प्रेरितां चे काम 23:12 - ओङ राजपूत

¹² जिसे बेले ङिओ हुला, तां कोच्छ यहूदिया ने ऐका करती गेला, ते कसम खाली कि, “जब तक अम्ही पौलुस नु मारती ना नाखु बल्ति तक अम्ही कहीं खऊं-पिऊं नी।”

प्रेरितां चे काम 23:12 ပူးပေါင်းရင်းမြစ်များ

मत्ती 26:4

ते आपस मां विचार करु लाग़ले कि ईशु नु धोक्‍के लारे पकड़ती कर मारती नाखु।

मत्ती 26:74

तब ओ कोसणे ते कसम खऊं लाग़ला, “मैं ओ इन्साना नु ना जाणी।” ते तुरन्त कूकड़े ने बांग ङिली।

मत्ती 27:25

सब लौका ने उत्तर ङिला, “ऐचे लुहीं अम्चे उपर ते अम्ची ऊलाद्धी उपर हो!”

प्रेरितां चे काम 23:13

जाणे कसम खाली हुती वे कम से कम चालीस जणा कनु वी ज्यादा शामिल हुती गेले।

प्रेरितां चे काम 23:14

वाणे प्रधान याजका कनु ते बङका कनु जती कर केहले कि, “अम्ही हा ठानती गेले कि जब तक अम्ही पौलुस नु मारती ना नाखु ओ बेले तक अम्ही कहीं वी नी खऊं-पिऊं।

प्रेरितां चे काम 23:21

पर तु वांची ना मनीयो पला, कांकि वांचे महु चालीस कनु ज्यादा बन्दी पौलुस नु मारणे चे वास्ते तियार छी, वाणे हा ठानती गेले कि जब तक पौलुस नु वे मारती नी नाखे बल्ति तक वे ना कहीं खाये, ते ना ही कहीं पीयें, ते हमा वे तियार छी ते दुधे फैंसले चा इन्तजार करी पले।”

प्रेरितां चे काम 23:30

जिसे बेले मनु ये बाते चा सनेसा मिड़ला कि यहूदी ऐका करती कर ऐनू मारणे आले छी, तां मैं ऐनू तुरन्त दुधे कनु भेज़ती ङिले। मैं आरोपीया नु वी हा आदेश ङिती ङिला कि ऐचे विरोध जको अरोप लाग़ले वे दुधे सामणे साबित करो।”

प्रेरितां चे काम 25:3

वांची योजना हा हुती कि अम्चा पक्ष गेहती कर पौलुस नु यरुशलेम सनु भेज़ती ङे, कांकि वे मार्ग़ मां ही पौलुस नु मारणे ची घात मां हुते।

प्रेरितां चे काम 9:23

जिसे बेले घणी ङिहें गुजरती गेली, तां यहूदिया ने मिलती कर ओची मारती नाखणे ची जुग़त काढ़ली।

प्रेरितां चे काम 9:24

पर वांची जुग़त शाऊल नु पता लाग़ती गेला। वे तां ओनु मारती नाखणे वास्ते रात-ङिओ फाटका उपर घात मां लाग़ले रेहते।

1 कुरिन्थियां 16:22

अगर कुई प्रभु लारे प्रेम ना राखो तां ऊं श्रापित हो। अम्चा प्रभु आणे आला छै।

2 कुरिन्थियां 11:26

मैं बार-बार सफरा मां, नदीया चे जोखिमा मां, ङाकुवा चे जोखिमा मां, आपणी जाति ची वजह कनु जोखिमा मां, नेरीया जातिया ची वजह कनु जोखिमा मां, शहरा मां रेहणे आला ची वजह कनु, खतरनाक ब्याबान मां, भयानक समुन्दरा चे जोखिमा मां, कूड़े भावां चे बीच मां खतरनाक स्थिति मां रेहला।

गलातियां 3:13

मसीह अम्चे वास्ते श्रापित बणला, अम्हानु मोल गेहती व्यवस्था चे श्राप कनु छुड़ाले, कांकि लिखले पले, “जको कुई काठ चे उपर लटकाले जाये ओ श्रापित छै।”

1 थिस्सलुनीकियां 2:16

ते वे नेरीया जातिया नु वांचे उद्धार वास्ते बाता करने कनु अम्हानु रोकी, नतीजा हा छै, कि वे सदा आपणे पापा चे ठां भरते रिही, पर अन्त मां तां नरीकारा चा भयानक गुस्सा वांचे उपर आती पुज़ला।