प्रेरितां चे काम 28:2 - ओङ राजपूत

² ते ऊठला बसन्दा ने अम्चे उपर बङी दया करली, लगातार बारशी चे वजह तापमान मां गिरावट आती गेली हुती, सर्दी ची वजह कनु वाणे अम्चा स्वागत करला ते जाखते ब़ालती कर अम्चा स्वागत करला।

प्रेरितां चे काम 28:2 ပူးပေါင်းရင်းမြစ်များ

मत्ती 10:42

जको कुई यां छोटा महु हेके नु माया चैला जाणती कर सेर्फ हेक मुंगर ठाडे पाणी पिलावे, मैं तम्हानु सच्‍च किहे पला, ओ किसी रीति लारे आपणा प्रतिफल नी गुंवी।”

यूहन्‍ना 18:18

दास ते पाहरेदार ठड्डी ची वजह कनु कौले भड़काती कर जाखते सेकी भिलते, ते पतरस वी वांचे लारे जाखते सेके भीलता।

प्रेरितां चे काम 27:3

ङुजे ङिओ अम्ही सैदा शहर मां पुज़ले, ओठे जती कर यूलियुस ने पौलुस चे लारे आच्छा बर्ताव करला ते पौलुस नु ओचे मित्र दोस्ता लारे मिलणे वास्ते अनुमति ङिली जाये कनु ओ जरुरी चीजा गेहती आओ।

प्रेरितां चे काम 28:3

जिसे बेले पौलुस ने ईंधणा चा ग़ंढा भेला करती कर जाखते मां मेहला, तां हेक नाग़ सेका ची वजह निकड़ला ते ओचे हाथा मां लटकती गेला।

प्रेरितां चे काम 28:4

जिसे बेले उठले बसन्दा ने ङेखले कि ओचे हाथा मां नाग़ लटकला पला ते आपस मां किहुं लाग़ले कि, “सच्‍चमां ईं बन्दे हत्यारे छै, अगर ईं इन्सान समुन्दरा कनु तां बचती निकड़ले, पर न्यां करने आला देवता ऐनू जीते नी रिहुं ङी।”

रोमियां 1:14

मैं यूनानिया नु ते नेरीया भाषा चे लौका नु ते समझदारा नु ते मूर्खा नु ते सब नु सुसमाचार सुणावणे वास्ते खौद्द ची जिम्मेवारी समझे।

रोमियां 14:1

जको विश्‍वासा मां कमजोर छै, ओनु आपणी संगति मां गेहती गिहा, पर ओचे विचारा उपर बेहस-बाजी करने जरुरी कोनी।

रोमियां 14:3

ओ, जको सब कोच्छ खाणे आला छै, ओनु तोच्छ नजरीये लारे ना ङेखो, जको सब कोच्छ ना खई, यूं करती, सब कोच्छ ना खाणे आला, ओचे उपर दोष ना लावा, जको सब कोच्छ खाये, कांकि नरीकारा ने वानु ग्रहण करले।

रोमियां 2:27

ते ऊं इन्सान जाया शरीरिक रूपा कनु बिना खतने चे रेहले, अगर ऊं व्यवस्था नु पुरी करे, तां का तनु जको लिखली आली व्यवस्था मिड़ली ते खतना करले जाणे उपर वी व्यवस्था नु ना मनी, का दोषी नी ठहरावी?

1 कुरिन्थियां 14:11

ऐवास्ते अगर मैं कुई भाषा चा मतलब ना समझी, तां ब़ोलणे आले ची नजरी मां प्रदेसी बणती जई ते ब़ोलणे आला माई नजरी मां प्रदेसी बणती जई।

2 कुरिन्थियां 11:27

मैं कई राती जाग़ती कर, खास करती भुक्‍का तरसेला रेहती कर, ते ठड्डी ची वजह कनु ते कम ओढ़णा ची वजह कनु मैं घणीया मुसीबता सहन करलीया।

कुलुस्सियां 3:11

मतलब हा छै कि मसीह मां हमा ना तां कुई यूनानी रेहला, ना यहूदी, ना खतना, ते ना ही खतनारहित, ना जंगली, ना असभ्य, ना दास ते ना आजादी, मसीह यां सारा मां छै, ये सारी मसीह मां छी।

इब्रानियां 13:2

अतिथि-सत्कार करने ना भूलजा, कांकि इसड़े करने लारे कोच्छ लौका ने अणजाणे मां स्वर्ग़दूता चा अतिथि-सत्कार करला।