प्रेरितां चे काम 28:22 - ओङ राजपूत

²² पर हमा बावड़ दुधा का विचार छै? वाहो बात अम्ही दुधे कनु सुणने चाहु, कांकि अम्ही जाणु, कि हर जग़हा मसीह पंथ चे विरोध मां सारे लौक बाता करे पले।”

प्रेरितां चे काम 28:22 ပူးပေါင်းရင်းမြစ်များ

लूका 2:34

बल्ति शमौन ने ओनु आशीष ङिती कर, ओची आई मरियम नु केहले, “ङेख, ओ तां इस्राएल मां ब़ोहता चे ढेणे ते खड़े हुवणे वास्ते, हेक इसड़ा चैन्ह हुवणे वास्ते ठहराला गेला, जाये विरोध मां बाता करलीया जाये।

प्रेरितां चे काम 15:5

ये बाते उपर फरीसिया चे दल महु कोच्छ विश्‍वासी लौक खड़े हुले ते केहले कि, “नेरीया जातिया नु खतना कराणे ची ते मूसा ची व्यवस्था उपर टुरणे ची आज्ञा ङेणी चाही छै।”

प्रेरितां चे काम 24:14

“पर हा मैं दुधे सामणे मनती गिहे कि, मैं आपणे पुरखा चे नरीकारा ची अराधना आपणे ईशु चे पंथ चे अनुसार करे, जानु ये गलत किही। मैं हर हेक वे बाते मां विश्‍वास राखे जको व्यवस्था बावड़े ते जको भविष्यवक्‍ता चा किताबा मां लिखले पले।

प्रेरितां चे काम 26:5

अगर वे ग़वाही ङेणा चाहवी, तां शुरु कनु मनु पेहचाणी कि मैं फरीसी हुती कर आपणे धर्म चे सबकनु खरे पंथ चे अनुसार टुरला।

प्रेरितां चे काम 5:17

बल्ति महायाजक ते ओचे सारे साथी जको सदूकिया चे पंथ चे हुते, भड़कती खड़े हुले।

रोमियां 1:8

पेहले मैं तम्चे सब चे वास्ते ईशु मसीह चे जरिये आपणे नरीकारा चा धन्यवाद करे पला, कांकि तम्चे विश्‍वास ची चर्चा पुरे संसारा मां हुवे पली।

1 कुरिन्थियां 11:19

हां, ईं सच्‍च छै कि तम्चे बीच फूट पड़नी जरुरी वी छै, कि वे लौक जको तम्चे मां खरे निकलो प्रकट हुती जाओ।

1 पतरस 2:12

नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

1 पतरस 3:16

ते आपणे विवेक नु वी शोद्ध राखा, ऐवास्ते कि जिसीया बाता चे बारे मां वे जको मसीह मां तम्चे आच्छे चाल-चलन चा अपमान करी, शर्मसार हो।