प्रेरितां चे काम 26:23 - ओङ राजपूत

²³ कि मसीह नु ङोख भोग़णे पड़ी, ते ओही सबकनु पेहले मरला आला महु जीता हुती कर, अम्चे लौका मां ते नेरीया जातिया मां ज्योति चा प्रचार करी।”

प्रेरितां चे काम 26:23 ပူးပေါင်းရင်းမြစ်များ

मत्ती 26:24

मैं इन्साना चा पूत जिसड़े माये वास्ते लिखले गेले, जाये ही पला, पर ओ इन्साना उपर हाय! जाये जरिये मैं इन्साना चा पूत पकड़वाला जई। अगर ओ इन्साना चा जनम ही ना हुवीया, तां ओचे वास्ते भले हुते।”

मत्ती 27:53

ते ईशु चे जीते हुवणे चे बाद वे कब्रा महु निकलती कर पवित्र शहरा मां गेले ते घणा नु ङिसले।

लूका 2:32

कि ओ नेरीया जातिया नु सोज़ले ङेणे वास्ते ज्योति ते दुधे खौद्द ची प्रजा इस्राएल चे वास्ते महिमा हो।”

लूका 24:26

का जरुरी कोनी हुते कि मसीह ईं ङोख चती कर नरीकारा ची महिमा मां लंघती जाओ?”

लूका 24:46

ते वानु केहले, “यूं लिखले आले छै, कि मसीह ङोख चवी, ते तीजे ङिओ मरला आला महु जीता हुती जई।

यूहन्‍ना 10:18

कुई विनु माये कनु खौश ना, बल्कि मैं आप ही विनु ङिये। मनु विनु ङेणे चा अधिकार छै ते ओनु बल्ति गेहणे चा वी अधिकार छै। हा आज्ञा माये ब़ा कनु मनु मिड़ली।”

यूहन्‍ना 11:25

ईशु ने वानु केहले, “मैं ही पुनरुत्थान छै ते जीवन मैं ही छै। जको कुई माये उपर विश्‍वास करे ऊं अगर मरती वी जाये तां वी जीवी,

प्रेरितां चे काम 13:34

ते ओची ये रीति लारे मरले आला महु जीते करने बारे मां वी, कि ओ कङी ना सड़ो, ओणे यूं केहले कि, ‘मैं दाऊद आली पवित्र ते अटल दया तम्चे उपर करी।’

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

प्रेरितां चे काम 26:8

जबकि नरीकार मरला आला नु जीते करती ङिये, तां तम्चे इठे हा बात कां विश्‍वास लायक ना समझली जाये।

प्रेरितां चे काम 3:18

पर जिसीया बाता नु नरीकारा ने सब भविष्यवक्‍ता चे जरिये बाता पेहले ही बावड़लीया हुतीया, कि ओचा मसीह ङोख चवी, वानु ओणे यूं करती पुरे करले।

प्रेरितां चे काम 3:24

“ते शमूएल कनु लाती कर ओचे बाद आला तक जितना भविष्यवक्‍ता ने बात केहली वां सारा ने यां ङिहां चा सनेसा ङिला छै।

1 कुरिन्थियां 15:3

ऐ वजह कनु मैं सबकनु पेहले तम्हानु वाहो बात पुचाती ङिली जको माये कनु पुज़ली हुती, कि पवित्रशास्त्र चे वचन चे अनुसार ईशु मसीह अम्चे पापा वास्ते मरती गेला,

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

कुलुस्सियां 1:18

ऊंही शरीर, यानि कलीसिया चे ठोङ छै, ओही आदि छै, ते मरले आला महु जीता हुवणे आला महु पलेठी चा छै कि सारीया बाता मां ओही प्रधान बणो।

इब्रानियां 2:10

कांकि जाये वास्ते सब कोच्छ छै, ते जाये जरिये सब कोच्छ छै, नरीकारा नु ईं आच्छे लाग़ले कि जिसे बेले ओ ब़ोहत सारे पूता नु महिमा मां पुचाओ, तां वांचे उद्धारकर्ता ईशु नु ङोख चवणे चे जरिये सेद्ध करो।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।