प्रेरितां चे काम 26:10 - ओङ राजपूत

¹⁰ ते बल्ति मैं यरुशलेम मां इसड़े ही करले, ते प्रधान याजका कनु अधिकार गेहती कर घणे सारे नरीकारा चे विश्‍वासी लौका नु कैदखाने मां नाखले, जिसे बेले वानु मारती नाखते ते ये कामा मां माया वी हाथ रेहता।

प्रेरितां चे काम 26:10 ပူးပေါင်းရင်းမြစ်များ

प्रेरितां चे काम 7:58

ते ओनु वे शहरा चे ब़ाहर काढ़ती कर ओचे उपर पत्थराव करु लाग़ले। ग़वाह ने आपणे खेस चादरा शाऊल नांवा चे हेक जवाना चे पग़्ग़ा चे गोढु उतारती कर मेहलती ङिले।

प्रेरितां चे काम 8:1

ओही ङिओ यरुशलेम ची कलीसिया उपर बङा सताव हुं लाग़ती गेला, ते प्रेरितां नु छोड़ती कर सारे चे सारे जणे यहूदिया ते सामरिया देशा मां खिंडती-पुंडती गेले।

प्रेरितां चे काम 8:3

पर शाऊल कलीसिया नु उज़ाड़े पलता, ते घरे-घरे घिरती कर मर्दा ते असतरीया नु घींसती-घींसती कर कैदखाने मां नाखती ङिता।

प्रेरितां चे काम 9:21

ते सारे सुणने आले हैरान हुती कर किहुं लाग़ले, “का हा ओही शक्स कोनी जको यरुशलेम मां वानु जको ईं नां गेहते नाश करता, ते इठे वी ऐवास्ते आला हुता, कि वानु ब़ांहती कर प्रधान याजका गोढु गेहती जाओ?”

प्रेरितां चे काम 9:26

यरुशलेम मां पुज़ती कर ओणे चैला लारे मिलणे चा उपा करला, पर सारे ओकनु ङरते, कांकि वानु विश्‍वास ना हुता, कि ओ वी चैला छै।

प्रेरितां चे काम 9:32

बल्ति यूं हुले कि पतरस हर जग़हा फिरता हुला, प्रभु चे वां पवित्र लौका चे गोढु वी पुज़ला, जको लुद्दा मां रेहते।

प्रेरितां चे काम 9:41

ओणे हाथ ङिती कर विनु उठाणले ते प्रभु चे लौका नु ते बांढीया नु हकारती कर विनु जीती जाग़ती ङिखाणती ङिले।

1 कुरिन्थियां 15:9

कांकि मैं प्रेरितां महु सबकनु छोटा छै, बल्कि प्रेरित किहवाणे चे वी काबिल कोनी, कांकि मैं नरीकारा ची कलीसिया नु सताले हुते।

गलातियां 1:13

यहूदिया चे पन्था मां जको माया पेहले चाल-चलन हुता ओचे बारे तम्ही सुणती चुकले छिवा कि मैं नरीकारा ची कलीसिया नु ब़ोहत ही सताता ते नाश करता।

इफिसियां 1:1

पौलुस चे तरफु जको नरीकारा ची इच्छा लारे ईशु मसीह चा प्रेरित छै, वां पवित्र ते मसीह ईशु मां विश्‍वासी लौका चे नांवे जको इफिसुस शहरा मां छी।

प्रकाशितवाक्य 17:6

ते मैं वे असतरी नु पवित्र लौका चे लुहीं ते ईशु उपर विश्‍वास करने आला लौका चे लुहीं पीती कर मतवाली हुली फिरेली, ते मैं विनु ङेखती कर हैरान हुती गेला।