प्रेरितां चे काम 22:1 - ओङ राजपूत

¹ “हे माये भऊ, ते ङाङे-ब़ा, माया उत्तर सुणा, जको मैं हमा तम्चे सामणे किहे पला।”

प्रेरितां चे काम 22:1 ပူးပေါင်းရင်းမြစ်များ

लूका 12:11

“जिसे बेले लौक तम्हानु प्राथनाघरा ते हाकिमा ते अधिकारीया चे सामणे गेहती जाये, तां चिन्ता ना करजा कि अम्ही केस रीति लारे, जा का उत्तर ङिऊं, जा का किहुं।

लूका 21:14

ऐवास्ते आपणे-आपणे मना मां ठानती राखजा कि अम्ही पेहले कनु उत्तर ङेणे ची चिन्ता नी करु।

प्रेरितां चे काम 13:26

“हे माये भऊ, तम्ही जको अब्राहम ची ऊलाद्ध छिवा ते जको नरीकारा कनु ङरा, तम्चे गोढु हाओ उद्धार चा वचन भेज़ला गेला।

प्रेरितां चे काम 19:33

बल्ति वाणे सिकन्दर नु, जानु यहूदिया ने खड़े करले हुते, भीड़ महु आग़ु बढ़ाले, ते सिकन्दर हाथा चे इशारे लारे बन्दा चे सामणे हा उत्तर ङेणे चाहवे ला।

प्रेरितां चे काम 23:1

पौलुस ने महासभा सनु ध्यानारीत ङेखती कर केहले कि, “हे माई भऊ, मैं आज़ तक नरीकारा चे वास्ते बेलकोल इमानदारी लारे जीवन बिताला।”

प्रेरितां चे काम 23:6

तब पौलुस ने ईं जाणती कर कि, हेक दल सदूकिया ते ङुजा फरीसिया चा छै, महासभा मां ऊंची अवाजी लारे केहले, “हे भऊ, मैं फरीसी ते फरीसिया चे वंश चा छै, मरले आला ची आस ते पुनरुत्थान चे बारे मां माया मुकदमा हुवे पला।”

प्रेरितां चे काम 24:10

जिसे बेले फेलिक्स राज्यपाल ने पौलुस नु ब़ोलणे चा इशारा करला, ते पौलुस ने उत्तर मां केहले कि, “मैं हा जाणती कर कि तु ब़ोहत साला कनु ऐ जाति चा न्यां करता आला, ऐवास्ते मैं खुशी लारे आपणे बचाव चे वास्ते ये बाता दुधे सामणे पेश करे पला।

प्रेरितां चे काम 25:16

पर मैं वानु केहले, ‘रोमियां मां इसड़ी रिति-रिवाज कोनी कि कुई बन्दे नु सजा ङेणे चे वास्ते सोंपती ङियो, जब तक आरोपीया नु दोष लावणे आले चे आमणे-सामणे भिले रेहती कर, ओ दोष जको ओचे उपर लाग़ला गेला ओचा उत्तर ङेणे चा मौका ना मिलो।’

प्रेरितां चे काम 25:8

पर पौलुस आपणे बचाव वास्ते किहुं लाग़ला कि, “ना तां मैं यहूदिया ची व्यवस्था चा विरोध करला, ते ना ही मैं मन्दरा चा, ते ना ही मैं कैसर चे विरोध कुई वी अपराध करला।”

प्रेरितां चे काम 26:24

जिसे बेले पौलुस आपणे बचाव वास्ते ये बाता किहे पलता, फेस्तुस ने ऊंची अवाजी लारे केहले कि, “हे पौलुस, तु पाग़ल छी। दुधी घणी पढ़ाई ने तनु पाग़ल बणाती नाखले।”

प्रेरितां चे काम 28:17

तीन ङिहां चे बाद पौलुस ने यहूदी प्रधाना ची हेक सभा हकरवाली, जिसे बेले वे भेले हुले तां वानु केहले कि, “हे माये भऊ, मैं आपणे लौका चे विरोध मां, जा पुरखा कनु चढ़ली आवे रीति रिवाज चे विरोध मां कोच्छ वी कोनी करले, फेर वी मैं कैदी बणाती कर यरुशलेम कनु रोमियां चे हाथा मां सोंपला गेला।

प्रेरितां चे काम 7:2

ओणे केहले, “हे माये भऊ, ते ब़ा चे समान सुणा। अम्चा ब़ा अब्राहम हारान देशा मां बसणे कनु पेहले जिसे बेले मेसोपोटामिया मां हुता, तां महान नरीकारा ने ओनु दर्शन ङिला।

रोमियां 2:15

वे आपणे कामा लारे व्यवस्था चा बाता आपणे आपणे दिला उपर लिखलीया हुलीया ङिखाणी, ते वांचे विवेक वी ग़वाही ङी, ते वांचे विचार कङी दोष लावे ते कङी वानु बेकसूर ठहरावे।

1 कुरिन्थियां 9:3

जको मनु परखे वांचे वास्ते हाओ माया उत्तर छै।

2 कुरिन्थियां 12:19

तम्ही हालि तक समझते पले वा, कि अम्ही तम्चे सामणे सफाई ङिऊं पले। इसड़े कोनी। अम्ही तां नरीकारा नु मौजुद जाणती कर मसीह मां ब़ोलु। ते हे प्यारे, जको कोच्छ अम्ही किहुं ते करु ऊं तम्ची बढ़ोतरी वास्ते ही किहुं।

2 कुरिन्थियां 7:11

तां ङेखा, ईं ङोख जको नरीकारा ने ङिले, ओणे तम्चे मां कितनी इच्छा जग़ाती ङिली, ते प्रत्युतर, रीस, ङर, इच्छा, धोन्‍न ते बदला गेहणे चा विचार पैदा करती ङिला। तम्ही सारीया बाता मां हा साबित करती ङिले, कि तम्ही ये बाते मां बेकसूर छिवा।

फिलिप्पियां 1:17

पर कहीं नेरे लौक तां सच्‍चाई लारे ना बल्कि स्वार्थ लारे मसीह चा प्रचार करी कांकि वे सोची कि इसड़े करने लारे कैदखाने मां माये वास्ते क्लेश पैदा करो।

फिलिप्पियां 1:7

माया हा विचार तम्चे वास्ते ठीक छै, कांकि तम्ही माये दिला मां बसती गेले, ते माई कैद मां ते सुसमाचार चे वास्ते उत्तर ते प्रमाण ङेणे मां तम्ही सारे माये लारे अनुग्रह मां भईवाल छिवा।

2 तीमुथियुस 4:16

माये पेहले प्रतिवाद चे बेले किह्णी वी माया साथ कोनी ङिला, बल्कि सब ने मनु छोड़ती ङिले हुते। भले हो कि ऐचा वानु लेखा ङेणा ना पड़ो।

1 पतरस 3:15

पर मसीह नु प्रभु जाणती कर आपणे आपणे मना मां पवित्र समझा, ते जको कुई तम्हा कनु तम्ची आस चे बारे मां कहीं पूछे ते ओनु उत्तर ङेणे चे वास्ते हमेशा तियार रिहा, पर नरमाई ते ङर चे लारे।