प्रेरितां चे काम 28:3 - ओङ राजपूत

³ जिसे बेले पौलुस ने ईंधणा चा ग़ंढा भेला करती कर जाखते मां मेहला, तां हेक नाग़ सेका ची वजह निकड़ला ते ओचे हाथा मां लटकती गेला।

प्रेरितां चे काम 28:3 ပူးပေါင်းရင်းမြစ်များ

मत्ती 12:34

हे नाग़ा ची ब़ाले! तम्ही बुरे हुती कर किवें आच्छीया बाता केह सग़ा? कांकि जको मना मां भरले पले, ऊंही मुँहा उपर आवे।

मत्ती 23:33

हे नाग़ु! हे अजगर ची ऊलाद्ध! तम्ही नर्का चे ङण्ड कनु किवें बचा?

मत्ती 3:7

जब ओणे घणे फरीसिया ते सदूकिया नु बपतिस्मे वास्ते आपणे गोढु आते ङेखले, तां वानु किहुं लाग़ला, “हे नाग़ा ची ब़च्‍ची! तम्हानु केहणे चिताती ङिले कि तम्ही नरीकारा चे क्रोध कनु द्रोड़ा ?

मरकुस 16:18

वे आपणे हाथा मां नाग़ा नु पकड़ती गिहे ते वे अगर जहर वी पीती गिहे तां वांची कहीं वी हानि नी हुवी, वे बिमारा उपर आपणे हाथ मेहले, ते वे ठीक हुती जाये।”

प्रेरितां चे काम 28:2

ते ऊठला बसन्दा ने अम्चे उपर बङी दया करली, लगातार बारशी चे वजह तापमान मां गिरावट आती गेली हुती, सर्दी ची वजह कनु वाणे अम्चा स्वागत करला ते जाखते ब़ालती कर अम्चा स्वागत करला।

प्रेरितां चे काम 28:4

जिसे बेले उठले बसन्दा ने ङेखले कि ओचे हाथा मां नाग़ लटकला पला ते आपस मां किहुं लाग़ले कि, “सच्‍चमां ईं बन्दे हत्यारे छै, अगर ईं इन्सान समुन्दरा कनु तां बचती निकड़ले, पर न्यां करने आला देवता ऐनू जीते नी रिहुं ङी।”

2 कुरिन्थियां 11:23

का वे ही मसीह चे सेवक छी? मैं पाग़ला आलीकर किहे मैं वांचे कनु बधती कर छै। ज्यादा मेहनत करने मां, बार-बार कैद हुवणे मां, कोड़े खाणे मां, बार-बार मौत चे जोखिम चवणे मां।

2 कुरिन्थियां 6:9

अम्ही अणजाण आलीकर समझले जऊं बल्ति वी अम्ही प्रसिद्ध छिऊं। अम्ही मरले आले समझले जऊं, ङेखा, अम्ही जीते छिऊं। अम्हानु ङण्ड तां ङिला जाये पर अम्ची जान ना काढ़ली जई।