प्रेरितां चे काम 28:31 - ओङ राजपूत

³¹ ते बिना रोक-टोक बङी हिम्मती लारे नरीकारा चे राज़ चा प्रचार करता रेहला ते प्रभु ईशु मसीह चीया बाता सिखाता रेहला।

प्रेरितां चे काम 28:31 ပူးပေါင်းရင်းမြစ်များ

मत्ती 4:23

ईशु सारे गलील प्रदेस मां फिरता हुला वांचे प्राथनाघरा मां उपदेश करता, ते नरीकारा चे राज़ चा सुसमाचार प्रचार करता, ते लौका ची हर-प्रकार ची बिमारी ते कमजोरी नु दूर करता रेहला।

मरकुस 1:14

यूहन्‍ना चे पकड़वाले जाणे चे बाद मां, बरब्यान जग़हा कनु आती कर ईशु ने गलील प्रदेस मां नरीकारा चे राज़ चा सुसमाचार प्रचार करला,

लूका 8:1

ऐचे बाद ईशु शहर-शहर ते गांवा-गांवा मां प्रचार करता हुला ते नरीकारा चे राज़ चा सुसमाचार सुणाता हुला घूमु लाग़ला, ते वे ब़ारहा प्रेरित वी ओचे लारे हुते।

प्रेरितां चे काम 1:3

ते ओणे ङोख चवणे चे बाद घणे सारे पक्‍के सबूता लारे आपणे आप वानु जीते ङिखाणले ते चालीस ङिहां तक ओ वानु ङिसता रेहला, ते नरीकारा चे राज़ चा बाता करता रेहला।

प्रेरितां चे काम 20:25

“हमा ङेखा, मैं जाणे कि तम्ही सब जाये मां मैं नरीकारा चे राज़ चा प्रचार करता फिरला, माये मुँह बल्ति नी ङेखा।

प्रेरितां चे काम 23:11

ओही राती नु प्रभु ने पौलुस चे गोढु आती कर केहले कि, “हिम्मत राख, कांकि जिसड़ी तु यरुशलेम मां माई ग़वाही ङिली, यूंही करती कर तनु रोम मां वी ग़वाही ङेणी पड़ी।”

प्रेरितां चे काम 28:23

बल्ति वाणे पौलुस चे वास्ते हेक ङिओ तय करला, ते जिसे घरा मां ओ हुता घणी तदात मां लौक ओठे भेले हुती गेले। ते ओ नरीकारा चे राज़ ची ग़वाही ङिता हुला, ते मूसा ची व्यवस्था ते भविष्यवक्‍ता चा किताबा महु ईशु मसीह चे बारे मां सवेले कनु लाती कर आथणे तक साफ रीति लारे वानु समझाता रेहला।

प्रेरितां चे काम 28:30

ते पौलुस ओठे ङुंहु साला तक किराये चे घरा मां रेहला ते जको लौक ओचे गोढु आते, वां सारा लारे बङे प्यारा लारे मिलता रेहला।

प्रेरितां चे काम 4:29

हमा हे प्रभु, वांचीया धमकीया नु ङेख ते आपणे दासा नु हा वरदान ङे कि दुधा वचन बङे होंसले लारे सुणाओ।

प्रेरितां चे काम 4:31

जिसे बेले वे प्राथना करती चुकले, तां वा जग़हा जिठे भेले हुते हलती गेली, ते वे सारे पवित्र आत्मा लारे भरीती गेले, ते नरीकारा चा वचन होंसले लारे सुणाते रेहले।

प्रेरितां चे काम 5:42

वे हर ङिओ मन्दरा मां ते घरा-घरा मां उपदेश करने, ते ये बाते चा सुसमाचार सुणावणे कनु कि ईशु ही मसीह छै ना रुकले।

प्रेरितां चे काम 8:12

पर जिसे बेले फिलिप्पुस चे वचना उपर विश्‍वास करला जको नरीकारा चे राज़ ते ईशु मसीह चे नांवा चा सुसमाचार सुणाता तां लौक, का मर्द, का असतरी बपतिस्मा गिहुं लाग़ले।

फिलिप्पियां 1:14

ते प्रभु मां जको भऊ छी वांचे महु अधिकतर माये कैद हुवणे ची वजह कनु हिम्मत ब़ांहती कर नरीकारा चा वचन बेधड़क हुती कर होर वी होंसला करी ते सुणावी।

2 तीमुथियुस 2:9

जाये वास्ते मैं कुकर्मी जिसड़ा ङोख चवे पला, इठे तक कि कैद वी छै, पर नरीकारा चा वचन कैद कोनी।

2 तीमुथियुस 4:17

पर प्रभु माया सहायक रेहला, ते मनु सामर्थ ङिली, ताकि माये जरिये पूरा प्रचार हो, ते सारीया नेरीया जातिया सुणती गिहा ते मैं तां शेरा चे मुँहा कनु छुड़ाला गेला।