प्रेरितां चे काम 26:18 - ओङ राजपूत

¹⁸ कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

प्रेरितां चे काम 26:18 ပူးပေါင်းရင်းမြစ်များ

मत्ती 4:10

बल्ति ईशु ने केहले, “शैतान, दूर हुती जा! कांकि पवित्रशास्त्रा मां लिखले पले, ‘तु प्रभु आपणे नरीकारा नु प्रणाम कर, ते सेर्फ ओची ही उपासना कर।’ ”

मत्ती 4:16

जको लौक अन्धारे मां जई पलते वाणे हेक बङे सोज़ले ङेखले। ते जको लौक मौत कनु ङरती कर जीवी पलते, वांचे उपर, बङे सोज़ले पड़ले।”

लूका 1:77

ते ओचे बन्दा नु उद्धार चा ज्ञान ङे, जको वांचे पाप माफ हुवी।

लूका 1:79

कि अन्धारे ते मौत ची छईं मां ब़ेसणे आला नु सोज़ले ङियो, अम्चे पग़्ग़ा नु शान्ति चे सही मार्ग़ उपर चलावी।”

लूका 2:32

कि ओ नेरीया जातिया नु सोज़ले ङेणे वास्ते ज्योति ते दुधे खौद्द ची प्रजा इस्राएल चे वास्ते महिमा हो।”

लूका 24:45

तब ईशु ने वांची समझ खोलती ङिली कि वे पवित्रशास्त्र नु समझो।

लूका 24:47

ते यरुशलेम कनु लाती कर सारे लौका नु मन फिराव चा ते पापा ची माफी चा प्रचार, ओचे नांवा लारे करला जई।

लूका 4:18

“प्रभु ची आत्मा माये उपर छै, ऐवास्ते ओणे कंगाला नु सुसमाचार सुणावणे वास्ते माया अभिषेक करला, ते मनु ऐवास्ते चुणले कि जको बन्धन मां छी वानु छुटकारे चा ते अन्धा नु सोज़ले मिलणे चा सुसमाचार चा प्रचार करे ते लताड़ले आला नु छुड़ावे।

यूहन्‍ना 17:17

सच्‍चाई चे जरिये तु वानु सेवा चे कामा मां पवित्र कर। दुधा वचन सच्‍चा छै।

यूहन्‍ना 3:19

ते ङण्ड ची आज्ञा ची वजह हा छै कि सोज़ले संसारा मां आले, ते बन्दा ने अन्धारे नु सोज़ले कनु ज्यादा प्यारे जाणले कांकि वांचे काम बुरे हुते।

यूहन्‍ना 4:10

ईशु ने विनु केहले, “अगर तु नरीकारा चे वरदाना नु जाणीया तां ईं वी जाणीया कि ऊं कूण छै जको तनु किहे ‘मनु पाणी पीला,’ तां तु ओकनु मांगीहा ते ओ तनु जीवन चे पाणी ङिया।”

यूहन्‍ना 4:14

पर जको कुई ओ पाणीया महु पिही जको मैं ओनु ङिही ओह बल्ति कङी तरसेला नी रिही। पर जको पाणी मैं ओनु ङिही ओचे महु हेक स्रोत बणती जई जको अनन्त जीवन तक उमड़ता रिही।”

यूहन्‍ना 8:12

ईशु ने बल्ति लौका नु केहले, “मैं संसारा चे सोज़ले छै। जको माये भांसु टुरी ऊं अन्धारे मां नी टुरी, पर जीवन चे सोज़ले मां टुरी।”

यूहन्‍ना 9:39

बल्ति ईशु ने केहले, “मैं ये दुनिया मां न्यां करने वास्ते आला, कि जको अन्धे छी वे ङेखो ते जको ङेखी वे अन्धे हुती जायो।”

यूहन्‍ना 9:5

जब तक मैं दुनिया मां छै, तब तक मैं दुनिया चे सोज़ले छै।”

प्रेरितां चे काम 10:43

ओची सारे भविष्यवक्‍ता ग़वाही ङी कि जको कुई ओचे उपर विश्‍वास करी, ओनु ओचे नांवा चे जरिये पापा ची माफी मिली।”

प्रेरितां चे काम 13:47

कांकि नरीकारा ने अम्हानु हा आज्ञा ङिली कि, “ ‘मैं तनु नेरीया जातिया चे वास्ते सोज़ले ठहराले, कि तु धरती चे ओड़ा तक उद्धार चे दरवाजे हो।’ ”

प्रेरितां चे काम 15:9

ते नरीकारा ने वांचे विश्‍वास चे जरिये वांचे मन शोद्ध करती कर अम्चे मां ते वांचे मां कुई भेद-भाव कोनी राखला।

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 20:21

बल्ति मैं यहूदिया नु ते यूनानिया नु चिताता रेहला कि नरीकारा सनु मन फिरावा, ते अम्चे प्रभु ईशु मसीह उपर विश्‍वास करा।

प्रेरितां चे काम 20:32

“ते हमा मैं तम्हानु नरीकारा नु, ते ओचे अनुग्रह चे वचना नु सोंपती ङिये पला, जको तम्ची बढ़ोतरी कर सग़ी, ते सारे पवित्र करले गेले लौका मां सहभागी हुती ते विरासत ङे सग़े।

प्रेरितां चे काम 26:19

“ऐवास्ते हे राजा अग्रिप्पा, मैं ओ स्वर्ग़ीय दर्शन ची बात कोनी टाड़ली,

प्रेरितां चे काम 26:23

कि मसीह नु ङोख भोग़णे पड़ी, ते ओही सबकनु पेहले मरला आला महु जीता हुती कर, अम्चे लौका मां ते नेरीया जातिया मां ज्योति चा प्रचार करी।”

प्रेरितां चे काम 3:19

ऐवास्ते मन फिरावा ते हटती आवा कि तम्चे पाप मिटाले जाओ, जाये कनु प्रभु चे सामणे सोख भरी ङिहें आओ।

प्रेरितां चे काम 5:31

ओनु ही नरीकारा ने प्रभु ते उद्धारकर्ता ठहराती कर आपणे सज़्ज़े हाथा लारे ऊंचे करले, कि ओ इस्राएलीया नु मन फिरावणे ची ताकत ते पापा ची माफी दान करो।

रोमियां 8:17

ते अगर ऊलाद्ध छिऊं तां वारिस वी छिऊं, बल्कि नरीकारा चे वारिस ते मसीह चे संगी वारिस छिऊं। जिसे बेले अम्ही ओचे लारे ङोख चऊं तां ओचे लारे महिमा वी गिहुं।

1 कुरिन्थियां 1:2

नरीकारा ची वे कलीसिया चे नांवे लिखली गेली, जको कुरिन्थुस शहरा मां छै, यानि वांचे नांवे जको मसीह ईशु मां पवित्र करले गेले, ते पवित्र हुवणे वास्ते हकारले गेले, ते वां सारा चे नांवे वी जको हर जग़हा अम्चे ते आपणे प्रभु ईशु चे नांवा लारे प्राथना करी।

1 कुरिन्थियां 1:30

पर ओचे ही तरफु तम्ही मसीह ईशु मां छिवा, नरीकारा ने मसीह नु अम्चे वास्ते ज्ञान ठहराला मतलब धार्मिकता ते पवित्रता ते छुटकारा बणती जाओ।

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

2 कुरिन्थियां 6:14

अविश्‍वासीया लारे कुई साझा ना राखजा। कांकि धार्मिकता ते अधर्म चा का मेल-जोल? जा सोज़ले चे ते अन्धारे ची का संगति?

गलातियां 2:20

मैं मसीह चे लारे क्रूसा उपर चढ़ाला गेला, हमा मैं जीता ना रेहला, पर मसीह माये मां जीता छै, मैं शरीरा मां जको हमा जीता छै, तां सेर्फ ओ विश्‍वास लारे जीता छै जको नरीकारा चे पूता उपर छै जेह्णे मनु प्रेम करला, ते आपणे आप नु माये वास्ते ङिती ङिले।

गलातियां 3:14

ईं ऐवास्ते हुले कि अब्राहम ची आशीष मसीह ईशु मां नेरीया जातिया तक पुज़ो, ते अम्ही विश्‍वास लारे आत्मा गिहुं जिसी चा वायदा हुला हुता।

गलातियां 3:2

मैं ब़स तम्हा कनु इतने ही जाणने चाहवें कि का पवित्र आत्मा तम्हानु व्यवस्था चे कामा लारे, जा विश्‍वास लारे मिड़ला,

इफिसियां 1:11

मसीह मां बणले आले जको आपणी इच्छा चे भली समझ चे अनुसार सब कोच्छ करी, ओणे आपणी योजना चे अनुसार अम्हानु पेहले कनु ठहराले कि उत्तरा अधिकारी बणने चा अधिकार मिलो।

इफिसियां 1:14

पवित्र आत्मा ओचे मोल गेहले आला वास्ते छुटकारे चे वास्ते अम्ची वसीयत ची जमानत छै, कि ओचे लारे नरीकारा ची महिमा ची स्तुति हो।

इफिसियां 1:18

मैं ये बाते वास्ते वी प्राथना करे कि तम्चे मना ची आंख सोज़ले मां हो, तम्ही जाणती गिहा कि ओचे हकारने ची किसड़ी आस रिहे, ते नरीकारा चे पवित्र लौका मां ओची वसीयत ची महिमा ची किसड़ी दौलत छै।

इफिसियां 1:7

अम्हानु ओचे मां ओचे लुहींया चे जरिये छुटकारा, यानि पापा ची माफी, ओचे ओ अनुग्रह चे धन चे अनुसार मिड़ला।

इफिसियां 2:8

कांकि तम्ही विश्‍वास करला ते नरीकारा ची दया लारे तम्चा उद्धार हुला। हा तम्चे तरफु कोनी, बल्कि नरीकारा चा दान छै।

इफिसियां 4:18

जको बेकार ची बाता करी वांचे दिमाका उपर अन्धकार छै वांचे मूर्खता ते मना ची कठोरता चे वजह वे नरीकारा कनु मिलणे आले जीवन कनु दूर छी।

इफिसियां 5:11

अन्धकार चे कामा मां वांचा भईवाल ना हो बल्कि वानु चिताती ङिया।

इफिसियां 5:14

कांकि जको ज्योति छै वा सारा नु सोज़ले ङिये, ऐवास्ते ईं केहले गेले, “हे नूहले आले जाग़, ते मुड़दा महु जीता हुती ऊठ, ते मसीह ची ज्योति तम्चे उपर चमकी।”

इफिसियां 5:8

कांकि पेहले तम्ही अन्धारे मां हुती पर हमा प्रभु मां आणे चे बाद तम्ही ज्योति मां आती गेली, ज्योति ची ऊलाद्धी आलीकर चला।

इफिसियां 6:12

कांकि हा अम्चा मल्‍लयोद्ध, लुहीं ते मांस चे लारे कोनी, पर प्रधाना ते अधिकारीया चे लारे, ते ऐ संसार चे अन्धकारा चे हाकिमा लारे ते ओ दुष्टता ची आत्मिक सैना लारे छै जको आसमाना मां छै।

2 तीमुथियुस 2:26

ते ऐचे जरिये ओची इच्छा पुरी करने चे वास्ते सचेत हुती कर शैताना चे फन्दे कनु छुटती जाओ।

इब्रानियां 10:10

नरीकारा ची इच्छा लारे अम्ही ईशु मसीह चे शरीरा चा हेक ही बार बलिदान चढ़ाले जाणे चे जरिये पवित्र करले गेले।

इब्रानियां 10:14

कांकि ओणे हेक ही चढ़ावे लारे वानु जको पवित्र करले जई, सदा वास्ते सेद्ध करती ङिले।

इब्रानियां 11:6

ते बिना विश्‍वास चे नरीकारा नु खौश करने अनहोणे छै, कांकि नरीकारा चे गोढु आणे आले इन्साना वास्ते ईं जरुरी छै ऊं हा विश्‍वास करो कि नरीकार छै ते ईं वी कि ओ वानु प्रतिफल ङिये, जको ओची खोज करी।

इब्रानियां 9:15

ऐवास्ते ओ हेक नवीं वाचा चा बिचोला छै, कि वे मौत चे जरिये जको पेहली वाचा चे समय चे अपराधा कनु छुटकारा गेहणे वास्ते हुली, हकारले आले लौक वायदे चे अनुसार अनन्त विरासत नु गिहो।

याकूब 2:5

हे माये प्यारे भऊ, सुणा, का नरीकारा ने ऐ संसारा चे कंगाला नु कोनी चुणले कि विश्‍वासा मां अमीर ते ओ स्वर्ग़ राज़ चे अधिकारी हो जाया वायदा ओणे वांचे लारे करला जको ओचे लारे प्रेम राखे?

1 पतरस 1:4

यानि हमा तम्चे वास्ते स्वर्ग़ा मां वा विरासत मेहली गेली, जाये तम्ही वारिस छिवा। जको ना तां कङी खत्तम हुवणे आली, ते निर्मल, ते ना ही कङी गलणे आली छै।

1 पतरस 2:25

कांकि तम्ही पेहले भटकलीया आलीया भेङा आलीकर हुते, पर हमा तम्ही आपणे आजड़ी ते आत्मा ची रखवाली करने आले सनु पुठे फिरती आले।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

1 यूहन्‍ना 1:9

अगर अम्ही नरीकारा चे सामणे आपणे पापा नु मनती गिहुं, ते ओ अम्चे पापा नु माफ करने, ते अम्हानु सारे अधर्मा कनु शोद्ध करने मां विश्‍वास लायक छै, कांकि ओ न्यांयी ते धर्मी छै।

1 यूहन्‍ना 2:12

हे ब़ाले, मैं तम्हानु ऐवास्ते लिखे पला कि ईशु मसीह चे नांवा लारे तम्चे पाप माफ हुले।

1 यूहन्‍ना 3:8

जको कुई पाप करे ऊं शैताना ची ओर कनु छै, कांकि शैतान शुरु कनु पाप करता आला। नरीकारा चा पूत ऐवास्ते प्रकट हुला कि शैताना चे कामा नु नाश करो।

1 यूहन्‍ना 5:19

अम्ही हा जाणु कि, अम्ही नरीकारा चे छिऊं, ते सारा संसार ओ शैताना चे बसा मां छै।

यहूदा 1:1

हा चिठ्ठी यहूदा चे तरफु जको ईशु मसीह चा दास ते याकूब चा भऊ छै, वां हकारले आला चे नांवे लिखली गेली, जको नरीकार ब़ा चे प्यारे ते ईशु मसीह चे वास्ते सम्भालती कर राखले गेले।

प्रकाशितवाक्य 21:27

पर ओचे मां कुई अपवित्र चीज जा गन्दे काम करने आला, जा कूड़ घड़ने आला, कुई रीति लारे जा ना सग़ी, पर सेर्फ वे लौक जाई नांवे मैमणे ची जीवन ची किताबे मां लिखली आली छी।