प्रेरितां चे काम 22:8 - ओङ राजपूत

⁸ “मैं उत्तर ङिला, ‘हे प्रभु, तु कूण छी?’ “ओणे केहले, ‘मैं ईशु नासरी छै, जानु तु सतावी पला।’

प्रेरितां चे काम 22:8 ပူးပေါင်းရင်းမြစ်များ

मत्ती 2:23

ओठे नासरत नांवा चे शहरा मां जती बसला, ताकि ओ वचन पूरा हो, जको भविष्यवक्‍ता चे जरिये केहला गेलता, “ओ नासरी किहवावी।”

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

मत्ती 25:45

“बल्ति मैं वानु उत्तर ङिही, ‘मैं तम्हानु सच्‍च किहे पला कि तम्ही यां छोटे महु छोटे कुई हेके लारे कोनी करले, ऊं माये लारे वी कोनी करले।’

प्रेरितां चे काम 10:14

पर पतरस ने केहले, “ना प्रभु, कङी ना, कांकि मैं कङी कुई अपवित्र जा अशुद्ध चीज कोनी खाली।”

प्रेरितां चे काम 22:7

ते मैं भोंये उपर ढेती पला, ते हा अवाज सुणली, ‘हे शाऊल, हे शाऊल, तु मनु कां सतावी पला?’

प्रेरितां चे काम 26:9

“मैं वी समझले हुते कि ईशु नासरी चे नांवा चे विरोध मां मनु ब़ोहत कोच्छ करने चाही छै।

प्रेरितां चे काम 3:6

बल्ति पतरस ने केहले, “चान्दी ते सोने माये कनु छै कोनी, पर जको माये कनु छै ऊं मैं तनु ङिये पला। ईशु मसीह नासरी चे नांवा कनु टोर-फेर।”

प्रेरितां चे काम 4:10

तां तम्ही सारे इस्राएली लौक जाणती गिहा कि ईशु मसीह नासरी चे नांवा लारे जानु तम्ही क्रूसा उपर चढ़ाले, ते नरीकारा ने मरले आला महु जिवाले, ईं बन्दे तम्चे सामणे भले चंगे भिले ले।

प्रेरितां चे काम 6:14

कांकि अम्ही ओनु ईं केहते हुले सुणले, कि हाओ ईशु नासरी ऐ मन्दरा नु ढाती नाखी ते वां रीता नु बदलती नाखी जको मूसा ने अम्हानु ङिलीया।”

1 कुरिन्थियां 12:12

कांकि जिंवे करती शरीर तां हेक छै ते ओचे अंग घणे सारे छी, ते ओ हेक शरीरा चे सारे अंग ब़ोहत हुवणे पर वी सब मिलती कर हेक शरीर छै, यूं करती मसीह वी छै।