प्रेरितां चे काम 23:35 - ओङ राजपूत

³⁵ जिसे बेले ओनु पता लाग़ला कि हा किलिकिया प्रदेस चा छै, ते राज्यपाल ने पौलुस नु केहले कि, “दुधे उपर अरोप लावणे आले जिसे बेले इठे पुज़ती जाये मैं दुधी सुणवाई पिछे करी।” ते बल्ति ओणे पौलुस नु हेरोदेस चे किले मां, पाहरे मां राखणे ची आज्ञा ङिली।

प्रेरितां चे काम 23:35 ပူးပေါင်းရင်းမြစ်များ

मत्ती 2:1

हेरोदेस राजे चे ङिहां मां जिसे बेले यहूदिया चे बैतलहम मां ईशु चा जनम हुला तां पूरब कनु कई ज्योतिषी लौक यरुशलेम मां आती कर पूछु लाग़ले,

मत्ती 2:16

हेरोदेस ने जिसे बेले ईं ङेखले कि ज्योतिषिया ने माये लारे धोक्‍का करला, ओनु गुस्सा आला, ते लौका नु भेज़ती कर, ज्योतिषिया चे केहले आले समय चे अनुसार, बैतलहम ते ओचे आस-पास ची जग़हा चे सारे छोरा नु जको ङुंहु साला ची जा वाकनु छोटी हुती मरवाती नाखले।

मत्ती 2:3

ईं सुणती कर हेरोदेस राजा ते ओचे लारे यरुशलेम चे सारे लौक घब़राती गेले।

मत्ती 27:27

तब राज्यपाल चे सिपाही ईशु नु किले मां गेहती गेले सारी पलटन ओचे चारो-तरफ भेली करली,

यूहन्‍ना 18:28

बल्ति यहूदी नेता ईशु नु काइफा चे गोढु किले सनु गेहती गेले, ते सवेले चा समय हुता, पर वे आप किले चे भीतर कोनी गेले कि अशुद्ध ना हुं पर फसह चा तेंहवार खा सग़ु।

प्रेरितां चे काम 23:30

जिसे बेले मनु ये बाते चा सनेसा मिड़ला कि यहूदी ऐका करती कर ऐनू मारणे आले छी, तां मैं ऐनू तुरन्त दुधे कनु भेज़ती ङिले। मैं आरोपीया नु वी हा आदेश ङिती ङिला कि ऐचे विरोध जको अरोप लाग़ले वे दुधे सामणे साबित करो।”

प्रेरितां चे काम 24:1

पाँचा ङिहां चे बाद हनन्याह महायाजक, कई बङका नु ते तिरतुल्‍लुस नांवा चे वकीला नु लारे गेहती कर आला, वाणे राज्यपाल चे सामणे पौलुस चे उपर अरोप पेश करले।

प्रेरितां चे काम 24:10

जिसे बेले फेलिक्स राज्यपाल ने पौलुस नु ब़ोलणे चा इशारा करला, ते पौलुस ने उत्तर मां केहले कि, “मैं हा जाणती कर कि तु ब़ोहत साला कनु ऐ जाति चा न्यां करता आला, ऐवास्ते मैं खुशी लारे आपणे बचाव चे वास्ते ये बाता दुधे सामणे पेश करे पला।

प्रेरितां चे काम 24:19

हां एशिया प्रदेस चे कोच्छ यहूदी ओठे मौजुद हुते। वांचे इठे दुधे सामणे हुवणे ठीक हुते कि, अगर माये विरोध मां वांची कुई बात हुवीया तां वे इठे आती कर दुधे सामणे माये उपर दोष लावी हा।

प्रेरितां चे काम 24:22

फेलिक्स राज्यपाल जको ईशु चे पंथ चे बारे पुरी तरह जाणता, वानु ईं केहती कर टालती छोड़ले कि, “जिसे बेले सैनापति लूसियास आवी, ओ बेले मैं तम्चीया बाता चा फैंसला करी।”

प्रेरितां चे काम 24:23

बल्ति ओणे सूबेदारा नु हा आज्ञा ङिली, पौलुस नु भीतर कैदखाने मां तां राखले जाओ, पर ओचे दोस्त आती कर ओची सेवा कर सग़ो इतनी तां ओनु छूट छै।

प्रेरितां चे काम 25:16

पर मैं वानु केहले, ‘रोमियां मां इसड़ी रिति-रिवाज कोनी कि कुई बन्दे नु सजा ङेणे चे वास्ते सोंपती ङियो, जब तक आरोपीया नु दोष लावणे आले चे आमणे-सामणे भिले रेहती कर, ओ दोष जको ओचे उपर लाग़ला गेला ओचा उत्तर ङेणे चा मौका ना मिलो।’