प्रेरितां चे काम 23:10 - ओङ राजपूत

¹⁰ जिसे बेले ओठे घणा झग़ड़ा हुं लाग़ला, सैनापति ऐ ङरा कनु कि बन्दी पौलुस चे टुकड़े-टुकड़े ना करती नाखो, सैनापति ने आपणी सैना नु हा आज्ञा ङिली कि, तले उतरती कर पौलुस नु वांची आधी महु जबरदस्ती काढ़ती कर छावणी मां गेहती जावा।

प्रेरितां चे काम 23:10 ပူးပေါင်းရင်းမြစ်များ

प्रेरितां चे काम 21:37

जिसे बेले वे पौलुस नु छावणी मां गेहती जाणे आले हुते, पौलुस ने सैनापति नु केहले कि, “का मैं तनु कोच्छ केह सग़े?” सैनापति हैरान हुती कर ओकनु पूछले, “का तु यूनानी भाषा जाणी?

प्रेरितां चे काम 22:24

ते सैनापति ने केहले कि, “ऐनू किले मां गेहती जावा ते कोड़े मारती कर हा पता काढ़ा, कि मैं जाण सग़े कि के वास्ते लौक ऐचे विरोध मां रौल मचावी पले।”

प्रेरितां चे काम 23:16

पर पौलुस चे भाणजे ने ये मारती नाखणे ची बाते चे बारे मां सुणती गेले, ते छावणी मां जती कर पौलुस नु ये बाते चा सनेसा ङिती ङिला।

प्रेरितां चे काम 23:27

ऐ बन्दे नु यहूदिया ने पकड़ती कर मारती नाखणा चाह्‍ले, जिसे बेले मनु ये बाते चा पता लाग़ला कि ईं हेक रोमी बन्दे छै। ते मैं आपणी सैना लारे जती कर ऐनू छुड़ाती आला।

प्रेरितां चे काम 23:28

मैं जाणता कि वे ओचे उपर किसी वजह लारे दोष लावी, ऐवास्ते ओनु महासभा मां गेहती गेला।

प्रेरितां चे काम 23:32

ङुजे ङिओ घुड़सवार नु पौलुस चे लारे भेज़ती कर, वे सैनिक आप छावणी सनु पुठे आती आले।

प्रेरितां चे काम 24:7

पर सैनापति लूसियास ने जबरदस्ती दखल अंदाजी करती कर ऐनू अम्चे हाथा कनु खोसती गेले।

2 कुरिन्थियां 11:26

मैं बार-बार सफरा मां, नदीया चे जोखिमा मां, ङाकुवा चे जोखिमा मां, आपणी जाति ची वजह कनु जोखिमा मां, नेरीया जातिया ची वजह कनु जोखिमा मां, शहरा मां रेहणे आला ची वजह कनु, खतरनाक ब्याबान मां, भयानक समुन्दरा चे जोखिमा मां, कूड़े भावां चे बीच मां खतरनाक स्थिति मां रेहला।

याकूब 1:19

हे माये प्यारे भऊ, हा बात तम्ही जाणती गिहा। हर हेक बन्दे सुणने वास्ते तियार, ते ब़ोलणे वास्ते मठे, ते क्रोधा मां मधम हो,

याकूब 3:14

अगर तम्ही आपणे आपणे मना मां कड़वी ईर्ष्या ते विरोध राखा, ते सच्‍चाई चे विरोध मां घमण्ड ना करजा, ते ना ही कूड़ मारजा।