प्रेरितां चे काम 5:13 - ओङ राजपूत

¹³ पर नेरा लौका महु काई वी हा हिम्मत ना हुती कि ओठे जती कर वांचे मां मिलु जती, पर फेर वी लौक वांची बढ़ाई करते रेहते।

प्रेरितां चे काम 5:13 ပူးပေါင်းရင်းမြစ်များ

लूका 19:48

पर कुई तरीका नी सोध सग़ले, कि ईं किवें करु, कांकि सारे लौक ओचीया बाता नु बङे शोंका लारे सुणते।

यूहन्‍ना 12:42

तां वी हाकिमा महु घणा ने ओचे उपर विश्‍वास करला। पर फरीसिया ची वजह कनु उजागर मां ना मनते कङी इसड़े ना हो कि प्राथनाघरा महु काढ़ले जऊं,

यूहन्‍ना 19:38

यां बाता चे बाद, अरिमतिया चे यूसुफ ने, जको ईशु चा चैला हुता, पर यहूदिया चे ङरा कनु ये बाते नु लुकाती राखता, पिलातुस कनु बिनती करली कि का ओ ईशु ची लाश चती जा सग़े? पिलातुस ने ओची बिनती सुणली। ते ओ आती कर ओची लाश चती गेला।

यूहन्‍ना 9:22

ये बाता ओचे आई-ब़ा ने ऐवास्ते केहलीया कांकि वे यहूदी नेता कनु ङरते, कांकि यहूदी ऐका करती चुकले हुते कि अगर ईशु नु कुई मसीह किहो तां प्राथनाघरा महु काढ़ले जाओ।

प्रेरितां चे काम 19:17

ते हा बात इफिसुस शहरा चे रेहणे आले यहूदी ते यूनानी वी सारे जाणती गेले, ते वांचे सारा उपर हा ङर पड़ती गेला, ते प्रभु ईशु चे नांवा ची बढ़ाई हुली।

प्रेरितां चे काम 2:47

ते नरीकारा ची स्तुति करते, ते सारे लौक वांचे लारे खौश हुते, ते जको नवें लौक उद्धार पाते, वानु प्रभु रोजाना विश्‍वासीया मां मिलाती ङिता।

प्रेरितां चे काम 4:21

बल्ति वाणे वानु धमकाती कर छोड़ती ङिले, कांकि लौका ची वजह वानु ङण्ड ङेणे चा कुई वजह ना मिड़ला, ऐवास्ते कि जको वारदात हुली हुती ओची वजह कनु सब लौक नरीकारा ची बढ़ाई करी पलते।

प्रेरितां चे काम 5:26

बल्ति ओही सरदार, आपणे कोच्छ सिपाहीया लारे जती कर, प्रेरितां नु गेहती आला, पर आपणी ताकती लारे ना, कांकि वे लौका कनु ङरते, कि लौक वांचे उपर पत्थराव ना करो।

प्रेरितां चे काम 5:5

हा बात सुणते ही हनन्याह ढेती पला ते मरला गेला। ते सारे लौक ये बाते नु सुणती कर घणी ङरती गेली।

2 कुरिन्थियां 10:15

ते अम्ही हद्दी चे ब़ाहरु नेरा ची मेहनती पर घमण्ड ना करु। पर अम्हानु आस छै कि जिंवे-जिंवे तम्चा विश्‍वास बधता जई यूं-यूं अम्ही आपणी हद्दी चे अनुसार तम्ची वजह कनु होर वी बधते जऊं,