प्रेरितां चे काम 3:19 - ओङ राजपूत

¹⁹ ऐवास्ते मन फिरावा ते हटती आवा कि तम्चे पाप मिटाले जाओ, जाये कनु प्रभु चे सामणे सोख भरी ङिहें आओ।

प्रेरितां चे काम 3:19 ပူးပေါင်းရင်းမြစ်များ

मत्ती 13:15

कांकि जा लौका चे मन मोटे हुती गेले, ते काना लारे ऊंचे सुणी ते आपणीया आंखीया बन्द करती गेलीया, कङी इसड़े ना हो कि वे आंखीया लारे ङेखी, ते काना लारे सुणी, ते मना लारे समझी ते फिरती जई मैं वांचा उद्धार करी।’

मत्ती 18:3

ते केहले, “मैं तम्हानु सच्‍च किहे पला कि जब तक तम्ही ना फिरा ते ब़ाला आलीकर ना बणा, तम्ही स्वर्ग़ा चे राज़ मां जा नी सग़ा।

लूका 1:16

ऊं इस्राएल चे गोत्र नु घणा बन्दा नु वांचे प्रभु नरीकारा चे गोढु गेहती आवी।

लूका 22:57

पर पतरस ईं केहती कर इन्कार करला, “हे नारी, मैं ओनु ना जाणी।”

प्रेरितां चे काम 1:6

तां वाणे भेले हुती कर ओकनु पूछले, “हे प्रभु, का तु ऐ समय इस्राएल नु राज़ फेरती ङिये?”

प्रेरितां चे काम 11:18

ईं सुणती कर, वे चोप रेहले ते नरीकारा ची बढ़ाई करती किहुं लाग़ले, “बल्ति तां नरीकारा ने नेरीया जातिया नु वी जीवन वास्ते मन फिराव चा दान ङिला।”

प्रेरितां चे काम 11:21

ते प्रभु चा हाथ वांचे उपर हुता, ते ब़ोहत लौक विश्‍वास करती प्रभु सनु फिरले।

प्रेरितां चे काम 15:3

ऐवास्ते अन्ताकिया ची कलीसिया ने वानु थोड़ी दूर तक पुचाले, ते वे फीनीके ते सामरिया प्रदेसा महु हुते हुले, नेरीया जातिया नु मन फिरावणे चा सुसमाचार सुणाते गेले। ते ऐ समाचार लारे सारे भऊ घणे खौश हुले।

प्रेरितां चे काम 17:26

ओणे तां हेक मूल लारे बन्दा चा सारीया जातिया धरती उपर रेहणे चे वास्ते बणालीया, ते ओणे ही बन्दा चा समय, ते रेहणे ची जग़हा, ते हद्द वी ब़ांथी ङिली।

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 28:27

कांकि यां लौका चे मन मोटे हुती गेले, ते वांचे कान भारी हुती गेले, ते वाणे आपणीया आँख नु बन्द तां करती नाखलीया, कि कङी वे आँखीया लारे ङेखती ना गिहो, ते काना कनु सुणती ना गिहो, ते आपणे मना लारे समझती कर, पुठे बल्ति आवे, ते मैं नरीकार वानु आत्मिक तन्दरुस्ती ते चंगाई ङी।’

प्रेरितां चे काम 3:20

ते नरीकार ईशु नु भेज़ो जको तम्चे वास्ते पेहले ही कनु मसीह ठहराला गेला।

प्रेरितां चे काम 3:21

“जरुरी छै कि ईशु स्वर्ग़ा मां ओ समय तक रिहो जब तक कि सब बाता चा सुधार ना करती गिहो कि जाई चर्चा पुराणे समय कनु नरीकारा ने आपणे पवित्र भविष्यवक्‍ता चे मुँहा कनु करली हुती।

रोमियां 11:25

हे माये भऊ, कङी इसड़े ना हो, कि तम्ही आपणे नु ब़ुध्दिमान समझती गिहा, ऐवास्ते मैं ना चाहवी कि तम्ही ऐ भेद कनु अणजाण रिहा, कि जब तक नेरीया जातिया पुरी तरह मसीह मां आती ना जई, तब तक इस्राएल चा हेक हेंस्सा इसड़ा ही कठोर रिही।

2 थिस्सलुनीकियां 1:10

हा ओ ङिओ हुवी, जिसे बेले ओ आपणे पवित्र लौका मां महिमा पाणे, ते सारे विश्‍वास करने आला मां आश्‍चर्य ची वजह हुवणे चे वास्ते आवी, तम्ही वी वां लौका मां शामिल हुवा, कांकि तम्ही मसीह चे सुसमाचार उपर विश्‍वास करला।

2 थिस्सलुनीकियां 1:7

ते तम्ही जको क्लेश पावा, अम्चे लारे सोख हो, ओ समय उपर जिसे बेले कि प्रभु ईशु आपणे सामर्थी दूता चे लारे, धधकते हुले जाखते महु स्वर्ग़ा कनु प्रकट हुवी।

2 तीमुथियुस 2:25

ते विरोधीया नु नरमाई लारे समझाओ, का पता नरीकार वानु मन फिरावणे चे वास्ते मन ङियो, कि वे सच्‍चाई नु पिछाणो।

इब्रानियां 4:1

ऐवास्ते जबकि ओचे विश्राम मां जाणे ची प्रतिज्ञा हमा तक छै, तां अम्हानु ङरणे चाही छै इसड़े ना हो कि तम्चे महु कुई जणे ओचे कनु रेहती ना जाओ।

1 पतरस 2:25

कांकि तम्ही पेहले भटकलीया आलीया भेङा आलीकर हुते, पर हमा तम्ही आपणे आजड़ी ते आत्मा ची रखवाली करने आले सनु पुठे फिरती आले।

2 पतरस 3:8

हे प्यारे, हा बात तम्हा कनु लुकली ना रिहो कि प्रभु चे इठे हेक ङिओ हजार साला चे बराबर छै, ते हजार साल हेके ङिओ चे बराबर छै।

प्रकाशितवाक्य 21:4

ते ओ वांचीया आँखीया कनु सारी हींजवे लूथी गिही। ते ना ही ओठे कङी वी मौत हुवी, ते ना ङोख, ना रोवणे, ते ना दर्द हुवी। कांकि ये सारीया पुराणीया बाता हमा बीतती चुकलीया।”