प्रेरितां चे काम 24:16 - ओङ राजपूत

¹⁶ ऐचे कनु मैं आप वी जत्तन करे पला कि नरीकारा ची, ते इन्साना ची तरफ माया विवेक सदा निर्दोष रिहो।

प्रेरितां चे काम 24:16 ပူးပေါင်းရင်းမြစ်များ

प्रेरितां चे काम 23:1

पौलुस ने महासभा सनु ध्यानारीत ङेखती कर केहले कि, “हे माई भऊ, मैं आज़ तक नरीकारा चे वास्ते बेलकोल इमानदारी लारे जीवन बिताला।”

रोमियां 2:15

वे आपणे कामा लारे व्यवस्था चा बाता आपणे आपणे दिला उपर लिखलीया हुलीया ङिखाणी, ते वांचे विवेक वी ग़वाही ङी, ते वांचे विचार कङी दोष लावे ते कङी वानु बेकसूर ठहरावे।

रोमियां 9:1

मैं मसीह मां सच्‍च किहे, कूड़ ना मारी, ते माया विवेक वी पवित्र आत्मा मां ग़वाही ङिये,

1 कुरिन्थियां 10:32

तम्ही ना यहूदिया वास्ते, ना नेरीया जातिया ते ना नरीकारा ची कलीसिया वास्ते ठोकर ची वजह बणा।

1 कुरिन्थियां 4:4

कांकि माये मन मनु कुई बाते मां दोषी ना ठहरावी, पर ऐचे कनु मैं निर्दोष ना ठहर सग़ी, कांकि माया परखणे आला प्रभु छै।

2 कुरिन्थियां 1:12

कांकि अम्ही आपणे विवेक ची, ये ग़वाही उपर घमण्ड करु, कि दुनिया मां ते खास करती तम्चे बीच मां, अम्चा व्यवहार नरीकारा चे जरिये ङिली गेली पवित्रता ते सच्‍चाई सहित रेहला, जको संसारिक ज्ञान चा कोनी, पर हेको नरीकारा चे अनुग्रह चा नतीजा हुता।

2 कुरिन्थियां 4:2

पर अम्ही लज़्ज़ा चे गुप्त कामा नु त्याग़ती ङिले, ते ना ही चतराई लारे टुरु, ते ना ही नरीकारा चे वचना मां मिलावट करु, पर सच्‍चाई नु उजागर करु, नरीकारा चे सामणे हर हेक इन्सान चे विवेक मां आपणी भलाई ब़िसाणु।

1 थिस्सलुनीकियां 2:10

तम्ही यां बाता चे आप ही खौद्द ग़वाह छिवा, ते नरीकार वी, कि तम्चे बीच मां जको विश्‍वास राखा अम्ही किसङे पवित्र ते धार्मिक ते बेकसूर रेहले।

1 तीमुथियुस 1:19

ते विश्‍वास ते ओचे आच्छे विवेक नु पकड़ली राख, ते कोच्छ बन्दी इसड़ी छी जाणे आच्छी समझ नु छोड़ती ङिले ते वांचा विश्‍वास खत्तम हुती गेला।

1 तीमुथियुस 1:5

आज्ञा चा निचोड़ हा छै, कि शोद्ध मन ते आच्छा विवेक, ते बिना कप्पट करले विश्‍वास लारे प्रेम पैदा हुला हो।

1 तीमुथियुस 3:9

पर याहनु तां नरीकारा लारे प्रकट हुले विश्‍वास चे भेद नु शोद्ध विवेक लारे सम्भालती राखा।

2 तीमुथियुस 1:3

जिसे नरीकारा ची सेवा मैं आपणे ङाङा-ब़ा ची रीति उपर शोद्ध विवेक लारे करे पला, ओचा धन्यवाद हो कि आपणी प्राथना मां तनु लगातार याद करता रिहे।

तीतुस 1:15

शोद्ध लौका वास्ते सारीया बाता शोद्ध छी, पर अशुद्ध ते अविश्‍वास वास्ते कोच्छ वी शोद्ध कोनी, बल्कि वांचा दिमाक ते विवेक ङोनी अशुद्ध छी।

इब्रानियां 10:22

तां आवा, अम्ही सच्‍चे मना लारे, ते पुरे विश्‍वासा लारे, ते विवेक चा दोष दूर करने वास्ते दिला उपर मसीह चे लुहींया चा छिड़काव गेहती कर, ते शरीरा नु शोद्ध पाणीया लारे धुवाती कर, नरीकारा चे गोढु जऊं।

इब्रानियां 13:18

अम्चे वास्ते लगातार प्राथना करते रिहा कांकि अम्हानु भरोसा छै कि अम्चा विवेक शोद्ध छै, ते अम्ही सारीया बाता मां आच्छी चाल चलणे चाहु।

इब्रानियां 9:14

तां मसीह चे लुहीं, जेह्णे आपणे आप नु अनन्त आत्मा चे जरिये खौद्द नु नरीकारा चे सामणे निर्दोष बलि चे रूपा मां भेंट करती ङिले, जीते नरीकारा ची सेवा वास्ते तम्चे विवेक नु मरले आले कामा कनु शोद्ध किवें नी करी?

1 पतरस 2:19

कांकि अगर कुई नरीकारा चे प्रति सचेत रेहते हुले अन्याय चे ङोख भोग़ते हुले क्लेश सहन करे, तां ऊं प्रशंसा चे काम छै।

1 पतरस 3:16

ते आपणे विवेक नु वी शोद्ध राखा, ऐवास्ते कि जिसीया बाता चे बारे मां वे जको मसीह मां तम्चे आच्छे चाल-चलन चा अपमान करी, शर्मसार हो।

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।