प्रेरितां चे काम 27:12 - ओङ राजपूत

¹² ओ बन्दरगाह सर्दी कटणे वास्ते ठीक कोनी हुता, ऐवास्ते घणा ने हा विचार करला कि आग़ु चालणे चाही छै, वाणे ये उम्मीद मां सफर शुरु करती ङिला कि कुई रीति लारे सर्दी पड़ने कनु पेहले अम्ही फीनिक्स शहरा मां पुज़ती जऊं। हा ते हेक क्रेते टापू चा बन्दरगाह हुता, जाये दरवाजे दक्षिण-पक्षिम ते उत्तर-पक्षिम मां खुलते।

प्रेरितां चे काम 27:12 ပူးပေါင်းရင်းမြစ်များ

प्रेरितां चे काम 2:11

का यहूदी का यहूदी मत्त धारण करने आले, क्रेती ते अरबी वी छी, पर आपणी-आपणी भाषा मां वाकनु नरीकारा चे बङे-बङे कामा ची चर्चा सुणु पले।”

प्रेरितां चे काम 27:13

जिसे बेले दक्षिणी हवा चलु लाग़ली, ते वाणे सोचले कि अम्ची मंजिल पुरी हुती गेली। ऐवास्ते वाणे लंगर चती गेला ते क्रेते टापू चे किनारे-किनारे समुन्दर कनु हुते हुले आग़ु बधले।

प्रेरितां चे काम 27:21

जिसे बेले वे घणे ङिहां तक भुक्‍के रेहती चुकले, ते पौलुस ने वांचे आधे मां भिले रेहती कर केहले कि, “हे सज़्ज़ण, हुवणे तां ईं हुते कि, तम्ही माई बात मनती कर, क्रेते टापू कनु जहाजा मां सफर ही ना करा हा ते ना ही हा आफत आवीया ते ना ही हा नुकसान चवणा पडे़हा।

प्रेरितां चे काम 27:7

जिसे बेले अम्ही घणा ङिहां मां धीरे-धीरे सफर करती कर बङी मुश्किल लारे कनिदुस शहर चे सामणे पुज़ले, ऐवास्ते कि हवा अम्चे सनु चले पलती अम्हानु आग़ु ना बधु ङिये ली, बल्ति अम्ही सलमोने चे हेक क्रेते टापू ची ओटक मां हुती कर आग़ु बधले।

प्रेरितां चे काम 27:8

ते बङी मुश्किल लारे अम्ही क्रेते चे किनारे हुते हुले अम्ही “शुभलगंरबारी” नांवा ची हेक जग़हा उपर पुज़ले, इठु कनु लसया शहर गोढु हुता।

तीतुस 1:12

क्रेते लौका महु हेक जणे ने जको वांचा भविष्यवक्‍ता छै, केहले, “क्रेती बन्दी सदा कूड़े, ते ढौरा जिसड़े दुष्ट ते आलसी ढिडल छी।”

तीतुस 1:5

मैं ऐवास्ते तनु क्रेते मां छोड़ली आलता, कि तु बाकि रेहले आले कामा नु सुधार, ते माई आज्ञा चे अनुसार शहरा शहरा मां अग़ुवा नु नियुक्‍त कर।