प्रेरितां चे काम 26:20 - ओङ राजपूत

²⁰ बल्ति मैं सबकनु पेहले दमिश्क शहरा मां, ते ऐचे बाद यरुशलेम मां रेहणे आला नु, ते सारे यहूदिया प्रदेस मां, ते नेरीया जातिया नु समझाता रेहला, कि मन फिरावा ते नरीकारा सनु फिरती कर मन फिराव चे लायक काम करा।

प्रेरितां चे काम 26:20 ပူးပေါင်းရင်းမြစ်များ

मत्ती 3:2

“पापा कनु मन फिरावा, कांकि स्वर्ग़ चा राज़ गोढु छै।”

मत्ती 3:8

मन फिराव चे जोगा फल आणा।

मत्ती 4:17

ओ समय कनु ईशु ने सुसमाचार चा प्रचार करना ते ईं केहणे शुरु करले, “आपणे पापा कनु मन फिरावा कांकि स्वर्ग़ चा राज़ गोढु छै।”

मत्ती 9:13

ऐवास्ते तम्ही जती कर ऐचा मतलब सिखती गिहा, ‘मैं बलिदान ना, पर दया चाहवें,’ कांकि मैं धर्मीया नु ना, पर पापीया नु हकारु आला।”

मरकुस 6:12

तब वाणे जती कर प्रचार करला कि मन फिरावा।

लूका 1:16

ऊं इस्राएल चे गोत्र नु घणा बन्दा नु वांचे प्रभु नरीकारा चे गोढु गेहती आवी।

लूका 13:3

मैं तम्हानु किहे कि कोना, पर अगर तम्ही मन नी फिरावा तां तम्ही सारे वी येही रीति लारे नाश हुवा।

लूका 13:5

मैं तम्हानु किहे कि कोना, पर अगर तम्ही मन नी फिरावा तां तम्ही सारी वी यूंही नाश हुवा।”

लूका 15:10

मैं तम्हानु किहे पला कि यूंही हेक मन फिरावणे आले पापी चे बारे मां नरीकारा चे स्वर्ग़दूता चे सामणे खुशी हुवे।”

लूका 15:7

“मैं तम्हानु किहे पला कि यूंही करती कर हेक मन फिरावणे आले पापीया चे बारे मां वी स्वर्ग़ा मां इतनी ही खुशी हुवी, जितना कि वां निन्याणवे इसड़े धर्मीया चे बारे मां नी हुवी, जानु मन फिरावणे ची जरुरत कोनी।

प्रेरितां चे काम 11:18

ईं सुणती कर, वे चोप रेहले ते नरीकारा ची बढ़ाई करती किहुं लाग़ले, “बल्ति तां नरीकारा ने नेरीया जातिया नु वी जीवन वास्ते मन फिराव चा दान ङिला।”

प्रेरितां चे काम 15:19

“ऐवास्ते माई सोच हा छै कि, नेरीया जातिया महु जको लौक नरीकारा ची तरफ फिरी, अम्ही वानु ङोख ना ङिऊं।

प्रेरितां चे काम 17:30

हमा तक तां नरीकारा ने अज्ञानता चे समय उपर ध्यान कोनी ङिला। पर हमा तां हर जग़हा सारा बन्दा नु मन फिरावणे ची आज्ञा ङिये पला।

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 20:21

बल्ति मैं यहूदिया नु ते यूनानिया नु चिताता रेहला कि नरीकारा सनु मन फिरावा, ते अम्चे प्रभु ईशु मसीह उपर विश्‍वास करा।

प्रेरितां चे काम 26:17

मैं तनु दुधे लौका कनु ते नेरीया जातिया कनु बचाता रिही, जाये गोढु मैं हमा तनु ऐवास्ते भेज़े पला,

प्रेरितां चे काम 26:19

“ऐवास्ते हे राजा अग्रिप्पा, मैं ओ स्वर्ग़ीय दर्शन ची बात कोनी टाड़ली,

प्रेरितां चे काम 3:19

ऐवास्ते मन फिरावा ते हटती आवा कि तम्चे पाप मिटाले जाओ, जाये कनु प्रभु चे सामणे सोख भरी ङिहें आओ।

प्रेरितां चे काम 9:15

पर प्रभु ने ओनु केहले, “तु चाह्‍ला जा, कांकि हा तां नेरीया जातिया ते वांचे राजे ते इस्राएलीया चे सामणे माये नां उजागर करने वास्ते माये चुणले आले जन छै।

प्रेरितां चे काम 9:35

ते लुद्दा ते शारोन चे सब रेहणे आले ओनु ङेखती कर प्रभु ची तरफ फिरले।

रोमियां 2:4

का तु बङी भलाई ते सहनशीलता, ते धीरजरुपी धन्‍न नु तोच्छ समझी? ते का ईं ना समझी कि नरीकारा ची भलाई तनु मन फिरावणे ची ओर गेहती जाये?

2 कुरिन्थियां 3:16

पर जिसे बेले कङी वी वांचे मन प्रभु सनु फिरी, बल्ति ओ पड़दा चवीती जई।

2 कुरिन्थियां 7:10

ऊं ङोख जको नरीकार चे तरफु आवे, ऊं उद्धार ङेणे आले पश्‍चयाताप चा वजह बणती जाये, ते बल्ति ओनु पछताणे ना पड़ी। पर संसारिक ङोख मौत पैदा करे।

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

1 थिस्सलुनीकियां 1:9

कांकि वे आप ही अम्चे बारे मां बावड़ी कि तम्चे गोढु अम्चे आवणे किसड़े हुले, ते तम्ही कांकि मूर्ता कनु नरीकारा ची तरफ फिरले ताकि जीते ते सच्‍चे नरीकारा ची सेवा करा

प्रकाशितवाक्य 16:11

ते आपणे दर्दा कनु ते छाला ची वजह कनु स्वर्ग़ चे नरीकारा ची निन्दा करली, ते आपणे आपणे कामा कनु मन कोनी फिराले।

प्रकाशितवाक्य 2:21

मैं विनु मन फिरावणे वास्ते मौका ङिला, पर वा आपणे व्यभिचार कनु मन फिरावणे ना चाहवी।

प्रकाशितवाक्य 2:5

ऐवास्ते चैता कर कि तु किठु ढेला आला छी, ते मन फिरा ते पेहले जिसड़े काम कर। अगर तु मन नी फिरावे, तां मैं दुधे गोढु आती कर दुधे जाला नु ओची जग़हा कनु हटाती नाखी।

प्रकाशितवाक्य 3:3

ऐवास्ते चैते कर कि तु किसड़ी शिक्षा गेहली ते सुणली हुती, ते विचे मां बणला रेह ते आपणे मन फिरा। अगर तु सुज़ाक नी रिहे तां मैं चोरा आलीकर आती जई, ते तु हरगिज नी जाण सग़े कि मैं केस घड़ी दुधे उपर आती पड़ी।