प्रेरितां चे काम 28:14 - ओङ राजपूत

¹⁴ ओठे अम्हानु कोच्छ विश्‍वासी भऊ मिड़ले, ते वांचे केहणे लारे अम्ही ओठे सात ङिहें रेहले, ऐचे बाद अम्ही रोम सनु टुरती पले।

प्रेरितां चे काम 28:14 ပူးပေါင်းရင်းမြစ်များ

मत्ती 10:11

“जिसे कुई शहर जा गांवा मां जावा, तां पता काढ़ा कि ओठे कूण लायक छै, तां जब तक उठु विदा ना हुवा तब तक ओही घरा मां रुकले रिहा।

यूहन्‍ना 21:23

ऐवास्ते भावां मां हा बात खिंडती गेली कि ओ चैला नी मरी। ईशु ने ओनु ईं कोनी केहले कि हा नी मरी, पर ईं कि, “अगर मैं चाहवें कि ओ माये आणे तक रुकला रिहो, तां तनु का?”

प्रेरितां चे काम 1:15

वा ङिहां मां पतरस भावां चे आधी मां जको करीबन हेक साऔ बीस बन्दी भेली हुती भिले रेहती किहुं लाग़ला।

प्रेरितां चे काम 19:1

जिसे बेले अपुल्‍लोस कुरिन्थुस शहर मां हुता, ते पौलुस सारे प्रदेसा महु हुती कर इफिसुस शहर मां आला ते ओठे कोच्छ चैले मिड़ले।

प्रेरितां चे काम 20:6

ते अम्ही अखमीरी रोटी चे तेंहवार चा ङिहां चे बाद फिलिप्पी कनु जहाजा उपर चढ़ती कर पाँचा ङिहां मां त्रोआस शहरा मां वांचे गोढु पुज़ले, ते साता ङिहां तक उठी रेहले।

प्रेरितां चे काम 21:4

ते ओठे अम्हानु चैले मिड़ले ते वांचे लारे अम्ही सात ङिहां तक रेहले। पवित्र आत्मा ने वानु केहले पौलुस नु ईं किहा कि यरुशलेम मां ना जा।

प्रेरितां चे काम 28:13

उठु कनु अम्ही घूमती कर रेगियुम शहरा मां आले, ते हेक ङिओ चे बाद दक्षिणी हवा चढ़ली, बल्ति ङुजे ङिओ पुतियुली शहरा मां आले।

प्रेरितां चे काम 28:15

जिसे बेले उठले भावां नु ये बाते चा पता लाग़ला कि वे आवी पले, ते अप्पियुस चे चौक ते तीन सराय नांवा ची जग़हा तक अम्हानु मिलणे चे वास्ते आती गेले, वानु ङेखती कर पौलुस ने नरीकारा चा धन्यवाद करला ते हिम्मत ब़ांधली।

प्रेरितां चे काम 28:21

वाणे पौलुस नु केहले कि, “ना ते अम्हानु दुधे बारे मां कुई चिठ्ठी मिड़ली, ते ना ही यहूदी प्रधाना महु इठे आती कर दुधे बारे मां कोच्छ बावड़ले, ते ना ही दुधी कुई बुराई करली।

प्रेरितां चे काम 6:3

ऐवास्ते हे माये भऊ, आपणे सात नामी मर्दा नु जको पवित्र आत्मा ते ब़ुध्दि लारे भरीले आले हो चुणती गिहा, कि अम्ही वानु ऐ कामा उपर ठहराती ङिऊं।

प्रेरितां चे काम 9:30

ईं जाणती कर भावां ने ओनु कैसरिया मां गेहती आले ते तरसुस नु भेज़ती ङिले।

रोमियां 1:13

ते हे माये भऊ, मैं ना चाहवी कि तम्ही ऐचे कनु अणजाण रिहा कि मैं कई वारी तम्चे गोढु आणे चाह्‍ले कि, जिंवे मनु होर नेरीया जातिया कनु फल मिड़ला, यूहीं तम्चे महु वी मिलो, पर मैं हमा तक मजबूरी मां रुकला रेहला।