प्रेरितां चे काम 3:13 - ओङ राजपूत

¹³ अब्राहम ते इसहाक ते याकूब चा नरीकार, अम्चे ङाङा-ब़ा चे नरीकारा ने आपणे सेवक ईशु ची महिमा करली, जानु तम्ही पकड़वाती ङिले, ते जब पिलातुस ने ओनु छोड़ती ङेणे चा विचार करला, तब तम्ही ओचे सामणे ईशु चा इन्कार करला।

प्रेरितां चे काम 3:13 ပူးပေါင်းရင်းမြစ်များ

मत्ती 11:27

“माये ब़ा ने मनु सब कोच्छ सोंपती ङिले, ते कुई पूता नु ना जाणी, सेर्फ ब़ा, ते कुई ब़ा नु ना जाणी सेर्फ पूत, ते ओ जाये उपर पूत ओनु प्रकट करना चाहवे।

मत्ती 20:19

ते ओनु नेरीया जातिया चे हाथा मां सोंपे कि वे ओनु ठठा मां उङारो ते कोड़े मारो ते क्रूसा उपर चढ़ाओ, ते ओ तीजे ङिओ जीता करला जई।”

मत्ती 22:32

‘मैं अब्राहम चा नरीकार, ते इसहाक चा नरीकार, ते याकूब चा नरीकार छै?’ ओ मरले आला चा कोनी, पर जीता चा नरीकार छै।”

मत्ती 27:2

वाणे ईशु नु ब़न्धवाले ते गेहली जती कर पिलातुस अधिकारीया चे हाथा मां सोंपती ङिले।

मत्ती 28:18

ईशु ने वांचे गोढु आती कर केहले, “स्वर्ग़ ते धरती चा सारा अधिकार मनु ङिला गेला।

मरकुस 15:11

पर प्रधान याजका ने लौका नु उभारले कि वे बरअब्बा नु ही वांचे वास्ते छोड़ती ङियो।

लूका 22:57

पर पतरस ईं केहती कर इन्कार करला, “हे नारी, मैं ओनु ना जाणी।”

लूका 23:4

तब पिलातुस ने प्रधान याजका ते नेरा लौका नु केहले, “मैं ऐ बन्दे मां कुई दोष कोनी ङेखला।”

लूका 6:37

“दोष ना लावा, तां तम्चे उपर वी दोष नी लाला जई। दोषी ना ठहरावा, तां तम्ही वी दोषी नी ठहराले जावा। माफ करा, तां तम्हानु वी माफी मिलती जई।

यूहन्‍ना 12:16

ओचे चैले ये बाते नु पेहले तां समझले कोनी हुते। जिसे बेले ईशु ची महिमा ङिसली, वानु याद आले कि हा बात ओचे बारे मां लिखली आली हुती ते लौका ने ओचे लारे इसड़ा सलूक करला।

यूहन्‍ना 18:40

तब वाणे बल्ति रौल मचाती कर केहले, “ऐनू ना! पर अम्चे वास्ते बरअब्बा नु छोड़ती ङे!” ते बरअब्बा ङाकु हुता।

यूहन्‍ना 19:11

ईशु ने पिलातुस नु केहले, “अगर उपरु अधिकार ना ङिला जईया तां दुधा माये उपर कुई अधिकार ना हुवीया। ऐवास्ते जेह्णे मनु दुधे हाथे पकड़वाले, ओणे ब़ोहत ज्यादा पाप करला।”

यूहन्‍ना 19:12

ईं सुणती कर पिलातुस ने ओनु छोड़ने चा कुई तरीका सोधणे ची कोशिस करु लाग़ला, पर यहूदी नेता रौल मचाऊं लाग़ले, “अगर तु ऐनू छोड़ती ङिये, तां तु कैसर राजे चा दोस्त कोनी। कुई वी जको आपणे आप नु राजा हुवणे चा दावा करे ऊं कैसर राजे चे विरोधी छै।”

यूहन्‍ना 19:15

पर वे रौल मचाऊं लाग़ती गेले, “गेहली जा! गेहली जा! ओनु क्रूसा उपर चढ़ा!” पिलातुस ने वानु केहले, “का मैं तम्चे राजे नु क्रूसा उपर चढ़ावे?” प्रधान याजका ने उत्तर ङिला, “कैसर नु छोड़ती कर अम्चा कुई नेरा राजा कोनी।”

यूहन्‍ना 7:39

ओणे हा वचन पवित्र आत्मा चे बारे मां केहला, जको ईशु उपर विश्‍वास करने आला नु मिलणे आला हुता। कांकि आत्मा हालि तक कोनी उतरला हुता, कांकि ईशु हालि तक आपणी महिमा मां कोनी पुज़ला हुता।

प्रेरितां चे काम 22:14

“तब ओणे मनु केहले, ‘अम्चे ङाङा-ब़ा चे नरीकारा ने तनु ऐवास्ते ठहराले कि तु ओची इच्छा नु जाण, ते ओ धर्मी नु ङेखे, ओचे मुँहा कनु बाता सुणे।

प्रेरितां चे काम 24:14

“पर हा मैं दुधे सामणे मनती गिहे कि, मैं आपणे पुरखा चे नरीकारा ची अराधना आपणे ईशु चे पंथ चे अनुसार करे, जानु ये गलत किही। मैं हर हेक वे बाते मां विश्‍वास राखे जको व्यवस्था बावड़े ते जको भविष्यवक्‍ता चा किताबा मां लिखले पले।

प्रेरितां चे काम 3:12

ईं ङेखती कर पतरस ने लौका नु केहले, “हे इस्राएली, तम्ही ऐ बन्दे उपर कां हैरान हुवा पले? ते अम्चे सनु कां यूं करती कर ङेखा पले, कि मना अम्ही आपणी ताकती जा भग़ती लारे ऐनू चलणे फिरणे चे लायक बणाती ङिले?

प्रेरितां चे काम 3:26

नरीकारा ने आपणे पूत ईशु नु मरला आला महु जीते करती कर सारा कनु पेहले तम्चे गोढु भेज़ले, कि तम्चे महु हर हेक नु तम्चे गन्दे कामा कनु हटाती कर आशीष ङियो।”

प्रेरितां चे काम 4:27

कांकि सच्‍चमां दुधे पवित्र सेवक ईशु चे विरोध मां, जानु तु अभिषेक करला, हेरोदेस ते पुन्तियुस पिलातुस वी नेरीया जातिया ते इस्राएली चे लारे ऐ शहरा मां भेले हुले,

प्रेरितां चे काम 4:30

ते चंगा करने वास्ते तु आपणा हाथ बधा कि चैन्ह ते अदभोत काम दुधे पवित्र सेवक ईशु चे नांवा लारे करले जाओ।”

प्रेरितां चे काम 7:32

‘मैं दुधे ङाङा-ब़ा, अब्राहम, इसहाक ते याकूब चा नरीकार छै।’ तब तां मूसा कांपु पड़ती गेला इठे तक कि ओनु ङेखणे ची हिम्मत ना रेहली।

रोमियां 9:5

पुरखे वी वांचे ही छी, ते मसीह वी शरीरा चे भाव लारे वांचे महु ही हुला, जको सब चे उपर परम नरीकार युगानयुग धन्‍न छै। आमीन।

इब्रानियां 2:9

पर अम्ही ईशु नु जको स्वर्ग़दूता कनु कोच्छ थोड़े ही समय वास्ते तले राखला गेला हुता मौत चे ङोख चवणे ची वजह महिमा ते आदर चा मुग़ट घाले आले ङेखु, कि नरीकारा चे अनुग्रह लारे ओ हर हेक इन्साना वास्ते मौत चा स्वाद चाखो।

प्रकाशितवाक्य 1:18

“मैं ओही छै जाये कनु जीवन छै। पेहले मैं मरती गेलता ते हमा ङेख मैं युग-युग जीता छै, ते मौत ते अधोलोक चीया कुंजीया माये ही गोढु छी।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।