प्रेरितां चे काम 21:27 - ओङ राजपूत

²⁷ जिसे बेले सात ङिहें पुरी हुली तां, एशिया इलाके कनु कोच्छ यहूदी ओठे आले ते पौलुस नु मन्दरा मां ङेखती कर सारा लौका नु भड़काले, ते ओठे अफरा-तफरी मचाती कर ईं केहती कर पौलुस नु पकड़ती गेले कि,

प्रेरितां चे काम 21:27 ပူးပေါင်းရင်းမြစ်များ

लूका 21:12

पर यां सब बाता कनु पेहले वे माये नांवा ची वजह तम्हानु पकड़े, ते सतावे, ते प्राथनाघरा मां सोंपे, ते कैदखाने मां नखवावे, ते राजा ते हाकिमा चे सामणे गेहती जाये।

प्रेरितां चे काम 13:50

पर यहूदिया ने शहरा चा भलीया, ऊंचे कोल्‍ल चीया असतरीया नु ते शहरा चा खास बन्दा नु भड़काती नाखले, ते पौलुस ते बरनबास उपर दोष लवाती कर वानु आपणी हद्दी कनु ब़ाहरु कढ़वाती छोड़ले।

प्रेरितां चे काम 14:19

पर कोच्छ यहूदी अन्ताकिया ते इकुनियुम शहरा कनु आती कनु लौका नु आपणे पक्ष मां करती गेले, ते पौलुस चे उपर पत्थराव करला, ते मरले आले समझती कर ओनु शहरा ब़ाहरु घींसती कर ब़ाहरु छिकती गेले।

प्रेरितां चे काम 14:2

पर जिसा यहूदी बन्दा ने विश्‍वास कोनी करला हुता, वाणे नेरीया जातिया आला बन्दा नु भड़काती नाखले ते वांचे मना मां विश्‍वासी भावां चे विरोध जहर भरती ङिला।

प्रेरितां चे काम 14:5

पर जिसे बेले नेरीया जातिया ते यहूदी वांचा अपमान ते पत्थर मारणे वास्ते आपणे सरदारा समेत वांचे पतरस ते बरनबास सनु द्रोड़ले।

प्रेरितां चे काम 16:6

ते वे फ्रूगिया ते गलातिया प्रदेसा महु हुती कर गेले, कांकि पवित्र आत्मा ने वानु एशिया इलाके मां वचन सुणावणे वास्ते मना करले।

प्रेरितां चे काम 17:13

पर जिसे बेले थिस्सलुनिके शहरा चे यहूदिया नु पता लाग़ला कि पौलुस बिरीया मां वी नरीकारा चे वचना चा प्रचार करे पला, ते ओठे वी जती कर लौका नु भड़काऊ ते हलचल मचाऊं लाग़ले।

प्रेरितां चे काम 18:12

जिसे बेले गल्‍लियो अखाया प्रदेस चा राज्यपाल हुता, ते ओ बेले यहूदी लौक ऐका करती कर पौलुस चे विरोध हुती गेले, ते ओनु पकड़ती कर न्यां आसण चे सामणे खड़े करती ते किहुं लाग़ले कि,

प्रेरितां चे काम 2:9

अम्ही जको पारथी, ते मेदी, ते एलामी लौक, ते मेसोपोटामिया, ते यहूदिया, ते कप्पदूकिया, ते पुन्तुस, ते आसीया।

प्रेरितां चे काम 20:19

यानिकि बङी नरमाई लारे, ते हींजवे बाहती-बाहती, ते वा परीक्षा महु जको यहूदिया ने षड़यंत्र रचने ची वजह माये उपर आली, मैं प्रभु ची सेवा करता रेहला।

प्रेरितां चे काम 24:11

तु आप खौद्द ही यां बाता ची सच्‍चाई नु जाण सग़ी कि, जिसे बेले मैं यरुशलेम मां अराधना करने चे वास्ते आला, मनु ब़ारहा ङिहां कनु ज्यादा ङिहें कोनी हुली।

प्रेरितां चे काम 24:18

ओही बेले यांणे मनु मन्दरा मां शोद्ध हुवणे ची रीति पुरी करते हुले ङेखले, ओठे ना कुई भीड़ हुती ते ना ही कुई शोर शराबा हुता।

प्रेरितां चे काम 26:21

“यां बाता ची वजह यहूदी मनु मन्दरा मां पकड़ती कर मारती नाखणे चा यतन करु लाग़ले।

प्रेरितां चे काम 4:3

ते वाणे वानु पकड़ती कर ङुजे ङिओ तक कैदखाने मां राखले कांकि आथण हुती गेलते।

प्रेरितां चे काम 5:18

ते ङुंहु प्रेरितां नु पकड़ती कर कैदखाने मां नाखले पती।

प्रेरितां चे काम 6:12

ते लौका ते बङका ते शास्त्रीया नु भड़काती कर चढ़ती आले ते ओनु पकड़ती कर महासभा मां गेहती आले।

प्रेरितां चे काम 6:9

बल्ति ओ प्राथनाघरा महु जको लिबिरतीनो ची किहवाती, ते कुरेनी ते सिकन्दरिया ते किलिकिया ते एशिया चे लौका महु कुई हेक ऊठती कर स्तिफनुस लारे बहस-बाजी करु लाग़ले।

2 कुरिन्थियां 11:26

मैं बार-बार सफरा मां, नदीया चे जोखिमा मां, ङाकुवा चे जोखिमा मां, आपणी जाति ची वजह कनु जोखिमा मां, नेरीया जातिया ची वजह कनु जोखिमा मां, शहरा मां रेहणे आला ची वजह कनु, खतरनाक ब्याबान मां, भयानक समुन्दरा चे जोखिमा मां, कूड़े भावां चे बीच मां खतरनाक स्थिति मां रेहला।

1 थिस्सलुनीकियां 2:16

ते वे नेरीया जातिया नु वांचे उद्धार वास्ते बाता करने कनु अम्हानु रोकी, नतीजा हा छै, कि वे सदा आपणे पापा चे ठां भरते रिही, पर अन्त मां तां नरीकारा चा भयानक गुस्सा वांचे उपर आती पुज़ला।