प्रेरितां चे काम 24:25 - ओङ राजपूत

²⁵ जिसे बेले पौलुस धार्मिकता, ते संयम ते आणे आले न्यां चे बारे ची चर्चा करे पलता, तां फेलिक्स ने ङरती कर पौलुस नु उत्तर ङिला, “हमा तां जा, मौका ङेखती कर, मैं तनु बल्ति हकरवावी।”

प्रेरितां चे काम 24:25 ပူးပေါင်းရင်းမြစ်များ

मत्ती 22:5

पर वे उम्मीद करती कर टुरती पले, कुई आपणे खेता नु, कुई आपणे व्यपारा नु।

यूहन्‍ना 16:8

ओह आती संसारा नु पाप ते धार्मिकता ते न्यां चे बारे मां लाजवाब करी।

प्रेरितां चे काम 10:42

“ते ओणे अम्हानु आज्ञा ङिली कि लौका मां प्रचार करा ते ग़वाही ङिया, कि हा ओही छै जानु खौद्द नरीकारा ने जीता चा ते मरले आला चा न्यां करने आला ठहराला।

प्रेरितां चे काम 17:13

पर जिसे बेले थिस्सलुनिके शहरा चे यहूदिया नु पता लाग़ला कि पौलुस बिरीया मां वी नरीकारा चे वचना चा प्रचार करे पला, ते ओठे वी जती कर लौका नु भड़काऊ ते हलचल मचाऊं लाग़ले।

प्रेरितां चे काम 17:2

ते पौलुस आपणी रीति चे अनुसार वांचे गोढु गेला, ते तीन सब्त चे ङिहां मां, पवित्रशास्त्र चे मुताबिक वांचे लारे बहस-बाजी करता रेहला।

प्रेरितां चे काम 17:32

मरला आला महु जीते हुवणे ची बात सुणती कर कोच्छ लौक तां ओचे उपर मजाक करु लाग़ती गेले, पर नेरे कईयां ने केहले कि, “यां बाता चे बारे मां अम्ही बल्ति कङी दुधे कनु होर ज्यादा सुणु।”

प्रेरितां चे काम 2:37

बल्ति सुणने आला चे मना नु ठेस लाग़ली, ते वे पतरस ते नेरा प्रेरितां कनु पूछु लाग़ले कि, “हे भऊ, अम्ही का करु?”

प्रेरितां चे काम 24:15

ते मैं नरीकारा उपर आस राखे, जको ये आप वी राखी, कि धर्मी ते अधर्मी ङुंहु चा पुनरुत्थान हुवी।

प्रेरितां चे काम 24:26

फेलिक्स नु पौलुस कनु कोच्छ धन मिलणे ची वी आस हुती ते येही आस मां ओ पौलुस नु बातचीत चे बारे मां बार-बार आपणे गोढु हकरवाता।

प्रेरितां चे काम 26:28

ये बाते उपर अग्रिप्पा ने केहले कि, “का तु थोड़ी जा शिक्षा ङिती कर मनु मसीह बणावणे चाहवी?”

प्रेरितां चे काम 9:6

पर हमा ऊठती कर शहरा मां जा, ते जको तनु करने छै, ऊं तनु केहले जई।”

रोमियां 12:1

ऐवास्ते हे माये भऊ, मैं तम्हानु नरीकारा ची दया याद ङिवाती कर बिनती करे पला कि, आपणे शरीरा नु जीते, ते पवित्र, ते नरीकारा नु भाता हुला बलिदान करती कर चढ़ावा, हाओ तम्ची आत्मिक सेवा छै।

रोमियां 14:12

ते बल्ति, अम्चे महु हर-हेक नरीकारा नु आपणा-आपणा लेखा जोखा ङिही।

रोमियां 2:16

ईं सब ओ ङिओ स्पष्ट हुती जई, जिसे ङिओ नरीकार सुसमाचार चे अनुसार जको मैं सुणावे, ईशु मसीह चे जरिये इन्साना ची गुप्त बाता चा न्यां करी।

1 कुरिन्थियां 4:5

ऐवास्ते जब तक प्रभु ना आती जाओ, समय कनु पेहले कुई बाते चा न्यां ना करा, वे ही तां अन्धकार चीया लुकलीया बाता छी, जको सोज़ले मां ङिखाणी, ते मना चे मकसद प्रकट करी। तब नरीकारा चे तरफु हर-हेक ची बढ़ाई हुवी।

2 कुरिन्थियां 5:10

कांकि जरुरी छै कि, अम्चे सारा चा हाल मसीह चे न्यां आसण चे सामणे खुलती जाओ, कि हर हेक इन्सान आपणे आपणे बुरे-भले कामा चा बदला जको ओणे आपणे शरीरा चे अनुसार करले ओ भोग़ो।

2 कुरिन्थियां 6:2

कांकि नरीकार तां किहे, “मैं ठीक समय उपर दुधी सुणती गेहली, ते उद्धार चे ङिओ मैं दुधी सहायता करली।” ङेखा! हमा ठीक समय हाओ छै। ते नरीकारा कनु उद्धार गेहणे चा ङिओ वी हाओ छै।

गलातियां 3:22

पर पवित्रशास्त्र मां लिखले आले छै कि हा पूरा संसार पाप चा गुलाम छै जिंवे ओ वायदा जको विश्‍वास लारे ईशु मसीह मां छै, नरीकारा मां सेर्फ विश्‍वास करने आला नु ङिये।

गलातियां 5:23

नरमाई ते संयम छी, इसड़े-इसड़े कामा चे विरोध मां कुई वी व्यवस्था कोनी।

2 तीमुथियुस 4:1

नरीकारा नु ते मसीह ईशु नु आपणा ग़वाह करती कर, जको जीता ते मरला आला चा न्यां करी, कांकि ईशु चे पुठे आणे ते ओचा राज़ गोढु छै, मैं तनु हा आज्ञा ङिये पला।

तीतुस 1:8

पर मेहमानी करने आला, भलाई नु चाहणे आला, संयमी, न्यांयी, पवित्र ते आपणे शरीरा चे अंगा नु बसा मां करने आला हो।

इब्रानियां 12:21

ते ओ दर्शन इसड़ा ङरावणा हुता कि मूसे ने केहले, “मैं ब़ोहत ङरे ते कांपे पला।”

इब्रानियां 3:13

पर जब तक ओ ङिओ, जानु “आज़” केहला जाये, अम्चे सामणे छै, हर हेक ङिओ हेके ङुजे ची हिम्मत ब़न्धाते रिहा, इसड़े ना हो कि तम्चे महु कुई वी पाप चे छल मां कठोर बणती जाओ।

इब्रानियां 4:1

ऐवास्ते जबकि ओचे विश्राम मां जाणे ची प्रतिज्ञा हमा तक छै, तां अम्हानु ङरणे चाही छै इसड़े ना हो कि तम्चे महु कुई जणे ओचे कनु रेहती ना जाओ।

इब्रानियां 6:2

ते बपतिस्मे ची शिक्षा, ठोङा उपर हाथ मेहलणे, मरले आला चे जीते हुवणे ते आखरी न्यां ची शिक्षा, जा शुरुआती शिक्षा ची नीम दोबारा नी नाखणी चाही छै।

इब्रानियां 9:27

ते जिंवे इन्साना वास्ते हेक वारी मरणे ते ओचे बाद न्यां चे हुवणे तय छै,

याकूब 2:19

तनु विश्‍वास छै कि हेक ही नरीकार छै। तु आच्छे करी। दुष्टात्मा वी विश्‍वास राखी, ते कांपतीया रिही।

1 पतरस 3:15

पर मसीह नु प्रभु जाणती कर आपणे आपणे मना मां पवित्र समझा, ते जको कुई तम्हा कनु तम्ची आस चे बारे मां कहीं पूछे ते ओनु उत्तर ङेणे चे वास्ते हमेशा तियार रिहा, पर नरमाई ते ङर चे लारे।

2 पतरस 1:6

ते समझ उपर संयम ते संयम उपर धीरज ते धीरज उपर भग़ती।

1 यूहन्‍ना 3:10

ऐचे कनु नरीकारा ची ऊलाद्ध ते शैताना ची ऊलाद्ध जाणली जाये, जको कुई धर्म चे काम ना करी ऊं नरीकारा कनु कोनी, ते ना ऊं जको आपणे भावां ते ब़ेहणीया लारे प्रेम ना राखी।

1 यूहन्‍ना 3:7

हे ब़ाले, काये भरमाणे मां ना आजा। जको धर्म चे काम करे, ऊंही ओचे समान धर्मी छै। बेलकोल इसड़ा ही जिसड़ा ईशु मसीह धर्मी छै।