प्रेरितां चे काम 22:16 - ओङ राजपूत

¹⁶ हमा कां देर करी पला? खड़ा हो, बपतिस्मा गे, ते ओचा नाम गेहती कर आपणे पापा नु धोती नाख।’

प्रेरितां चे काम 22:16 ပူးပေါင်းရင်းမြစ်များ

यूहन्‍ना 13:8

पतरस ने ओनु केहले, “तु माये पग़्ग़ कङी वी नी धो सग़े।” ईं सुणती ईशु ने ओनु केहले, “अगर मैं ना धोवे, तां माये लारे दुधा कुई वी साझा कोनी।”

प्रेरितां चे काम 2:21

जको कुई प्रभु चे नाम गिही, ओ उद्धार पावी।’

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 7:59

वे स्तिफनुस चे उपर पत्थराव करते रेहले, ते ओ ईं केहती कर प्राथना करता रेहला, “हे प्रभु ईशु, माई आत्मा नु स्वीकार कर।”

प्रेरितां चे काम 9:14

ते इठे तक वी ऐनू प्रधान याजका चे तरफु अधिकार मिड़ला आला छै, कि जको लौक दुधे नां गिही, वां सारा नु ब़ांथी गेहती जाओ।”

प्रेरितां चे काम 9:18

ते तुरन्त ओचीया आँखीया कनु छिलके जिसड़े ढेले, ते ओ ङेखु लाग़ती गेला, ते ऊठती कर बपतिस्मा गेहला।

1 कुरिन्थियां 1:2

नरीकारा ची वे कलीसिया चे नांवे लिखली गेली, जको कुरिन्थुस शहरा मां छै, यानि वांचे नांवे जको मसीह ईशु मां पवित्र करले गेले, ते पवित्र हुवणे वास्ते हकारले गेले, ते वां सारा चे नांवे वी जको हर जग़हा अम्चे ते आपणे प्रभु ईशु चे नांवा लारे प्राथना करी।

1 कुरिन्थियां 12:13

कांकि अम्ही सारा ने का यहूदी हो, का यूनानी, का दास, का आजाद, हेक ही पवित्र आत्मा चे जरिये हेक शरीर हुवणे वास्ते बपतिस्मा गेहला, ते अम्चे सब मां हेक ही पवित्र आत्मा बसणे वास्ते आला।

1 कुरिन्थियां 6:11

ते तम्चे महु कोच्छ इसड़े ही हुते। पर हमा तम्ही धुपती कर शोद्ध हुती गेले प्रभु ईशु मसीह चे नांवा लारे ते अम्चे नरीकारा ची आत्मा चे जरिये करले गेले कामा चे नतीजे लारे धर्मी घोषित करले गेले ही छिवा।

गलातियां 3:27

ते तम्चे महु जितना ने मसीह मां बपतिस्मा गेहला, ते वाणे मसीह नु अपनाती गेले।

इफिसियां 5:26

कि वानु वचना चे लारे पाणीया चे इश्नान लारे शोद्ध करती पवित्र बणाओ।

तीतुस 3:5

ते ओणे अम्चा उद्धार करला। ते ईं धर्मा चे कामा ची वजह कनु कोनी, जको अम्ही आप करले, पर आपणी दया चे अनुसार, नवें जनमा चे झूलने लारे, ते पवित्र आत्मा चे अम्हानु नवें बणावणे लारे हुले।

इब्रानियां 10:22

तां आवा, अम्ही सच्‍चे मना लारे, ते पुरे विश्‍वासा लारे, ते विवेक चा दोष दूर करने वास्ते दिला उपर मसीह चे लुहींया चा छिड़काव गेहती कर, ते शरीरा नु शोद्ध पाणीया लारे धुवाती कर, नरीकारा चे गोढु जऊं।

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।