प्रेरितां चे काम 24:10 - ओङ राजपूत

¹⁰ जिसे बेले फेलिक्स राज्यपाल ने पौलुस नु ब़ोलणे चा इशारा करला, ते पौलुस ने उत्तर मां केहले कि, “मैं हा जाणती कर कि तु ब़ोहत साला कनु ऐ जाति चा न्यां करता आला, ऐवास्ते मैं खुशी लारे आपणे बचाव चे वास्ते ये बाता दुधे सामणे पेश करे पला।

प्रेरितां चे काम 24:10 ပူးပေါင်းရင်းမြစ်များ

लूका 12:11

“जिसे बेले लौक तम्हानु प्राथनाघरा ते हाकिमा ते अधिकारीया चे सामणे गेहती जाये, तां चिन्ता ना करजा कि अम्ही केस रीति लारे, जा का उत्तर ङिऊं, जा का किहुं।

लूका 12:14

ओणे ओनु केहले, “ऐ बन्दे, केहणे मनु तम्चा न्यांयी जा जायजात बाटणे आला बणाले?”

लूका 18:2

“कुई शहरा मां हेक न्यांयी रेहता, जको ना नरीकारा कनु ङरता, ते ना कुई बन्दे ची परवाह करता।

प्रेरितां चे काम 12:17

बल्ति ओणे वानु हाथा लारे इशारा करला कि चोप रिहा, ते वानु बावड़ले कि, “प्रभु केस रीति लारे मनु कैदखाने महु काढ़ती आणले।” बल्ति केहले, “याकूब ते भावां नु हा बात केहती ङिजा।” बल्ति निकलती कर ङुजी जग़हा चाह्‍ला गेला।

प्रेरितां चे काम 13:16

बल्ति पौलुस ने भिले रेहती कर ते हाथा लारे इशारा करते हुले। केहले कि, “हे इस्राएली, ते नरीकारा कनु ङरणे आले, सुणा।

प्रेरितां चे काम 18:15

पर हा वाद-विवाद शब्दा, ते नांवा, ते तम्ची इठे ची व्यवस्था चे बारे मां छै तां, तम्ही ही जाणा, कांकि मैं यां बाता चा न्यांयी ना बणने चाहवी।”

प्रेरितां चे काम 19:33

बल्ति वाणे सिकन्दर नु, जानु यहूदिया ने खड़े करले हुते, भीड़ महु आग़ु बढ़ाले, ते सिकन्दर हाथा चे इशारे लारे बन्दा चे सामणे हा उत्तर ङेणे चाहवे ला।

प्रेरितां चे काम 21:40

जिसे बेले सैनापति ने पौलुस नु आज्ञा ङिली, ते पौलुस पोड़ीया उपर भिले रेहती कर लौका नु हाथा लारे इशारा ङिला। जिसे बेले वे चोप हुती गेले, तां ओ इब्रानी ब़ोली मां ब़ोलु लाग़ला।

प्रेरितां चे काम 23:24

ते पौलुस ची सवारी वास्ते घोड़े तियार राखा कि फेलिक्स राज्यपाल चे गोढु पौलुस नु सही सलामत पुचाती ङिऊं।”

प्रेरितां चे काम 26:1

अग्रिप्पा ने पौलुस नु केहले कि, “तनु आपणे बारे मां केहणे ची अनुमति छै।” तब पौलुस ने हाथ ऊंचा करती कर आपणे बचाव चे बारे मां किहुं लाग़ला,

1 पतरस 3:15

पर मसीह नु प्रभु जाणती कर आपणे आपणे मना मां पवित्र समझा, ते जको कुई तम्हा कनु तम्ची आस चे बारे मां कहीं पूछे ते ओनु उत्तर ङेणे चे वास्ते हमेशा तियार रिहा, पर नरमाई ते ङर चे लारे।