶ ते यरुशलेम चे आस-पास चे शहरा महु वी ब़ोहत लौक बिमारा नु ते अशुद्ध आत्मा चे सताले आला नु आणती आणती कर, भेले हुते, ते सब आच्छे करती ङिले जते।

प्रेरितां चे काम 5:16 ပူးပေါင်းရင်းမြစ်များ

मत्ती 2:16

हेरोदेस ने जिसे बेले ईं ङेखले कि ज्योतिषिया ने माये लारे धोक्‍का करला, ओनु गुस्सा आला, ते लौका नु भेज़ती कर, ज्योतिषिया चे केहले आले समय चे अनुसार, बैतलहम ते ओचे आस-पास ची जग़हा चे सारे छोरा नु जको ङुंहु साला ची जा वाकनु छोटी हुती मरवाती नाखले।

मत्ती 4:24

सारे सीरिया देशा मां ओचा समाचार फैलती गेला ते लौक सारा बिमारा नु, जको हर तरह चीया बिमारीया मां ते ङुखा मां जकड़ले आले हुते, ते जाये मां दुष्टात्मा हुतीया, ते मिर्गी आले, ते लकवे चे मारले आले हुते, ओचे गोढु गेहती आले, ते ओणे वानु ठीक करले।

मत्ती 8:16

जब आथण हुले तब वे ओचे गोढु ब़ोहत से लौका नु आणले जाये मां दुष्टात्मा हुतीया, ते ईशु ने वा दुष्टात्मा नु वचना लारे काढ़ती छोड़ले, ते सब बिमारा नु ठीक करले।

लूका 5:17

हेक ङिओ हुले का ईशु उपदेश ङिये पलता फरीसी ते शास्त्री उठे ब़ेहले हुते, जको गलील ते यहूदिया चे हर हेक गांवा, ते यरुशलेम कनु आलते, ते चंगा करने आली प्रभु ची सामर्थ ओचे लारे हुती

लूका 6:18

जको ओचा उपदेश सुणने ते आपणी बिमारीया कनु ठीक हुवणे वास्ते ओचे गोढु आले हुते, ओठे हुते। ते अशुद्ध आत्मा कनु सताले आले लौक वी ठीक करले जते।

लूका 9:11

ईं जाणती कर भीड़ ईशु चे भांसु टुरती पली, ते ओ खुशी लारे वानु मिड़ला, ते वांचे लारे नरीकारा चे राज़ चीया बाता करु लाग़ला। ते जको ठीक हुवणे चाहवी ले वानु ठीक करले।

यूहन्‍ना 14:12

मैं तम्हानु सच्‍च-सच्‍च किहे कि जको माये उपर विश्‍वास राखे, ये कामे जको मैं करे, ऊं वी करी, यानि याकनु वी बङे काम करी, कांकि मैं ब़ा चे गोढु जाये पला।

प्रेरितां चे काम 4:30

ते चंगा करने वास्ते तु आपणा हाथ बधा कि चैन्ह ते अदभोत काम दुधे पवित्र सेवक ईशु चे नांवा लारे करले जाओ।”

प्रेरितां चे काम 5:15

इठे तक कि लौक बिमारा नु सड़का उपर आणती आणती कर, खाटा ते तङीया उपर लिटाती ङिते, कि जिसे बेले पतरस आओ, ओची छां ही वांचे महु काये उपर पड़ती जाओ।

प्रेरितां चे काम 5:17

बल्ति महायाजक ते ओचे सारे साथी जको सदूकिया चे पंथ चे हुते, भड़कती खड़े हुले।

1 कुरिन्थियां 12:9

ते कानु वेही आत्मा लारे विश्‍वास ते कानु वेही हेक आत्मा लारे चंगाई करने चा वरदान ङिला जाये।

याकूब 5:16

ऐवास्ते तम्ही आपस मां हेके ङुजे चे सामणे आपणे–आपणे पापा नु मनती गिहा, ते हेके ङुजे चे वास्ते प्राथना करा, कि जाये कनु तम्ही ठीक हुती जावा। धर्मी बन्दे ची प्राथना चे लारे ब़ोहत कोच्छ हो सग़े।