प्रेरितां चे काम 4:29 - ओङ राजपूत

²⁹ हमा हे प्रभु, वांचीया धमकीया नु ङेख ते आपणे दासा नु हा वरदान ङे कि दुधा वचन बङे होंसले लारे सुणाओ।

प्रेरितां चे काम 4:29 ပူးပေါင်းရင်းမြစ်များ

प्रेरितां चे काम 13:46

बल्ति पौलुस ते बरनबास ने बेखौफ हुती कर केहले, “जरुरी हुते, कि नरीकारा चा वचन पेहले तम्हानु सुणाला जईया, पर जबकि तम्ही ओनु मना ही ना, ते आपणे आप नु अनन्त जीवन चे लायक ना ठहरावा, तां हमा, अम्ही नेरीया जातिया सनु फिरु पले।

प्रेरितां चे काम 14:3

पौलुस ते बरनबास ओठे घणे ङिहां तक रेहले, ते प्रभु चे भरोसे उपर हिम्मती चे लारे बाता करते, ते नरीकार वांचे हाथा कनु अचम्भे ची कामे करवाती कर आपणे अनुग्रह चे वचना उपर ग़वाही ङिता।

प्रेरितां चे काम 19:8

पौलुस यहूदी प्राथनाघरा मां गेला। ओठे ओ तीन मेहना तक बेधड़क हुती कर ब़ोलता रेहला। नरीकारा चे राज़ चे बारे मां बहस-बाजी करता ते वानु आच्छी रीति लारे समझाता रेहला।

प्रेरितां चे काम 26:26

जाये सामणे मैं बेधड़क हुती कर ब़ोले पला, यां बाता नु राजा अग्रिप्पा वी जाणे, ते मनु विश्‍वास छै, कि यां बाता महु कुई वी बात ओकनु लुकली कोनी पली, कांकि वा घटना तां कुई कूणे मां कोनी हुली।

प्रेरितां चे काम 28:31

ते बिना रोक-टोक बङी हिम्मती लारे नरीकारा चे राज़ चा प्रचार करता रेहला ते प्रभु ईशु मसीह चीया बाता सिखाता रेहला।

प्रेरितां चे काम 4:13

जिसे बेले वाणे पतरस ते यूहन्‍ना चा होंसला ङेखला, ते ईं जाणले कि ये अनपढ़ ते सादा बन्दी छी, तां हैरान हुले, कि ये ईशु चे लारे रेहले हुते।

प्रेरितां चे काम 4:21

बल्ति वाणे वानु धमकाती कर छोड़ती ङिले, कांकि लौका ची वजह वानु ङण्ड ङेणे चा कुई वजह ना मिड़ला, ऐवास्ते कि जको वारदात हुली हुती ओची वजह कनु सब लौक नरीकारा ची बढ़ाई करी पलते।

प्रेरितां चे काम 4:31

जिसे बेले वे प्राथना करती चुकले, तां वा जग़हा जिठे भेले हुते हलती गेली, ते वे सारे पवित्र आत्मा लारे भरीती गेले, ते नरीकारा चा वचन होंसले लारे सुणाते रेहले।

प्रेरितां चे काम 9:27

पर बरनबास ने ओनु आपणे लारे प्रेरितां चे गोढु गेहती गेला वानु केहले, कि ऐणे केस रीति लारे मार्ग़ा मां प्रभु नु ङेखले, ते ओणे ऐचे लारे बाता करलीया बल्ति दमिश्क मां ऐणे किवें हिम्मती लारे ईशु चे नांवा चा प्रचार करला।

प्रेरितां चे काम 9:28

शाऊल वांचे लारे यरुशलेम मां आता जता रेहला, ते बेधड़क हुती कर प्रभु ईशु चे नांवा लारे प्रचार करता।

1 कुरिन्थियां 14:13

ऐवास्ते जको नेरीया भाषा मां बाता करी तां वे प्राथना करो, कि वे भाषा चा मतलब वी बावड़ सग़ो।

2 कुरिन्थियां 3:12

ऐवास्ते इसड़ी आस राखती कर अम्ही हिम्मती लारे ब़ोलु।

फिलिप्पियां 1:14

ते प्रभु मां जको भऊ छी वांचे महु अधिकतर माये कैद हुवणे ची वजह कनु हिम्मत ब़ांहती कर नरीकारा चा वचन बेधड़क हुती कर होर वी होंसला करी ते सुणावी।

1 थिस्सलुनीकियां 2:2

बल्कि तम्ही आप जाणा, कि पेहले-पेहले फिलिप्पी मां ङोख चवणे ते जुलम सेहणे पर वी अम्चे नरीकारा ने अम्हानु इसड़ी हिम्मत ङिली, कि अम्ही नरीकारा चा सुसमाचार तकड़ा विरोध हुते हुले वी तम्हानु सुणाऊं।

2 तीमुथियुस 4:17

पर प्रभु माया सहायक रेहला, ते मनु सामर्थ ङिली, ताकि माये जरिये पूरा प्रचार हो, ते सारीया नेरीया जातिया सुणती गिहा ते मैं तां शेरा चे मुँहा कनु छुड़ाला गेला।